ఇండియన్ మార్కెట్ కోసం సిద్దమైన ఐదు అడ్వెంచర్ బైకులు

మార్కెట్లో ఉన్న పలు టూ వీలర్ల కంపెనీలు అడ్వెంచర్ బైకులను దేశీయంగా లాంచ్ చేసేందుకు సిద్దమవుతున్నాయి. బడ్జెట్ ధరలో వీలైనంత త్వరగా విడుదలయ్యేందుకు సిద్దమైన బైకుల గురించి

By Anil Kumar

అడ్వెంచర్ బైకులు ప్రపంచ మార్కెట్లో మంచి ప్రాచుర్యం పొందాయి. అదే ఇండియాలో అయితే మైలేజ్ ఇచ్చే కమ్యూటర్ మరియు రేసింగ్ ఫీల్ ఇచ్చే స్పోర్ట్స్ బైకులకు మాత్రమే డిమాండ్ ఎక్కువ. కానీ, ఇటీవల కాలంలో అడ్వెంచర్ మోటార్ సైకిళ్లకు కూడా మార్కెట్లో డిమాండ్ ఏర్పడుతోంది.

అడ్వెంచర్ బైకులు

ఈ నేపథ్యంలో ఇప్పటికే మార్కెట్లో ఉన్న పలు టూ వీలర్ల కంపెనీలు అడ్వెంచర్ బైకులను దేశీయంగా లాంచ్ చేసేందుకు సిద్దమవుతున్నాయి. బడ్జెట్ ధరలో వీలైనంత త్వరగా విడుదలయ్యేందుకు సిద్దమైన బైకుల గురించి పూర్తి వివరాల కోసం...

అడ్వెంచర్ బైకులు

5. కెటిఎమ్ అడ్వెంచర్ 390

కెటిఎమ్ ఇండియన్ మార్కెట్లో ఆర్సీ390 స్పోర్ట్స్ మరియు డ్యూక్ 390 నేక్డ్ మోటార్ సైకిళ్లను విక్రయిస్తోంది. వీటికి తోడుగా అదే ఇంజన్‌తో అడ్వెంచర్ వెర్షన్‍‌ను ప్రవేశపెట్టనుంది. ఎన్నో ప్రయోగాలు మరియు పరీక్షలు అనంతరం ప్రొడక్షన్ వెర్షన్ కెటిఎమ్ అడ్వెంచర్ 390 బైకు దాదాపు సిద్దమైంది.

అడ్వెంచర్ బైకులు

డిజైన్ పరంగా డ్యూక్ 390 ప్రేరణతో అడ్వెంచర్ వెర్షన్‌ను డెవలప్ చేసింది. అయితే, అదే ఇంజన్‌ను యథావిధిగా కొనసాగించింది. సాంకేతికంగా ఇందులో ఉన్న 373సీసీ కెపాసిటి గల లిక్విడ్ కూల్డ్ సింగల్ సిలిండర్ పెట్రోల్ ఇంజన్ 44బిహెచ్‌పి పవర్ మరియు 37ఎన్ఎమ్ టార్క్ ప్రొడ్యూస్ చేస్తుంది.

  • విడుదల అంచనా: 2019లో
  • అడ్వెంచర్ బైకులు

    4. బిఎమ్‌డబ్ల్యూ జి310 జిఎస్

    బిఎమ్‌డబ్ల్యూ మోటోర్రాడ్ ఇండియన్ మార్కెట్ కోసం 313సీసీ ఇంజన్ ఆధారంతో నిర్మించిన రెండు మోటార్ సైకిళ్లను ఖరారు చేసింది. అవి, జి310 జిఎస్ మరియు జి310 ఆర్. వీటిని ఇప్పటికే, దేశీయంగా టీవీఎస్ ప్రొడక్షన్ ప్లాంటులో ఉత్పత్తి చేసి విదేశీ మార్కెట్లకు ఎగుమతి చేస్తోంది.

    అడ్వెంచర్ బైకులు

    బిఎమ్‌డబ్ల్యూ టీవీఎస్ భాగస్వామ్యంతో నిర్మించిన జి310 ఆర్ నేక్ట్ స్ట్రీట్ ఫైటర్ కాగా, జి310 జిఎస్ అడ్వెంచర్ వెర్షన్. రెండింటిలో కూడా 313సీసీ కెపాసిటి గల లిక్విడ్ కూల్డ్ సింగల్ సిలిండర్ పెట్రోల్ ఇంజన్ కలదు. 6-స్పీడ్ గేర్‌బాక్స్ అనుసంధానం గల ఇది గరిష్టంగా 34బిహెచ్‌పి పవర్ మరియు 28ఎన్ఎమ్ టార్క్ ప్రొడ్యూస్ చేస్తుంది.

    • విడుదల అంచనా: జూలై 2018
    • అడ్వెంచర్ బైకులు

      3. హీరో ఎక్స్‌పల్స్ 200

      ఇండియన్ అడ్వెంచర్ మోటార్ సైకిళ్ల విభాగంలో విడుదలయ్యేందుకు ఎంతగానో ఎదురుచూస్తున్న మరో మోడల్ హీరో ఎక్స్‌పల్స్ 200. హీరో మోటోకార్ప్ తమ ఇంపల్స్ మోటార్ సైకిల్‌కు కొనసాగింపుగా రూపొందించింది. ఈ ఏడాది ప్రారంభంలో ఢిల్లీ వేదికగా జరిగిన ఆటో ఎక్స్ పో 2018లో తొలిసారిగా ఆవిష్కరించింది.

      అడ్వెంచర్ బైకులు

      ఎక్స్‌‌పల్స్ 200 అడ్వెంచర్ బైకును హీరో తమ ఎక్స్‌ట్రీమ్ 20ఆర్ ఆధారంగా డెవలప్ చేసింది. సాంకేతికంగా రెండు బైకులు కూడా ఒకే 200సీసీ ఇంజన్‌ను పంచుకున్నప్పటికీ, అడ్వెంచర్ వెర్షన్‌లో ఎన్నో విభిన్నమైన ఫీచర్లు మరియు డిజైన్ ఎలిమెంట్లు ఉన్నాయి.

      • విడుదల అంచనా: సెప్టెంబరు 2018 నాటికి
      • అడ్వెంచర్ బైకులు

        2. సుజుకి వి-స్ట్రామ్ 250

        బిఎమ్‌‌డబ్ల్యూ జి310 జిఎస్ ఆవిష్కరించిన అనంతరం సుజుకి కూడా వి-స్ట్రామ్ 250 అడ్వెంచర్ బైకును ప్రవేశపెట్టింది. ఎంట్రీ లెవల్ వి-స్ట్రామ్ 250 ఆఫ్-రోడ్ మరియు ఆన్-రోడ్ రెండు రకాల అవసరాలకు ఉపయోగపడుతుంది.

        అడ్వెంచర్ బైకులు

        అత్యంత సరసమైన అడ్వెంచర్ మోటార్ సైకిళ్లను కోరుకునే ఇండియన్ కస్టమర్ల అవసరాలకు ఇది చక్కగా సరిపోతుంది. సాంకేతికంగా ఇందులో ఉన్న 250సీసీ పెట్రోల్ ఇంజన్ 24బిహెచ్‌పి పవర్ మరియు 23.4ఎన్ఎమ్ టార్క్ ప్రొడ్యూస్ చేస్తుంది. ఆఫ్ రోడ్ వెర్షన్ వివిధ రకాల ఫీచర్లతో లభిస్తుంది.

        విడుదల అంచనా: 2019 ప్రారంభంలో

        అడ్వెంచర్ బైకులు

        1. బెనెల్లీ టీఆర్‌కే 502

        ఇటలీకి చెందిన టూ వీలర్ల తయారీ దిగ్గజం బెనెల్లీకి ఇటీవల కాలంలో దేశీయంగా మంచి పాపులారిటీ లభించింది. 2016 ఆటో ఎక్స్‌పో లో బెనెల్లీ తొలిసారిగా టీఆర్‌కే 502 అడ్వెంచర్ మోటార్ సైకిల్‌ను ప్రదర్శించింది.

        అడ్వెంచర్ బైకులు

        ఈ జాబితాలో అత్యంత శక్తివంతమైన మోడల్ బెనెల్లీ టీఆర్‌కే 502. సాంకేతికంగా ఇందులో 500సీసీ కెపాసిటి గల లిక్విడ్ కూల్డ్ ప్యార్లల్-ట్విన్ ఇంజన్ కలదు, 6-స్పీడ్ గేర్‌బాక్స్ అనుసంధానం గల ఇది 47బిహెచ్‌పి పవర్ మరియు 45ఎన్ఎమ్ టార్క్ ప్రొడ్యూస్ చేస్తుంది.

        విడుదల అంచనా: 2018 చివరి నాటికి

Most Read Articles

English summary
Read In Telugu: 5 new ADVENTURE bikes to look forward to: KTM 390 Adventure to Hero XPulse 200
Story first published: Tuesday, June 26, 2018, 15:00 [IST]
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X