150ఎస్ఎస్ రేసర్ కాన్సెప్ట్ ఆవిష్కరించి హోండా

హోండా ఈ రేసర్ 150ఎస్ఎస్ మోటార్ సైకిల్‌లో కండలు తిరిగిన ఫ్యూయ్ ట్యాంకు, పాత తరానికి చెందిన ఎస్ఎస్ మోటార్ సైకిల్స్ ప్రేరిత హెడ్ ల్యాంప్ డిజైన్ ఇందులో అందించింది. అధికారికంగా హోండా దీనిని గురించిన మరిన్ని వివరాలు వెల్లడించడానికి నిరాకరించింది.

ప్రస్తుతం కాన్సెప్ట్ దశలో ఉన్న ఇందులోని అనేక విడిభాగాలు ప్రొడక్షన్‌కు సిద్దమయ్యే 150ఎస్ఎస్ రేసర్‌లో వచ్చే అవకాశం ఉంది. ప్రస్తుతం కాన్సెప్ట్ దశలో ఉన్న సింగల్ సీట్ కు బదులుగా ప్రొడక్షన్ దశకు వచ్చే మోడల్‌ నందు డబుల్ సీటు రానుంది.

హోండా 150ఎస్ఎస్ రేసర్ లో ముందు మరియు వెనుక వైపున డిస్క్ బ్రేకులు ఉన్నాయి, మరియు రేసర్ స్టైల్‌కు మరింత లుక్‌ను చేకూర్చే విధంగా చిన్న పరిమాణంలో ఉన్న ఎగ్జాస్ట్ పైపు మరింత ఆకర్షణగా నిలిచింది.

ఇవి మినహాయిస్తే, ఇందులో పూర్తి స్థాయి డిజిటల్ ఇంస్ట్రుమెంట్ క్లస్టర్, గుండ్రటి ఆకారంలో ఉన్న ఎల్ఇడి హెడ్ ల్యాంప్ మరియు బైకు మొత్తానికి అత్యంత ఆకర్షణీయంగా నిలిచే కండలు తిరిగిన ఇంధన ట్యాంకు ఇందులో రానుంది.

ఈ మధ్య కాలంలో గుండ్రటి హెడ్ ల్యాంప్ ఉన్న మోటార్ సైకిళ్లు మంచి సక్సెస్ సాధిస్తున్నాయి. ఇది దేశీయ విపణిలోకి విడుదల అయితే ప్రీమియమ్ రౌండ్ హెడ్ ల్యాంప్ మోటార్ సైకిల్ కెటగిరీలోకి చేరనుంది.

హోండా ఈ రేసర్ 150ఎస్ఎస్ బైకులో 20బిహెచ్‌పి వరకు పవర్ ఉత్పత్తి చేయగల లిక్విడ్ కూల్డ్ ఇంజన్ అందించే అవకాశం ఉంది.

హోండా 150ఎస్ఎస్ రేసర్ కాన్సెప్ట్‌లో ప్రీమియ్ శరీర భాగాలు రానున్నాయి. అందులో ముందువైపున అప్ సైడ్ డౌన్ ఫ్రంట్ ఫోర్క్స్ మరియు వెనుక వైపున అడ్జెస్టబుల్ మోనో షాక్ అబ్జార్వర్ కలదు. మొత్తానికి విభిన్నమైన డిజైన్‌తో ఓ ఆసక్తికరమైన ఉత్పత్తిగా నిలిచింది.