బిఎస్-3 బైకులను ఇప్పటికీ కొనుగోలు చేయవచ్చా ?

అయితే స్టాక్ క్లియర్ కాని బిఎస్-3 మోటార్ సైకిళ్లను కొంత మంది డీలర్లు మార్కెట్లో విక్రయిస్తున్నట్లు తెలిసింది. భారీ డిస్కౌంట్లతో పాత బిఎస్3 వాహనాలను కస్టమర్లకు కట్టబెడుతున్నట్లు సమాచారం.

మరి ఇది ఎంత వరకు నిజం. ఇలా చేయడం సాధ్యమేనా వంటి వివరాలు ఇవాళ్టి కథనంలో తెలుసుకుందాం రండి.

ఆస్ట్రియన్‌కు చెందిన దిగ్గజ టూ వీలర్ల తయారీ సంస్థ కెటిఎమ్ ఇండియా విభాగం కూడా తమ మునుపటి బిఎస్3 టూ వీలర్ల స్టాకును క్లియర్ చేసుకోవడంలో విఫలం చెందింది. అయితే పాత కెటిఎమ్ తమ పాత బిఎస్-3 టూ వీలర్లను విక్రయిస్తున్నట్లు తెలిసింది.

కెటిఎమ్ తమ పాపులర్ మోటార్ సైకిల్ డ్యూక్ 390 మోటార్‌ సైకిల్‌ మీద భారీ డిస్కౌంట్లు మరియు తగ్గింపుతో కొనుగోలు చేయవచ్చనే రూమర్లు ఇంటర్నెట్లో ప్రబలుతున్నాయి. అయితే బ్యాన్ చేసిన బిఎస్-3 మోడల్స్‌ను ఇంకా విక్రయిస్తున్నారా అనే అనుమానం చాలా మందిలో మొదలై ఉంటుంది.

ప్రస్తుతం కెటిఎమ్ వద్ద బిఎస్-3 వాహనాల అంత పెద్ద మొత్తంలో లేవు. దీనికి కారణం కెటిఎమ్ బైకులు ఎప్పటికప్పుడు హాట్ కేకుల్లా అమ్ముడుపోవడం ద్వారా అమ్ముడు పోని బిఎస్-3 మోటార్ సైకిళ్ల స్టాక్ నిలిచే అవకాశం లేదని తేలింది.

ప్రస్తుతం ఉన్న పుకార్ల ప్రకారం అమ్ముడుపోకుండా నిలిచిపోయిన బిఎస్-3 కెటిఎమ్ 390 బైకును రూ. 1.5 లక్షల ధరకే విక్రయిస్తున్నట్లు తెలిసింది. నిజానికి దీని ధర సుమారుగా 2.5 లక్షలుగా ఉంది.

ఏప్రిల్1, 2017 గడువు ముగిసేలోపు ఉన్న బిఎస్-3 బైకులను డీలర్ల వారి పేరు మీద ఇన్ వాయిస్ బిల్లుతో కొనుగోలు చేస్తాయి. వాటిని డైరక్టుగా కస్టమర్లకు సెకండ్ హ్యాండ్ బైకుగా విక్రయిస్తారు. అయితే అసలైన ధర కన్నా తక్కువ ధరకే కొనుగోలు చేయవచ్చు.

ఏప్రిల్ 1, 2017 లోపు కొనుగోలు చేసిన బైకులను మూడు నెలల కాలవ్యవధిలోపు రిజిస్ట్రేషన్ చేయించుకోవచ్చు. పైన తెలిపిన మేరకు డీలర్లు బిఎస్-3 బైకులను డైరక్టుగా కస్టమర్ల పేరును రిజిస్టర్ చేయిస్తారు.

డ్రైవ్‌పార్క్ బృందం కొన్ని కెటిఎమ్ ప్రధాన డీలర్లను సంప్రదించిన తరువాత ఇది నిజం కాదని తేలింది. ఒక వేళ మీకు సమీపంలోని కెటిఎమ్ విక్రయదారులు బిఎస్-3 బైకులను విక్రయిస్తున్నట్లయితే మాతో పంచుకోండి.

కెటిఎమ్ ఇండియా లైనప్‌‌లోని అన్ని మోటార్ సైకిళ్లలో బిఎస్-4 ఉద్గార నియమాలను పాటించే ఇంజన్ అప్‌గ్రేడ్ చేసింది. 2017 డ్యూక్ బైకు రూ. 2.50 లక్షలు ఎక్స్-షోరూమ్ ధరతో అందుబాటులో ఉంది.