కవాసకి జడ్900ఆర్ఎస్ విడుదల: ధర, ఇంజన్ మరియు ప్రత్యేకతలు

కవాసకి ఇండియా విభాగం ఫిబ్రవరి 2018లో ఈ జడ్900ఆర్ఎస్ బైకును క్యాండీ టోన్ ఆరేంజ్ కలర్ ఆప్షన్‌లో విపణిలోకి విడుదల చేసింది. ఇప్పుడు, తాజాగా కవాసకి జడ్900ఆర్ఎస్‌ను బ్లాక్ కలర్ ఆప్షన్‌లో పరిచయం చేసింది. కవాసకి జడ్900ఆర్ఎస్ బ్లాక్ కలర్ వేరియంట్ ధర రూ. 15.30 లక్షలు ఎక్స్-షోరూమ్‌గా ఉంది.

1970 కాలం నాటి జడ్1 మరియు మోడ్రన్ జడ్900 మోడళ్ల సంపూర్ణ సమ్మేళనమే ఈ జడ్900ఆర్ఎస్. పురాతణ జడ్1 డిజైన్ లక్షణాలతో మరియు జడ్900 నుండి సేకరించిన సాంకేతిక అంశాలతో జడ్900ఆర్ఎస్ బైకును రూపొందించారు.

కవాసకి జడ్900ఆర్ఎస్ బైకులో సాంకేతికంగా 948సీసీ కెపాసిటి గల నాలుగు సిలిండర్ల ఇన్-లైన్ పెట్రోల్ ఇంజన్ కలదు, 6-స్పీడ్ గేర్‌బాక్స్ అనుసంధానం గల ఇది గరిష్టంగా 109.48బిహెచ్‌పి పవర్ మరియు 98.5ఎన్ఎమ్ టార్క్ ప్రొడ్యూస్ చేస్తుంది.

బైకు ఐడ్లింగ్‌లో ఉన్నపుడు, తక్కువ స్పీడులో వెళుతున్నపుడు విభిన్న ఎగ్జాస్ట్ సౌండ్ వచ్చేందుకు కవాసకి ఈ జడ్900ఆర్ఎస్ సైలెన్సర్‌ను కొద్దిగా ట్యూనింగ్ చేసింది. ఇందులో అడ్లాన్స్‌డ్ కవాసకి ట్రాక్షన్ కంట్రోల్, ఎల్ఈడీ హెడ్‌లైట్, డ్యూయల్ అనలాగ్ స్టైల్ స్పీడో మీటర్ మరియు టాకోమీటర్ మధ్యన మల్టీ-ఫంక్షన్ ఎల్‌సీడీ స్క్రీన్ వంటివి ఫీచర్లు ఉన్నాయి.

కవాసకి జడ్900ఆర్ఎస్ బైకులో ముందు వైపున 41ఎమ్ఎమ్ అప్‌సైడ్ డౌన్ ఫ్రంట్ ఫోర్క్స్ మరియు వెనుక వైపున గ్యాస్ ఛార్జ్‌డ్ మోనోషాక్ సస్పెన్షన్ సిస్టమ్ ఉంది. ఈ రెండింటినీ రీబౌండ్ డ్యాంపింగ్ మరియు స్ప్రింగ్ ప్రి-లోడెడ్ అడ్జెస్ట్‌మెంట్ ఉంది.

బ్రేకింగ్ విధులను నిర్వర్తించడానికి ముందు వైపున 300ఎమ్ఎమ్ ట్విన్ డిస్క్ బ్రేక్ సెటప్ మరియు వెనుక వైపున 250ఎమ్ఎమ్ సింగల్ డిస్క్ బ్రేక్ కలదు. మెరుగైన బ్రేకింగ్ కోసం డ్యూయల్-ఛానల్ యాంటీ-లాక్ బ్రేకింగ్ సిస్టమ్ ఫీచర్‌ను తప్పనిసరిగా అందించారు.

డ్రైవ్‌స్పార్క్ తెలుగు అభిప్రాయం!

కవాసకి జడ్900ఆర్ఎస్ రెట్రో-స్టైల్ బైకును మోడ్రన్ ఫీచర్లతో మరియు నూతన బ్లాక్ కలర్ పెయింట్ స్కీమ్‌లో లాంచ్ చేసింది. సరికొత్త బ్లాక్ కలర్ కవాసకి జడ్900ఆర్ఎస్ దేశవ్యాప్తంగా ఉన్న కవాసకి అధీకృత డీలర్ల వద్ద అందుబాటులో ఉంది.