బిఎస్-IV ఇంజన్‌తో హీరో గ్లామర్ విడుదల: ధర, ఇంజన్ మరియు ఇతర వివరాలు

ఫ్యూయల్ ఇంజెక్టడ్ పరిజ్ఞానం ఉన్న గ్లామర్ మోటార్ సైకిల్ కేవలం డిస్క్ బ్రేకు వేరియంట్లో మాత్రమే అందుబాటులో ఉన్నట్లు హీరో మోటోకార్ప్ తెలిపింది.

దేశవ్యాప్తంగా ఉన్న హీరో మోటోకార్ప్ విక్రయ కేంద్రాలలో ఈ ఎఫ్ఐ వేరియంట్‌ గ్లామర్‌ను బుక్ చేసుకోవచ్చు. మరి కొన్ని రోజుల్లో డెలివరీలు కూడా ప్రారంభించనున్నారు.

సాంకేతికంగా 2017 హీరో గ్లామర్ ఎఫ్ఐ వేరియంట్లో 125సీసీ సామర్థ్యం గల సింగల్ సిలిండర్ పెట్రోల్ ఇంజన్ కలదు. 4-స్పీడ్ మ్యాన్యువల్ ట్రాన్స్‌మిషన్ గల ఇది గరిష్టంగా 11.5బిహెచ్‌పి పవర్ మరియు 11ఎన్ఎమ్ గరిష్ట టార్క్ ఉత్పత్తి చేయును.

మునుపటి వేరియంట్‌తో పోల్చితే సమాతరంగా ఉండే ఇంజన్‌ను స్వల్పంగా మార్చి కోణీయంగా అమర్చిన తీరును గమనించవచ్చు. సరికొత్త గ్లామర్ వేరియంట్లు నూతన కార్బోరేటర్లు మరియు అధునాతన ఎలక్ట్రానిక్ ఫ్యూయల్ ఇంజెక్షన్ సిస్టమ్ అందివ్వడం జరిగింది.

డిజైన్ పరంగా మునుపటి గ్లామర్‌తో పోల్చుకుంటే సరికత్త 2017 గ్లామర్ కండలు తిరిగిన ఆకారాన్ని కలిగి ఉంది. ఆటోమేటిక్ హెడ్ ల్యాంప్ ఆన్ ఫీచర్ డిజిటల్ మరియు అనలాగ్ సమ్మేళిత ఇంస్ట్రుమెంట్ క్లస్టర్ కలదు.

ప్రస్తుతం విపణిలో ఉన్న హోండా సిబి షైన్, టీవీఎస్ ఫీనిక్స్ మరియు యమహా సెల్యూటో వంటి వాటికి ఇది గట్టిపోటీనివ్వనుంది.