సరికొత్త 125సీసీ స్కూటర్ విడుదల చేయనున్న టీవీఎస్

ప్రస్తుతం టీవీఎస్ మోటార్స్ కు చెందిన రీసెర్చ్ మరియు డెవలప్‌మెంట్ కేంద్రాలు నూతన పరిజ్ఞానంతో సరికొత్త ఉత్పత్తుల అభివృద్ది మీద ఎక్కువ దృష్టిని పెట్టాయి.

దేశీయ పరిజ్ఞానంతో ముందుకు వెళుతున్న టీవీఎస్ బిఎమ్‌డబ్ల్యూ మోటోరాడ్‌తో కలిసింది. ఈ ఒప్పందం ద్వారా భవిష్యత్తులో తక్కువ కెపాసిటి గల మరిన్ని ఉత్పత్తులు అందుబాటులోకి రానున్నాయి.

సమాచార వర్గాల కథనం మేరకు, టీవీఎస్ సరికొత్త 125సీసీ సామర్థ్యం గల స్కూటర్‌ను అభివృద్ది చేస్తున్నట్లు స్పష్టమవుతోంది. సరికొత్త స్కూటర్ల శ్రేణి పరిచయంతో బ్రాండ్ పేరును మరింత పెంచే ఆలోచనలో కూడా టీవీఎస్ ఉంది.

ప్రస్తుతం టీవీఎస్ స్కూటర్ల లైనప్‌లో అత్యధిక అమ్మకాలు సాధిస్తోంది కేవలం జూపిటర్ మాత్రమే. అయితే అత్యుత్తమ అమ్మకాలు సాధించే మరో ఉత్పత్తిని రూపొందించుకునే పనిలో ఉంది టీవీఎస్. దీనిని కూడా జూపిటర్ బ్రాండ్ పేరుతో మార్కెట్లోకి విడుదల చేసే అవకాశాలు ఉన్నాయి.

టీవీఎస్ తమ 125సీసీ స్కూటర్ల లైనప్‌ను పెంచుకోవడం ద్వారా 110సీసీ సామర్థ్యం కన్నా మరింత శక్తివంతమైన లైనప్‌కు శ్రీకారం చుట్టినట్లే. ఇప్పుడు మంచి కెపాసిటి గల స్కూటర్ల మీద వినియోగదారులు ఎక్కువ శ్రద్ద చూపుతున్నారు. కాబట్టి భవిష్యత్తులో 125సీసీ ఉత్పత్తులకు గిరాకీ పెరగనుంది.

దేశీయంగా ఉన్న 125సీసీ సెగ్మెంట్లో సుజుకి యాక్సెస్ అగ్ర స్థానంలో ఉంది. గత దశకం నుండి అమ్మకాల్లో మంచి వృద్దిని సాధిస్తోంది. మరియు వీటికి హోండా ఆక్టివా 110సీసీ ఉత్పత్తులు కూడా గట్టి పోటీగా నిలుస్తున్నాయి.

125సీసీ సామర్థ్యం గల ఉత్పత్తుల అమ్మకాల్లో హీరో మోటోకార్ప్ మరియు యమహా మోటార్ ఇండియా కంపెనీలు ముందజలో ఉన్నాయి. మొత్తం మీద స్కూటర్ల మార్కెట్లో హోండా తమ ఆక్టివా శ్రేణి ఉత్పత్తుల ద్వారా మంచి ఫలితాలను సాధిస్తోంది.

ప్రస్తుతం టీవీఎస్ తీసుకున్న నూతన 125సీసీ ఉత్పత్తుల అభివృద్ది ద్వారా దేశీయంగా ఉన్న సుజుకి మోటార్ సైకిల్స్ అండ్ స్కూటర్స్ ఇండియా మరియు హోండా మోటార్ సైకిల్స్ అండ్ స్కూటర్స్ ఇండియా సంస్థలకు చెందిన 125సీసీ స్కూటర్లకు గట్టి పోటీని సృష్టించనుంది.

• డొనాల్డ్ ట్రంప్ కార్ కలెక్షన్
• ఎస్‌యువిని కొంటున్నారా ? వీటి విడుదలకు కాస్త ఆగండి..!!