మే 11, 2016 న విడుదలకు సిద్దమైన ఎమ్‌వి అగస్టా

ఎమ్‌వి అగస్టా ఇండియన్ మార్కెట్లోకి ఏయే ఉత్పత్తులను విడుదల చేస్తుందో ఇంకా అధికారికంగా వెల్లడించలేదు. అయితే మూడు ముఖ్యమైన ఉత్పత్తులను భారతీయులకు అందుబాటులోకి తీసుకు రానున్నట్లు మార్కెట్ వర్గాల అంచనా.

బ్రుటాలి 1090 అనే బైకును ఎమ్‌వి అగస్టా అనధికారికంగా గత ఏడాది నవంబర్‌లో 17.99 లక్షల ధరతో విడుదల చేసింది.

అంతే కాకుండా ఎఫ్4 ఆర్ఆర్ అనే బైకుకు చెందిన బుకింగ్స్‌ను తెరిచినట్లు వదంతులు వచ్చాయి. అంతే కాకుండా దీని ధర సుమారుగా 35.50 లక్షల మధ్య ఉన్నట్లు తెలిసింది.

ఈ ఎఫ్4 ఆర్ఆర్ బైకులో 1-లీటర్ కెపాసిటి గల ఇంజన్, రైడ్-బై-వైర్ టెక్నాలజీ, ఓహ్లిన్స్ ఎలక్ట్రిక్ సస్పెన్షన్ మరియు స్టీరింగ్ డ్యాంపర్లు వంటి ఫీచర్లు ఉన్నాయి.

బ్రుటాలి 1090 బైకులో 1078 సీసీ కెపాసిటి గల ఇంజన్ కలదు. ఇది సుమారుగా 144 బిహెచ్‌పి పవర్ మరియు 112 ఎన్ఎమ్ గరిష్ట టార్క్‌ను ఉత్పత్తి చేస్తుంది.

గరిష్ట వేగం గంటకు 265 కిలోమీటర్లతో దూసుకెళ్లే ఈ బ్రుటాలి 1090 బైకు ధర సుమారుగా రూ. 19.3 లక్షలు ఎక్స్ షోరూమ్ గా ఉన్నట్లు సమాచారం.

ఎమ్‌వి అగస్టా విడుదల చేయనున్న జాబితాలో ఎఫ్‌3 800 అనే మోడల్ ఉన్నట్లు తెలిసింది. ఇందులో 798 సీసీ కెపాసిటి గల ఇంజన్ కలదు.

ఈ ఎఫ్3 800 బైకులోని ఇంజన్ సుమారుగా 148 బిహెచ్‌పి పవర్‌ను ఉత్పత్తి చేయగలదు మరియు దీని గరిష్ట వేగం 296 కిలోమీటర్లుగా ఉంది.

ఫీచర్ల పరంగా ఇందులో ఎనిమిది స్టేజ్‌లలో పనిచేసే ట్రాక్షన్ కంట్రోల్ మరియు యాంటి లాక్ బ్రేకింగ్ సిస్టమ్ వంటివి కలవు.

ఇవే కాకుండా ఎమ్‌వి అగస్టా తాజాగా అభివృద్ది చేసిన 2016 బ్రుటాలి 800 బైకు కూడా ఇండియాలో విడుదలయ్యే ఎమ్‌వి అగస్టా బైకుల రేసులో ఉంది.

ఎమ్‌వి అగస్టా 2016 మే 06 న ఇండియన్ మార్కెట్లో అధికారికంగా తమ కొత్త బైకులతో అమ్మకాల ఆరంగ్రేటం చేయనుంది. దీని గురించి మే 6 న తెలుగు డ్రైవ్‌స్పార్క్ ప్రత్యక్ష సమాచారాన్ని అందిస్తుంది. అంత వరకు తెలుగు డ్రై‌వ్ స్పార్క్‌తో కలిసి ఉండండి.

రైలు ప్రయాణం మనకు ఎంతో ఆనందం..... కాని రైలు నడిపే వారికి అదో నరకం...!!

ఇండియాలో అందుబాటులో ఉన్న 8 ఉత్తమ సిఎన్‌‌జి కార్లు

ఇండియాలో ఉన్న టాప్-10 ట్రాక్టర్ తయారీ సంస్థలు