మార్కెట్ నుండి తాత్కాలికంగా వైదొలగిన బజాజ్ వి12 బైకు

2018 ప్రారంభం నుండి బజాజ్ వి12 సేల్స్ క్రమంగా పడిపోవడంతో ఈ నిర్ణయం తీసుకున్నట్లు సమాచారం. గడిచిన జనవరి 2018 నెలలో దేశవ్యాప్తంగా 1737 యూనిట్ల వి12 బైకులను విక్రయించగా, మే 2018లో ఒక్క వి12 బైకు కూడా అమ్ముడవ్వలేదు.

దేశవ్యాప్తంగా ఉన్న అన్ని బజాజ్ డీలర్లు వి12 స్టాకు తెప్పించుకోవడం మానేశారు. అంతే కాకుండా, బజాజ్ వి12 బైకుల మీద బుకింగ్స్ స్వీకరించడానికి కూడా కొంత మంది డీలర్లు నిరాకరిస్తున్నారు. దీంతో బజాజ్ అతి కష్టం మీద వి12 బైకును తాత్కాలికంగా మార్కెట్ నుండి తొలగించింది.

బజాజ్ వి12 విపణిలో ఉన్న డిస్కవర్ 125 మరియు వి15 బైకుల మధ్య స్థానాన్ని భర్తీ చేస్తుంది. డిస్కవర్ మరియు వి15 రెండు బైకులకు మార్కెట్లో మంచి డిమాండ్ ఉంది. అయితే, వి12 ఆశించిన సేల్స్ సాధించకపోవడమే కాకుండా, దీని మీద డిమాండ్ పూర్తిగా పడిపోయింది.

బజాజా ఆటో ఐఎన్ఎస్ యుద్దనౌక లోహం నుండి వి సిరీస్ బైకులను రూపొందించింది. తొలుత వి15 బైకును ఐఎన్ఎస్ విక్రాంత్ ప్రేరణతో తీసుకొచ్చి, దీనికి కొనసాగింపుగా గత ఏడాది వి12 బైకును లాంచ్ చేసింది. ఏదేమైనప్పటికీ, రెండు బైకులు కూడా డిజైన్ పరంగా ఒకేలా ఉన్నాయి.

బజాజ్ వి12 బైకులో సాంకేతికంగా 124సీసీ కెపాసిటి గల గాలితో చల్లబడే సింగల్ సిలిండర్ పెట్రోల్ ఇంజన్ కలదు, 5-స్పీడ్ గేర్‌బాక్స్ అనుసంధానం గల ఇది గరిష్టంగా 10.5బిహెచ్‌పి పవర్ మరియు 10.9ఎన్ఎమ్ టార్క్ ప్రొడ్యూస్ చేస్తుంది.

డ్రైవ్‌స్పార్క్ తెలుగు అభిప్రాయం!

బజాజ్ ఆటో వి12 బైకును తాత్కాలికంగా మార్కెట్ నుండి తొలగించింది. మరికొన్ని నెలల్లో మార్కెట్లోకి మళ్లీ విడుదల చేస్తామని బజాజ్ ప్రకటించింది. బహుశా పలుమార్పలు చేర్పులతో, అదనపు ఫీచర్ల జోడింపుతో వి12 బైకును తిరిగి ప్రవేశపెట్టే అవకాశం ఉంది. ఏదేమైనప్పటికీ, వి15 బైక్‌కు లభించిన ఆదరణ వి12కు లభించలేదు.