సరికొత్త ఆకుపచ్చ రంగులో యమహ సెల్యూటో

By Anil

Updated: Saturday, September 17, 2016, 13:56 [IST]

యమహా మోటార్ ఇండియా 2016 ఏడాది పండుగ సీజన్‌లో రాణించడం కోసం తమ సెల్యూటో బైకును సరికొత్త మ్యాట్ గ్రీన్ రంగులో విడుదల చేసింది. ఈ స్పెషల్ పెయింట్ స్కీమ్ కేవలం సెల్యూటో బైకుకు మాత్రమే అందించినట్లు తెలిపారు.

యమహా సెల్యూటో కొత్త పెయింట్ స్కీమ్ బైకు ధర

యమహా సెల్యూటో డ్రమ్ బ్రేక్ ధర రూ. 53,600 లు
యమహా సెల్యూటో డిస్క్ బ్రేక్ ధర రూ. 56,100 లు

కొత్త పెయింట్ స్కీమ్ మ్యాట్ గ్రీన్ కలర్ అప్ డేట్ మినహాయించి మరే ఇతర మార్పులు చేర్పులు ఇందులో సంతరించుకోలేదు. దేశీయంగా ఉన్న వినియోగదారులు ఉత్పత్తి యొక్క రంగుకు అధిక ప్రాధాన్యం ఇస్తున్న నేపథ్యంలో దీనిని ఇలా అందించినట్లు తెలిసింది.

సాంకేతికంగా ఇందులో 125సీసీ సామర్థ్యం ఉన్న సింగల్ సిలిండర్ ఎయిర్ కూల్డ్ ఇంజన్ కలదు, ఇది సుమారుగా 8.20బిహెచ్‌పి పవర్ మరియు 10.10ఎన్ఎమ్ గరిష్ట టార్క్‌ను ఉత్పత్తి చేయును.

ఇందులోని శక్తివంతమైన ఇంజన్‌‌కు 4-స్పీడ్ మ్యాన్యువల్ ట్రాన్స్‌మిషన్ గల గేర్‌బాక్స్‌ను అనుసంధానం చేశారు. యమహా వారి తెలిపిన కథనం ప్రకారం ఇది లీటర్‌కు 78 కిలోమీటర్ల మైలేజ్ ఇవ్వగలదు. అందుకోసం ఇందులో ప్రత్యేకంగా బ్లూ కోర్ సాంకేతికతను పరిచయం చేశారు.

ఈ పండుగ సీజన్‌ను సొమ్ము చేసుకోవడానికి యమహా తమ మరిన్ని ఉత్పత్తులను కూడా కొన్ని ప్రత్యేకమైన ఎడిషన్ మరియు విభిన్నమైన రంగులలో పరిచయం చేసే అవకాశాలు ఉన్నాయి.

ప్రస్తుతం యమహా లైనప్‌లో స్కూటర్లు, మోటార్ సైకిళ్లు మరియు సూపర్ బైకులను దేశ వ్యాప్తంగా అందుబాటులో ఉంచింది.