Just In
- 1 hr ago హ్యుందాయ్ ఎక్స్టర్ దిమ్మ తిరిగే మైలేజ్.. ఓనర్ ఫుల్ ఖుష్.. ఫొటోలతో సహా ప్రూఫ్ ఇదిగో.!!
- 2 hrs ago JNCAP క్రాష్ టెస్ట్లో అదరగొట్టిన స్విఫ్ట్.. స్కోర్ ఎంతో తెలుసా?
- 2 hrs ago కొత్త మారుతి స్విఫ్ట్ బుకింగ్ ప్రైస్ ఎంతో తెలుసా? ఇక్కడ చూడండి!
- 4 hrs ago కనీవినీ ఎరుగని డిస్కౌంట్స్!.. హ్యుందాయ్ కారు కొనటానికి ఇదే మంచి సమయం
Don't Miss
- News అహర్నిశలు ప్రజల మధ్యనే చంద్రబాబు.. చిరంజీవి; పవన్ కళ్యాణ్ ఏమన్నారంటే
- Finance API: ఫార్మా కంపెనీలకు శుభవార్త.. ఇక లాభాలే..!
- Movies వాడుంటే రాత్రికి పండగే.. అలా పడుకుంటా! పచ్చిగా బిగ్ బాస్ బ్యూటీ ఓపెన్
- Sports ముంబై ఇండియన్స్కు బిగ్ షాక్: ఆ ఇద్దరికీ కోత
- Lifestyle లివర్ వ్యాధి లక్షణాలు ఇవే.. వెంటనే అప్రమత్తం కావాలి..
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
- Technology ధర రూ.10 వేల లోపే, 108MP కెమెరాతో కొత్త ఫోన్! లాంచ్, సేల్ వివరాలు
ఇండియన్ మార్కెట్లో లభించే అత్యంత సరసమైన ఆటోమేటిక్ కార్లు
ఇండియన్ రోడ్ల మీద ఉన్న ట్రాఫిక్ జామ్లలో మరియు నిత్యావసరానికి మ్యాన్యువల్ గేర్బాక్స్తో డ్రైవ్ చేయడం చాలా మందికి అంత సులభం కాదు. దీనికి పరిష్కారం ఆటోమేటిక్ కార్లు.
ఇండియన్ రోడ్ల మీద ఉన్న ట్రాఫిక్ జామ్లలో మరియు నిత్యావసరానికి మ్యాన్యువల్ గేర్బాక్స్తో డ్రైవ్ చేయడం చాలా మందికి అంత సులభం కాదు. దీనికి పరిష్కారం ఆటోమేటిక్ కార్లు. బడ్జెట్ ధరలో ఉన్న అత్యుత్తమ ఆటోమేటిక్ కార్ల గురించి డ్రైవ్స్పార్క్ తెలుగులో ప్రత్యేక కథనం.
ఆటోమేటిక్ గేర్బాక్స్ ఉన్న కార్లతో పోల్చుకుంటే దేశవ్యాప్తంగా మ్యాన్యువల్ గేర్బాక్స్ ఉన్న కార్లే ఎక్కువగా ఉన్నాయి. నిజమే, మంచి డ్రైవింగ్ అనుభూతి కలగాలనుకునేవారంతా మ్యాన్యువల్ ట్రాన్స్మిషన్ కార్లకే మొగ్గు చూపుతారు.
అయితే, మన ఇండియన్ రోడ్ల మీద ఉన్న ట్రాఫిక్ జామ్లలో మరియు నిత్యావసరానికి మ్యాన్యువల్ గేర్బాక్స్తో డ్రైవ్ చేయడం చాలా మందికి అంత సులభం కాదు. దీనికి పరిష్కారంగా ఆటోమొబైల్ రంగంలో వచ్చిన విప్లవాత్మక మార్పు - ఆటోమేటిక్ ట్రాన్స్మిషన్. ఈ రోజుల్లో గేర్లు మార్చకుండానే సులభంగా కార్లను నడపగలుగుతున్నాం.
ఆటోమొబైల్ రంగంలోకి ఆటోమేటిక్ ట్రాన్స్మిషన్ చాలా కాలమే అయినప్పటికీ, ఇది ఇండియాకు వచ్చే సరికి ఎన్నో ఏళ్లు పట్టింది. అందులో కూడా ఆటోమేటిక్ కార్లంటే ఖరీదైనవనే ముద్ర వేసుకున్నాయి.
ఒక్కో కార్ల కంపెనీ నెమ్మదిగా తమ కార్లలో ఆటోమేటిక్ ట్రాన్స్మిషన్ పరిచయం చేయడంతో ఇప్పుడు ఆటోమేటిక్ కార్ల మధ్య తీవ్రమైంది. ప్రత్యేకించి అన్ని చిన్న కార్లలో కూడా ఏఎమ్టి(ఆటోమేటిక్ ట్రాన్స్మిషన్) అందుబాటులోకి వచ్చింది. కాబట్టి, ఇవాళ్టి కథనంలో బడ్జెట్ ధరలో ఉన్న అత్యుత్తమ ఆటోమేటిక్ కార్లను చూద్దాం రండ....
Recommended Video
టాటా నానో
ఇండియాలో అత్యంత సరసమైన కారు టాటా నానో. కారు కొనుక్కోవాలనుకునే సామాన్యుడి కోసం టాటా నానో కారును పరిచయం చేసింది. దీని తోడు దీనిని అప్పుడే డ్రైవింగ్ నేర్చుకున్న మహిళా కస్టమర్లు ఎక్కువగా ఎంచుకోసాగారు. దీంతో తొలుత మ్యాన్యువల్తో పరిచయమైన టాటా ఆటోమేటిక్ వేరియంట్లో లాంచ్ అయ్యింది.
టాటా నానో 4-స్పీడ్ మ్యాన్యువల్ మరియు 5-స్పీడ్ ఆటోమేటిక్ ట్రాన్స్మిషన్లో లభిస్తోంది. సాంకేతికంగా రెండు ఆప్షన్లలో కూడా 624సీసీ కెపాసిటి గల రెండు సిలిండర్ల పెట్రోల్ ఇంజన్ కలదు. 38బిహెచ్పి పవర్ మరియు 51ఎన్ఎమ్ టార్క్ ప్రొడ్యూస్ చేయగల దీని మైలేజ్ ఏఆర్ఏఐ ప్రకారం లీటర్కు 21.9కిమీలుగా ఉంది.
నానో ధరల శ్రేణి రూ. 2,54,346 ల నుండి 3,58,634 ల మధ్య ఉంది.
రెనో క్విడ్
ఫ్రెంచ్ దిగ్గజం రెనో ఇండియన్ మార్కెట్లోకి క్విడ్ ఎంట్రీ లెవల్ హ్యాచ్బ్యాక్ విడుదల చేశాక మారుతి ఆల్టో మరియు ఇతర చిన్న కార్లకు గట్టి పోటీని సృష్టించింది. తొలుత 800సీసీ ఇంజన్ మరియు 5-స్పీడ్ మ్యాన్యువల్ గేర్బాక్స్లో విడుదలైన క్విడ్ కొంతలానికి 1.0-లీటర్ ఇంజన్ మరియు 5-ఆటోమేటిక్ ట్రాన్స్మిషన్లో విడుదలయ్యింది.
సెప్టెంబర్ 2017 అమ్మకాల్లో క్విడ్ టాప్ 10 బెస్ట్ సెల్లింగ్ కార్ల జాబితాలో చోటు దక్కించుకుంది. క్విడ్ ధరల శ్రేణి రూ. 2,94,860 - రూ. 4,400,702 ల మధ్య ఉంది. క్విడ్లో ఏఎమ్టి ట్రాన్స్మిషన్ ఒక్క వేరియంట్లో మాత్రమే లభిస్తోంది. దీని ధర రూ. 4,40,702 లుగా ఉంది.
క్విడ్ 800సీసీ మైలేజ్ - 25.18కిమీ/లీ మరియు క్విడ్ 1.0-లీటర్ మైలేజ్ - 23.01కిమీ/లీ
ఆల్టో కె10
ఆల్టో 800 తర్వాత రెండవ ఎంట్రీ లెవర్ కారు ఆల్టో కె10. ఇందులో 998సీసీ గల పెట్రోల్ ఇంజన్ కలదు. ఆల్టో కె10 మ్యాన్యువల్ మరియు ఆటోమేటిక్ ట్రాన్స్మిషన్ గేర్బాక్స్ ఆప్షన్లో కూడా అందుబాటులో ఉంది.
ఆల్టో కె10 లోని శక్తివంతమైన ఇంజన్ 67బిహెచ్పి పవర్ మరియు 90ఎన్ఎమ్ టార్క్ ఉత్పత్తి చేస్తుంది. మరియు దీని మైలేజ్ లీటర్కు 24.07కిమీలుగా ఉంది.
ఆల్టో కె10 ధరల శ్రేణి రూ. 3.40 లక్షల నుండి 4.26 లక్షల మధ్య ఉంది.
మారుతి సెలెరియో
ఆల్టో మరియు స్విఫ్ట్ మధ్య ఉన్న స్థానాన్ని భర్తీ చేస్తూ మారుతి సెలెరియోను మార్కెట్లోకి లాంచ్ చేసింది. ఇండియన్స్కు పరిచయమైన తొలి ఆటోమేటిక్ కారు సెలెరియో. దీని తర్వాతమే ఎన్నో కంపెనీలు తమ కార్లలో ఏఎమ్టి ప్రవేశపెట్టాయి. సెలెరియో పెట్రలో, డీజల్ మరియు సిఎన్జి వేరియంట్లలో లభిస్తోంది. అయితే, ఏఎమ్టి పెట్రోల్ ఇంజన్లోనే కలదు.
సెలెరియో ధరల శ్రేణి రూ. 4,36,018 నుండి రూ. 6,42,869 ల మధ్య ఉంది. సెలెరియో పెట్రోల్ మైలేజ్ 23.1కిమీ/లీ, సెలెరియో డీజల్ మైలేజ్ 27.62కిమీ/లీ మరియు సెలెరియో సిఎన్జి మైలేజ్ 31.79కిమీ/కేజీ.
మారుతి వ్యాగన్ఆర్
మారుతి సుజుకి వ్యాగన్ఆర్ హ్యాచ్బ్యాక్ను తొలుతల 1999లో ఇండియన్ మార్కెట్లోకి లాంచ్ చేసింది. అప్పటి నుండి ఇప్పటి వరకు తిరులేని విక్రయాలు జరుపుతోంది. డిమాండ్ మరియు అవసరానికి అనుగుణంగా మారుతి వ్యాగన్ఆర్లో ఆటోమేటిక్ ట్రాన్స్మిషన్ ప్రవేశపెట్టింది.
మారుతి వ్యాగన్ఆర్ మ్యాన్యువల్ మరియు ఆటోమేటిక్ గేర్బాక్స్ ఆప్షన్లో లభిస్తోంది. రెండింటిలో 1.0-లీటర్ కెపాసిటి గల పెట్రోల్ ఇంజన్ కలదు. లీటర్కు 20.5కిమీల మైలేజ్ ఇవ్వగల ఇది 67బిహెచ్పి పవర్ మరియు 90ఎన్ఎమ్ టార్క్ ఉత్పత్తి చేస్తుంది.
వ్యాగన్ఆర్ ధరల శ్రేణి రూ. 4.23 లక్షలు - 5.44 లక్షల మధ్య ఉంది.
టాటా టియాగో
టియాగో విడుదలతో టాటా మునుపెన్నడూ లేని విధంగా సంచలనాలు సృష్టిస్తోంది. గతంలో టాటాకు సాధ్యం కాని సేల్స్ ఇప్పుడు టియాగో సాధిస్తోంది. నిర్మాణ నాణ్యత, విశ్వసనీయత మరియు అత్యుత్తమ ఇంజన్ ఆప్షన్స్ టియాగో సొంతం.
టాటా టియాగో పెట్రోల్ మరియు డీజల్ ఇంజన్లతో పాటు మ్యాన్యువల్ మరియు ఆటోమేటిక్ గేర్బాక్స్ వేరియంట్లలో అందుబాటులో ఉంది. టియాగో ధరల శ్రేణి రూ. 3.33 నుండి 5.85 లక్షల మధ్య ఉంది.
టియాగో పెట్రోల్ మైలేజ్ - 23.84కిమీ/లీ మరియు టియాగో డీజల్ మైలేజ్ - 27.28కిమీ/లీ
హోండా బ్రియో
హోండా బ్రియో హ్యాచ్బ్యాక్ను మహిళలు అధికంగా ఎంచుకుంటున్నారు. బ్రియో నాలుగు వేరియంట్లలో, కేవలం సింగల్ పెట్రోల్ ఇంజన్ వేరియంట్లో మాత్రమే లభించనుంది. అయితే, మ్యాన్యువల్ మరియు ఆటోమేటిక్ రెండు గేర్బాక్స్ ఆప్షన్లలో ఎంచుకోవచ్చు.
ఇందులోని శక్తివంతమైన 1.2-లీటర్ సామర్థ్యం ఉన్న పెట్రోల్ ఇంజన్ గరిష్టంగా 87బిహెచ్పి పవర్ మరియు 107ఎన్ఎమ్ టార్క్ ప్రొడ్యూస్ చేస్తుంది. బ్రియో మ్యాన్యువల్ వేరియంట్ మైలేజ్ 18.5కిమీ/లీ మరియు ఆటోమేటిక్ వేరియంట్ మైలేజ్ 16.5కిమీ/లుగా ఉంది.
బ్రియో ధరల శ్రేణి రూ. 4.74 లక్షల నుండి 6.82 లక్షల మధ్య ఉంది.
గమనిక: అన్ని ధరలు ఎక్స్-షోరూమ్ ఢిల్లీగా మరియు అన్ని మైలేజ్ వివరాలు ఏఆర్ఏఐ మేరకు ఇవ్వబడ్డాయి.