దీపావళికి ఎమ్‌టి 03 ని విడుదల చేయనున్న యమహా

ప్రస్తుతం దేశీయంగా అందుబాటులో ఉన్న ఎమ్‌టి 09 తో పాటుగా ఈ ఎమ్‌టి 03 ని 2016 ఇండియన్ ఆటో ఎక్స్ పో వేదిక మీద యమహా ప్రదర్శించింది.

సమచార వర్గాల కథనం మేరకు ఈ యమహా ఎమ్‌టి 03 బైకు ధర సుమారుగా రూ. 2.75 లక్షలుగా ఉండే అవకాశం ఉన్నట్లు తెలిసింది.

సాంకేతికంగా ఇందులో 321సీసీ సామర్థ్యం గల లిక్విడ్ కూల్డ్ ట్విన్ సిలిండర్ ఇంజన్ కలదు.

ఈ యమహా ఎమ్‌టి 03 లోని శక్తివంతమైన ఇంజన్ సుమారుగా 41.4బిహెచ్‌పి పవర్ మరియు 29.6ఎన్ఎమ్ గరిష్ట టార్క్ చేయును. ఈ ఇంజన్‌కు 6-స్పీడ్ మ్యాన్యువల్ ట్రాన్స్‌మిషన్ గల గేర్‌బాక్స్‌ను అనుసంధానం చేయనున్నారు.

ఈ ఎమ్‌టి 03 బైకు డిజైన్ పరంగా ఆర్3 ను పోలి ఉంటుంది. రైడింగ్ సౌలభ్యం కోసం ముందువైపున హ్యాండిల్‌ను కాస్త ఎత్తుగా ఉండే విధంగా అందించారు.

ఈ ఎమ్‌టి 03 లో ముందు వైపు 110 సెక్షన్ మరియు వెనుక వైపున 140 సెక్షన్ ఉండే టైర్లను అందించారు.

స్పోర్ట్స్ బైకులలో ఎంతో ముఖ్యమైనది సస్పెన్షన్. అందుకోసం ఇందులో ముందు వైపున టెలిస్కోపిక్ ఫ్రంట్ ఫోర్క్స్ మరియు వెనుక వైపున మోనోషాక్ అబ్జార్వర్‌ను అందించారు.

ఉత్తమ రహదారి పటిష్టం కోసం ఎమ్‌ఆర్ఎఫ్ టైర్ల స్థానంలో మిచేలియన్ లేదా పిరెల్లీ సంస్థలకు చెందిన ఖరీదైన టైర్లను వినియోగించనున్నారు. మరియు దేశీయంగా విడుదల చేసే ఎమ్‌టి 03 లో యాంటి లాక్ బ్రేకింగ్ సిస్టమ్ వచ్చే అవకాశాలు దాదాపుగా తక్కువే.

యమహా ఇండియా ఈ ఎమ్‌టి 03 బైకును దేశీయ విపణిలోకి విడుదల చేస్తే, ప్రస్తుతం అందుబాటులో ఉన్న కెటిఎమ్ డ్యూక్ 390, బెనెల్లీ టిఎన్‌టి300 మరియు త్వరలో విడుదల కానున్న బజాజ్ విఎస్400 లకు పోటీగా నిలవనుంది.

యమహా ఎమ్‌టి 03

• ఒకే ఏడాదిలో విడుదల కానున్న షెవర్లే వారి ఐదు కొత్త కార్లు
• సరికొత్త ఆకుపచ్చ రంగుల్లో యమహ సెల్యూటో
• ఇండియా నుండి 10 ఇతర దేశాలకు ఉన్న రైలు మార్గాలు