జి310 జిఎస్ మరియు కెటిఎమ్ 390 లకు పోటీగా హోండా డామినేటర్

అడ్వెంచర్ మోటార్ సైకిళ్లుప్రస్తుతానికి కొద్ది సంఖ్యలోనే ఉన్నప్పటికీ 2017 ఏడాది చివరి నాటికి ఈ సెగ్మెంట్లో పోటీ మరింత తీవ్రం కానుంది. అందుకు బిఎమ్‌డబ్ల్యూ దిగ్గజం అభివృద్ది చేస్తున్న జి310జిఎస్ ఒకటి.

గతంలో ఉన్న మోడళ్లకు ఇండియాలో మంచి స్పందన లభిస్తుండటంతో డామినేటర్ రీలాంచ్‌పై హోండా ఆసక్తి కనబరుస్తోంది.

బిఎమ్‌డబ్ల్యూ మోటోర్రాడ్ గత ఏడాది జరిగిన 2016 ఎకిమా మోటార్ సైకిల్ షో వేదిక మీద జి310 జిఎస్ ను ప్రదర్శించింది. ఎంట్రీ లెవల్ అడ్వెంచర్ మోటార్ సైకిల్ జి 310 ఆర్ ఆధారంగా రూపొందించింది. దీనికి తోడుగా, కవాసకి వెర్సేస్ ఎక్స్300 మరియు సుజుకి కూడా తమ డిఎల్250 కాన్సెప్ట్‌ను అదే వేదిక మీద ప్రదర్శించింది.

అయితే మోటార్ బైక్స్ అనే వేదిక ప్రకటించిన కథనం మేరకు, హోండా ఒకప్పుడు ప్రపంచ వ్యాప్తంగా అందుబాటులో ఉంచిన డామినేటర్ అడ్వెంచర్ మోటార్ సైకిల్‌ను మళ్లీ విడుదల చేయడానికి కంకణ కట్టుకున్నట్లు తెలిపింది.

1988 నుండి 2000 మధ్య కాలంలో ఇండియాతో పాటు ప్రపంచ వ్యాప్తంగా అత్యుత్తమ ఎంట్రీ లెవల్ అడ్వెంచర్ బైకుగా పేరుగాంచింది. అప్పట్లో విక్రయాల పరంగా మంచి ఫలితాలను సాధించేది.

హోండా మోటార్ సైకిల్స్ సంస్థ డామినేటర్ ఆధారిత నూతన అడ్వెంచర్ మోటార్ సైకిల్‌కు సంభందించిన పేటెంట్ పొందిన చిత్రాన్ని విడుదల చేసింది, ఇందులో కొన్ని కొత్త ఫీచర్లు వచ్చిన ఆనవాళ్లు ఉన్నాయి.

డామినేటర్ అడ్వెంచర్ బైకులో హ్యాండిల్ బార్‌కు ఎడమ వైపున కొన్ని కంట్రోల్ బటన్స్ కలవు. రైడింగ్ సమయంలో విభిన్న మోడ్‌లను ఎంచుకునే అవకాశాన్ని కల్పిస్తున్నట్లు కూడా తెలిసింది.

ఫోటోని గమనించగానే, ఆఫ్ రోడ్ మరియు ఆన్ రోడ్ అవసరాలకు ఉపయోపడే మోటార్ సైకిల్ అని చెప్పవచ్చు. ఇందులో పొడవాటి సీటు, ఎక్కువ పరిమాణంలో ఉన్న మడ్ గార్డ్, రీలాక్స్ రైడింగ్ పొజిషన్ మరియు పొడగించబడిన లగేజ్ కిట్లను గుర్తించ్చు.

ఇప్పుడు మనం చర్చించుకుంటున్న అసలైన డామినేటర్ తొలిసారిగా 1988 లో విడుదలయ్యింది. అప్పట్లో ఇందులో 643సీసీ సామర్థ్యం గల సింగల్ సిలిండర్ ఉండేది. ఇది గరిష్టంగా 44బిహెచ్‌పి పవర్ ఉత్పత్తి చేయును.

తాజాగా హోండా బాస్ కోహి సుగితా 250సీసీ సామర్థ్యం ఉన్న క్రాస్‌రన్నర్ విడుదలకు మార్గం సుగమం చేసుకుంటోందని హింట్ ఇచ్చారు. కాబట్టి డామినర్ 250సీసీ సామర్థ్యం గల ఇంజన్‌తో ఎంట్రీలెవల్ అడ్వెంచర్ మోటార్ సైకిల్ సెగ్మెంట్లో పోటీకి సిద్దం అవుతోంది.

ఇది మార్కెట్లోకి విడుదలయితే ప్రస్తుతం అందుబాటులో ఉన్న రాయల్ ఎన్ఫీల్డ్ హిమాలయన్, కెటిఎమ్ 390 అడ్వెంచర్ మరియు త్వరలో విడుదల కానున్న బిఎమ్‌డబ్ల్యూ జి 310 జిఎస్ లకు గట్టి పోటీనివ్వనుంది.

• హీరో నుండి రూ. 19,990 లకే ఎలక్ట్రిక్ స్కూటర్
• ఎక్స్ఎస్ఆర్300 పేరుతో మళ్లీ విడుదలకు సిద్దమవుతున్న ఆర్‌డి350
• హైదరాబాద్ పోలీసులకు రీగల్ రాప్టర్ మోటార్ సైకిళ్లు