మార్కెట్‌ నుండి విరమించుకున్న హీరో స్ల్పెండర్ ఐస్మార్ట్

హీరో స్ల్పెండర్ ఐస్మార్ట్100 సీసీ బైకులో 97.2సీసీ సామర్థ్యం ఉన్న సింగిల్ సిలిండర్ ఎయిర్ కూల్డ్ ఇంజన్ కలదు.

ఇందులోని శక్తివంతమైన ఇంజన్ 8.2బిహెచ్‌పి పవర్ మరియు 8.05ఎన్ఎమ్ గరిష్ట టార్క్‌ను ఉత్పత్తి చేయును.

ఇందులోని ఇంజన్‌కు 4-స్పీడ్ మ్యాన్యువల్ గేర్‌బాక్స్‌ను అనుసంధానం చేసారు.

హీరో మొదటి సారిగా ఇందులో ఐ3ఎస్ సాంకేతికతను ప్రవేశపెట్టారు. తద్వారా ఇంజన్ ఆటోమేటిక్‌గా స్టాప్ అండ్ స్టార్ట్ అవుతుంది. తద్వారా ఇది లీటర్‌కు 102 కిమీల మైలేజ్‌ను ఇవ్వగలిగింది.

ఇందులో వినియోగించిన సాంకేతికత ద్వారా బైకును ఐడిల్(నడపకుండా స్టార్ట్‌లో ఉంచినపుడు)గా ఉంచినపుడు ఆటోమేటిక్‌గా ఇంజన్ ఆఫ్ అవుతుంది. అయితే క్లచ్ ప్రెస్ చేసిన వెంటనే ఆటోమేటిక్‌గా ఇంజన్ ఆన్ అవుతుంది.

హీరో మోటోకార్ప్ స్ల్పెండర్ ఐస్మార్ట్ 100 సీసీ బైకును 110 సీసీ బైకుతో రీప్లేస్ చేయనుంది.

ఇంతకు మునుపు హీరోమోటోకార్ప్ ఈ స్ల్పెండర్ ఐస్మార్ట్110 సీసీ బైకును 2016 ఇండియన్ ఆటో ఎక్స్ పో వేదిక మీద ప్రదర్శించారు.

ప్రముఖ ఆన్‌లైన్ వార్తా సంస్థ కథనం మేరకు ఇండియన్ మార్కెట్లోకి హీరో అతి త్వరలో స్ల్పెండర్ ఐస్మార్ట్ 110సీసీ సామర్థ్యం ఉన్న బైకును విడుదల చేయనుంది ఈ నేపథ్యంలోనే దీనిని అమ్మకాల నుండి విరమించినట్లు తెలిసింది.

• వికారమైన వెర్రికి అర్థం లేని ఆకారంగా మారిన బైకులు



• హోండా నుండి మెట్రోపాలిటన్ రెట్రో స్కూటర్