బైకు ప్రేమికులకు శుభవార్త: టీవీఎస్ అపాచే 200 4వి ఎలా ఉంటుందో తెలిసిపోయింది.

By Anil

Published: Monday, January 18, 2016, 15:23 [IST]

టీవీఎస్ టూ వీలర్స్ వారు అతి త్వరలో తమ అపాచే 200 4వి బైకును మార్కెట్లోకి విడుదల చేయనున్నారు. అయితే వారు విడుదల చేయడానికి ముందే దీని అందాలు నెట్టింట్లో తళతళలాడుతున్నాయి.
Also Read: భారతీయ మార్కెట్లో మొదటి స్థానంలో ఉన్న ఆక్టివా 125 కు పోటిగా గస్టో 125 వచ్చింది ఇందులో మీరు దేనిని ఎంచుకుంటారు..?

నిజమేనండోయ్ టీవీఎస్ వారి అపాచే 200 4వి గురించి దాచుకున్న గుట్టంతా బహిర్గతమయిపోయింది. మరి దీని గురించి మీరు కూడా తెలుసుకోవాలనుకుంటున్నారా...? అయితే క్రింద గల కథనం మీద ఓ లుక్కేయండి.

లభించు రంగులు:

టీవీస్ వారి అపాచే ఆర్‌టిఆర్ 200 4వి బైకు ఆరు విభిన్న రంగుల్లో లభించనుంది.

బ్లాక్

సిల్వర్

రెడ్

మట్టి బ్లాక్

తెలుపు

పసుపు

ఇంజన్ వివరాలు:

ఇందులో 197.75సీసీ కెపాసిటి గల సింగల్ సిలిండర్ ఇంజన్ కలదు. ఈ ఇంజన్ దాదాపుగా 20.263 బిహెచ్‌పి పవర్ మరియు 18.1 ఎన్ఎమ్ అత్యధిక టార్క్‌ను విడుదల చేయును.

ఫీచర్లు:

ఇందులో క్లిప్ ఆన్ హ్యాండిల్ బార్
డిజిటల్ ఇంస్ట్రుమెంట్ క్లస్టర్
స్ల్పిట్ సీటు
వెనుక వైపున మోనో షాక్ సస్పెన్షన్ మరియు ముందు వైపున టెలిస్కోపిక్ ఫ్రంట్ సస్పెన్షన్ కలదు.

లైట్లు:

క్లియర్ గా కనిపించే ఇండికేటింగ్ ల్యాంప్స్
ఎల్‌ఇడి టెయిల్ ల్యాంప్స్
ముందు మరియు వెనుకవైపున గల హెడ్‌లైట్లలో పగటి పూట వెలిగే ల్యాంప్స్ కలవు.

అత్యధిక వేగం:

ఇందులో గల ఇంజన్ 0 నుండి 60 కిలోమీటర్ల వేగాన్ని కేవలం 3.9 సెకండ్ల కాలంలోనే చేరుకుంటుంది. మరియు దీని అత్యధిక వేగం గంటకు 130 కిలోమీటర్లు. ఇది ఇంత వేగాన్ని చేరుకోవడానికి ఇందులో 5-స్పీడ్ గేర్ బాక్స్ ఎంతగానో తోడ్పడుతుందని ఒక వెబ్‌సైట్ తెలిపింది.

భద్రత:

ఇందులో భద్రతకు కూడా అధిక ప్రాధాన్యతను ఇచ్చినట్లు సదరు వె‌బ్‌సైట్ తెలిపింది. ఈ అపాచే ఆర్‌టిఆర్ 200 4వి బైకులో యాంటి లాక్ బ్రేకింగ్ సిస్టమ్‌ను అందించారు. మరియు ముందు వైపున 270ఎమ్ఎమ్ మరియు వెనుకవైపున 200 ఎమ్ఎమ్ గల పెటల్ డిస్క్ బ్రేకులను అందించారు.