టి7 అడ్వెంచర్ మోటార్ సైకిల్ టీజర్ విడుదల చేసిన యమహా

యమహా టి7 అడ్వెంచర్ మోటార్ సైకిల్‌ను ఇటలీలో జరిగిన 2016 ఐక్మా ఆటో షో వేదిక మీద ప్రొడక్షన్ రూపంలో ప్రదర్శించింది. కాన్సెప్ట్ దశ నుండి ప్రొడక్షన్ దశకు చేరుకున్న యమహా టి7 విడుదల ఈ ఏడాదిలోనే ఉండనుంది.

Recommended Video

2017 Triumph Tiger Explorer XCx Launched In India | In Telugu - DriveSpark తెలుగు

యమహా మోటార్‌స్పోర్ట్స్ విభాగం, ఫ్రాన్స్‌లోని యమహా అఫీషియల్ ర్యాలీ టీమ్, ఇటలీలో ఉన్న రీసెర్చ్ అండ్ డెవలప్‌మెంట్ సెంటర్ మరియు నెదర్లాండ్స్‌లోని జికె డిజైన్ సంయుక్తంగా యమహా ఈ టి7 కాన్సెప్ట్‌ను అభివృద్ది చేశాయి.

అత్యుత్తమ ఆఫ్ రోడింగ్ లక్షణాలతో, బేసిక్ అడ్వెంచర్ మోటార్ సైకిల్‌గా ప్రొడక్షన్ వెర్షన్ టి7 మోటార్ సైకిల్ విపణిలోకి విడుదల కానుంది. యమహా రహస్యంగా టి7 బైకును పలుమార్లు పరీక్షించింది.

యమహా టి7 అడ్వెంచర్ మోటార్ సైకిల్ సాంకేతికంగా 689సీసీ సామర్థ్యం గల ట్విన్ సిలిండర్ పెట్రోల్ ఇంజన్ కలిగి ఉంది. ఇది గరిష్టంగా 75బిహెచ్‌పి పవర్ ఉత్పత్తి చేయగలదు. అధిక గ్రౌండ్ క్లియరెన్స్, లాంగ్ ట్రావెల్ సస్పెన్షన్ సిస్టమ్ మరియు తేలికపాటి బరువున్న ఛాసిస్ దీని ప్రత్యేకత.

యమహా టి7 కాన్సెప్ట్ తొలుత అల్యూమినియం ఫ్యూయల్ ట్యాంక్, కెవైబి ఫ్రంట్ సస్పెన్షన్, కార్భన్ ఫైబర్ డీకాల్ మరియు స్కిడ్ ప్లేట్స్ ఉన్నాయి. అయితే ప్రొడక్షన్‌కు సిద్దమైన టి7 బైకులో ఇవన్నీ వస్తున్నప్పటికీ ప్రధానమైన ఫీచర్ల రాకపై ఇంకా స్పష్టత లభించలేదు.

డ్రైవ్‌స్పార్క్ తెలుగు అభిప్రాయం!

యమహా అంతర్జాతీయ విపణిలో టి7 బైకును 2018 మోడల్‌గా అందుబాటులోకి తీసుకురానుంది. యమహా దీనిని ఇండియన్ మార్కెట్లోకి విడుదల చేస్తే, ప్రొడక్షన్ ఖర్చును తగ్గించుకునేందుకు దేశీయంగానే ఉత్పత్తి చేయనుంది. టి7 అడ్వెంచర్ మోటార్ సైకిల్ గురించి సెప్టెంబర్ 6, 2017 న యమహా వెల్లడించింది. మరిన్ని వివరాల కోసం డ్రైవ్‌స్పార్క్ తెలుగుతో కలిసి ఉండండి...