భారతీయ మార్కెట్లోకి ఆపాచే ఆర్‌టిఆర్ 200 4వి బైకు విడుదల చేసిన టీవీఎస్

By Anil

Published: Wednesday, January 20, 2016, 18:31 [IST]

టీవీఎస్ మోటార్స్ వారు దేశీయ మార్కెట్లోకి సరికొత్త అపాచే ఆర్‌టిఆర్ 200 4వి బైకును విడుదల చేశారు. గత వారంలో దీనికి రహస్యంగా పరీక్షలు నిర్వహించారు. అయితే అధికారికంగా నేడు టీవీఎస్ టూ వీలర్స్ వారు దీనిని 88,990 రుపాయల వద్ద విడుదల చేశారు.

టీవీఎస్ వారి సరికొత్త అపాచే ఆర్‌టిఆర్ 200 4వి బైకు మరిన్ని వివరాలు క్రింది కథనంలో...

టీవీఎస్ అపాచే ఆర్‌టిఆర్ 200 4వి ధరలు

టీవీఎస్ అపాచే ఆర్‌టిఆర్ 200 4వి (కార్బోరేటర్) ధర రూ. 88,990/-
టీవీఎస్ అపాచే ఆర్‌టిఆర్ 200 4వి (ఫ్యూయల్ ఇంజెక్షన్) ధర రూ. 1.07 లక్షలు
టీవీఎస్ అపాచే ఆర్‌టిఆర్ 200 4వి (ఎబిఎస్) ధర రూ. 1.15 లక్షలు

అన్ని ధరలు ఎక్స్ షోరూమ్ (ఢిల్లీ) గా ఉన్నాయి.

ఇంజన్

టీవీఎస్ అపాచే ఆర్‌టిఆర్ 200 4వి బైకులో 197 సీసీ కెపాసిటి గల ఆయిల్ మరియు ఎయిర్ కూల్డ్ ఇంజన్ కలదు.

పవర్

ఇందులో ఉన్న సింగల్ సిలిండర్ ఇంజన్ దాదాపుగా 21 బిహెచ్‍‌పి పవర్ మరియు 18 ఎన్ఎమ్ అత్యధిక టార్క్‌ను ఉత్పత్తి చేయును (ఫ్యూయల్ ఇంజెక్షన్ సిస్టమ్ ‌ను వినియోగించినపుడు). కార్బోరేటర్ ను ఉపయోగించినపుడు 20 బిహెచ్‌పి పవర్‌ను ఉత్పత్తి చేస్తుంది.

గేర్ బాక్స్

టీవీఎస్ మోటార్స్ వారు అపాచే ఆర్‌టిఆర్ 200 4విలో గల ఇంజన్‌కు 5-స్పీడ్ గేర్ బాక్స్‌ను అనుసంధానం చేశారు. ఇది కేవలం 3.9 సెకండ్ల కాలంలోనే గంటకు 0 నుండి 60 కిలోమీటర్ల వేగాన్ని అందుకుంటుంది.