బ్లాక్ ప్యాక్ ఎడిషన్‌లో విడుదలైన బజాజ్ పల్సర్ సిరీస్ బైకులు

నూతన పెయింట్ స్కీములో భాగంగా మ్యాట్ గ్రే కలర్ హెడ్ లైట్లు, అల్లాయ్ వీల్స్ పల్సర్ శ్రేణి బైకుల్లో ప్రత్యేకాకర్షణగా నిలిచాయి. అంతే కాకుండా శాటిన్ క్రోమ్ ఎగ్జాస్ట్ కవర్ వంటివి మూడు పల్సర్ శ్రేణి బైకుల్లో ఉన్నాయి.

Recommended Video

Bangalore City Police Use A Road Roller To Crush Loud Exhausts

పల్సర్ బ్లాక్ ప్యాక్ ఎడిషన్ సిరీస్ బైకుల విడుదల సందర్భంగా బజాజ్ ఆటో మోటార్ సైకిల్స్ ప్రెసిడెంట్ ఎరిక్ వాస్ మాట్లాడుతూ, "భారతదేశంలో పల్సర్ నెంబర్ వన్ స్పోర్ట్స్ మోటార్ సైకిల్ బ్రాండ్‌గా గుర్తింపు తెచ్చుకుంది. తొలుత 2001లో పల్సర్ విడుదలైంది, ఇప్పుడు 25 దేశాల్లో ఇది విక్రయాల్లో ఉందిని తెలిపాడు."

"పల్సర్ శ్రేణి మోటార్ సైకిళ్లను పరిచయం చేసినప్పటి నుండి ప్రపంచ వ్యాప్తంగా కోటి పల్సర్ మోటార్ సైకిళ్లను విక్రయించడం పట్ల గర్వంగా ఫీలవుతున్నట్లు చెప్పుకొచ్చాడు. ఈ విజయాన్ని సెలబ్రేట్ చేసుకుంటూ పల్సర్ శ్రేణి మోటార్ సైకిళ్లను బ్లాక్ ప్యాక్ ఎడిషన్‌లో లాంచ్ చేసినట్లు తెలిపాడు."

అన్ని పల్సర్ బ్లాక్ ప్యాక్ ఎడిషన్ బైకుల్లో సాంకేతికంగా అవే మునుపటి ఇంజన్‌లతో లభించనున్నాయి. సరిగ్గా 16 సంవత్సరాల క్రితం బజాజ్ 150సీసీ కెపాసిటి గల పల్సర్ బైకును విడుదల చేసింది. ఇప్పుడు దీనితో పాటు 180సీసీ మరియు 220సీసీ కెపాసిటి గల పల్సర్ సిరీస్ బైకులు అందుబాటులో ఉన్నాయి.

డ్రైవ్‌స్పార్క్ తెలుగు అభిప్రాయం!

ఇండియన్ మోటార్ సైకిల్ మార్కెట్లో బజాజ్ పల్సర్ బెస్ట్ సెల్లింగ్ మోటార్ సైకిల్ బ్రాండ్‌గా నిలిచింది. బజాజ్ ప్రవేశపెట్టే బైకులకు మంచి ఆదరణ లభించడంతో స్కూటర్ల విపణి నుండి శాస్వతంగా నిష్క్రమించింది. బజాజ్ నుండి స్కూటర్ల లైనప్‌లోకి ఒక్క మోడల్ కూడా పరిచయం చేయలేదు.