హోండా నుండి గ్రాజియా 125 స్కూటర్: ఫీచర్లు, ఫోటోలు మరియు విడుదల వివరాలు

మెట్రోపాలిటన్ సిటీలను మరియు యువ కొనుగోలుదారులను టార్గెట్ చేస్తూ హోండా తమ గ్రాజియా 125 ప్రీమియమ్ స్కూటర్‌ను అభివృద్ది చేసింది. హోండా వారి అడ్వాన్స్‌డ్ అర్బన్ కాన్సెప్ట్ ఆధారంగా ఈ స్కూటర్‌ను నిర్మించింది.

Recommended Video

TVS Jupiter Classic Launched In India | In Telugu - DriveSpark తెలుగు

గ్రాజియా 125 హోండా ఆక్టివా ఫ్లాట్‌ఫామ్ కూడా ఉపయోగించుకుంది. ఫ్రంట్ ఆప్రాన్ మీద అందించిన విశాలమైన హెడ్ ల్యాంప్స్ మరియు ఇండికేటర్ ల్యాంప్స్ ఉన్నాయి. స్పోర్టివ్ లుక్ కల్పించేందుకు కండలి తిరిగిన బాడీ డీకాల్స్‌ను జోడించారు.

రహస్యంగా లీకైన ఫోటోల ప్రకారం, హోండా గ్రాజియా 125 స్కూటర్‌లో సెమీ డిజిటల్ ఇంస్ట్రుమెంట్ కన్సోల్ గుర్తించవచ్చు. మరియు హోండా ఆక్టివా 125 తరహాలో కాకుండా మెటల్‌తో నిర్మించిన ఆల్ ఫైర్ బాడీ కలదు. అయితే, తేలికపాటి బరువును కలిగి ఉండటం దీని ప్రత్యేకత.

హోండా గ్రాజియా 125 స్కూటర్‌లో అల్లాయ్ వీల్స్, నూతన కాంబి బ్రేక్ సిస్టమ్ గల ఫ్రంట్ డిస్క్ బ్రేక్, టెలిస్కోపిక్ ఫ్రంట్ ఫోర్క్స్ మరియు డ్యూయల్ పెయింట్ స్కీమ్ వంటి ప్రత్యేక ఫీచర్లు ఇందులో రానున్నాయి.

స్కూటర్ ఫ్లోర్ బోర్డ్ దగ్గర చిన్నపాటి స్టోరేజి స్పేస్ కూడా కలదు. రైడింగ్‌లో ఉన్నపుడు ఫోన్లను ఛార్జ్ చేసుకోవడానికి యుఎస్‍‌బి సాకెట్ పోర్ట్ కూడా ఇందులో వచ్చే అవకాశం ఉంది.

హోండా గ్రాజియా 125 స్కూటర్ మీద అఫీషియల్ బుకింగ్స్ రూ. 2,000 ల బుకింగ్ అమౌంట్‌తో అక్టోబర్ 25 నుండి ప్రారంభం కానున్నాయి. స్కూటర్లు ఇప్పటికే డీలర్ల వద్దకు చేరుతున్నాయి. కాబట్టి నవంబరు తొలి వారంలో డెలివరీలు మొదలయ్యే అవకాశం ఉంది.

Trending On DriveSpark Telugu:

ఇండియాలో అత్యధిక మైలేజ్ ఇచ్చే 14 బెస్ట్ డీజల్ కార్లు

ట్రిపుల్ రైడింగే కాదు... ఇక మీదట డబుల్ రైడింగ్ కూడా బ్యాన్!!

సాంకేతికంగా హోండా గ్రాజియా 125 స్కూటర్‌లో ఆక్టివాలో 125లో ఉన్న గాలితో చల్లబడే 125సీసీ కెపాసిటి గల సింగల్ సిలిండర్ పెట్రోల్ ఇంజన్ కలదు. ఈ శక్తివంతమైన ఇంజన్ 6,500ఆర్‌పిఎమ్ వద్ద 8.5బిహెచ్‌పి పవర్ మరియు 10.5ఎన్ఎమ్ టార్క్ ఉత్పత్తి చేస్తుంది.

హోండా తమ గ్రాజియా 125 స్కూటర్‌ను పూర్తి స్థాయిలో విపణిలోకి విడుదల చేస్తే, మార్కెట్లో ఉన్న వెస్పా విఎక్స్125, సుజుకి యాక్సెస్ 125, మరియు మహీంగ్రా గస్టో 125 స్కూటర్లకు గట్టి పోటీనివ్వనుంది.

ఇటాలియన్ స్కూటర్ల తయారీ సంస్థ అప్రిలియా కూడా అతి త్వరలో 125సీసీ స్కూటర్‌ను లాంచ్ చేయనుంది. ప్రస్తుతానికి గ్రాజియా 125 స్కూటర్ రూ. 65,000 ల ప్రారంభ ఎక్స్-షోరూమ్ ధరతో విడుదలయ్యే అవకాశం ఉంది.

రాయల్ ఎన్ఫీల్డ్ రైడర్లు కాస్త హుషార్: ఈ తప్పు చేస్తే మీ బైకుకూ ఇదే గతి...!!

60 లక్షల కారుతో నారు మడులు దున్నుతున్న పంజాబ్ రైతు!