రాయల్ ఎన్ఫీల్డ్ హిమాలయన్ ఎఫ్ఐ విడుదల: ధర, ఇంజన్, ఫీచర్లు మరియు ఇతర వివరాలు

రాయల్ ఎన్ఫీల్డ్ హిమాలయన్ ఎఫ్ఐ ఎక్స్-షోరూమ్ ధర వివరాలు

• హైదరాబాద్ లో ధర రూ. 1,62,572 లు
• బెంగళూరులో ధర రూ. 1,63,000 లు
• చెన్నైలో ధర రూ. 1,63,156 లు
• ఢిల్లీలో ధర రూ. 1,60,500 లు
• కలకత్తాలో ధర రూ. 1,65,771 లు
• ముంబాయ్ లో ధర రూ. 1,70,000 లు
• త్రివేండ్రంలో ధర రూ. 1,61,341 లు



హిమాలయన్ ఎఫ్ఐ (ఫ్యూయల్ ఇంజెక్టడ్) మోడల్ మీద దేశవ్యాప్తంగా ఉన్న రాయల్ ఎన్ఫీల్డ్ డీలర్లు బుకింగ్స్ ఆహ్వానిస్తున్నారు. రాయల్ ఎన్ఫీల్డ్ హిమాలయన్ ఎఫ్ఐ బైకును రూ. 5,000 ల బుకింగ్ మొత్తంతో బుక్ చేసుకోవచ్చు.



సరికొత్త హిమాలయన్ స్పోర్ట్స్ ఎఫ్ఐ లో 411సీసీ సామర్థ్యం గల లిక్విడ్ కూల్డ్ సింగల్ సిలిండర్ ఫ్యూయల్ ఇంజెక్టడ్ ఇంజన్ కలదు, ఇది గరిష్టంగా 24.5బిహెచ్‌పి పవర్ మరియు 32ఎన్ఎమ్ గరిష్ట టార్క్ ఉత్పత్తి చేయును.



అడ్వెంచర్ మోటార్ సైకిలోని శక్తివంతమైన ఫ్యూయల్ ఇంజెక్టడ్ ఇంజన్‌కు 5-స్పీడ్ మ్యాన్యువల్ ట్రాన్స్‌మిషన్ గల గేర్‌బాక్స్ కలదు.



ఫ్యూయల్ ఇంజక్టర్‌ను పరిచయం చేయడాన్ని మినహాయిస్తే, మెకానికల్ పరంగా ఇందులో ఎలాంటి మార్పులు చోటు చేసుకోలేదు.



ఫ్యూయల్ ఇంజక్టర్ అంటే ఏమిటి ?

ఇంజన్‌లోకి ఇంధనాన్ని రెండు పద్దతుల్లో పంపిస్తారు.

కార్బోరేటర్: ఇందులో వాతావరణంలోని గాలిని సేకరించి పెట్రోల్‌తో కలిపి, నిర్ణయించిన నిష్పత్తిలో ఈ గాలి మరియు పెట్రోల్ మిశ్రమాన్ని ఇంజన్ లోనికి పంపిస్తారు.

ఫ్యూయల్ ఇంజక్టర్: ఇందులో ముందుగానే గాలితో పెట్రోల్‌ కలపకుండా, కేవలం గాలిని మాత్రమే ఇంజన్‌లోకి పంపించి తరువాత ఇంజక్టర్ ద్వారా ముందుగా నిర్ణయించిన మోతాదులో పెట్రోల్‌ను ఇంజక్ట్ చేస్తారు.