వి9 బోబర్ మరియు రోమర్ బైకులను విడుదల చేయనున్న మోటో గుజ్జి

By Anil

Published: Thursday, August 11, 2016, 18:05 [IST]

ఇటాలియన్‍‌కు చెందిన ప్రముఖ టూ వీలర్ల తయారీ సంస్థ ఇండియన్ మార్కెట్లోకి వి9 బోబర్ మరియు రోమర్ అనే రెండు బైకులను విడుదల చేయడానికి సన్నాహాలు చేస్తోంది. వచ్చే వారంలో దేశ వ్యాప్తంగా ఉన్న మోటోప్లెక్స్‌లలో వీటిని అందుబాటులోకి తీసుకువస్తున్నట్లు మోటో గుజ్జి అధికారికంగా తెలిపింది.

మోటో గుజ్జి నుండి వి9 బాంబార్ మరియు రోమర్

ఇటాలియన్ సంస్థ మోటో గుజ్జి తమ ఉత్పత్తులను పియాజియో గొడుగు క్రింద దేశీయంగా అందుబాటులోకి తీసుకువచ్చింది.

ఆగష్టు 2016 లో విడుదలకు సిద్దమైన ఈ రెండు ఉత్పత్తులను మోటో గుజ్జి ఇది వరకే జరిగిన ఆటో ఎక్స్ పో వేదిక మీద ప్రదర్శించింది.

వి9 బోబర్ మరియు రోమర్ అనే బైకుల్లో ఒకే విధమైన ఇంజన్‌ను అందిస్తున్నారు మరియు ఈ రెండు బైకుల మధ్య ఉన్న తేడా ఏమిటి అంటే, డిజైన్ అని నిర్మొహమాటంగా చెప్పవచ్చు. ఎందుకంటే రెండు బైకుల డిజైన్ చాలా విభిన్నంగా ఉంటుంది.