మేడిన్ ఇండియా కవాసకి బైకులు విడుదల

కవాసకి నింజా జడ్ఎక్స్-1ఆర్ మరియు నింజా జడ్ఎక్స్-1ఆర్ఆర్ మోడళ్ల దేశవ్యాప్తంగా ఉన్న అన్ని కవాసకి అధీకృత డీలర్ల వద్ద ప్రారంభమయ్యాయి. రెండు మోడళ్లను కూడా పరిమిత సంఖ్యలో మాత్రమే ఉత్పత్తి చేస్తున్నట్లు తెలిసింది. ఇండియాకు కేటాయించిన సంఖ్యలో బుకింగ్స్ నమోదైతే, ఆ తరువాత బుకింగ్స్ నిలిపేసి ఉత్పత్తి మరియు డెలివరీ చేపట్టనుంది.

సాంకేతికంగా కవాసకి జడ్ఎక్స్-10ఆర్ మరియు జడ్ఎక్స్10-ఆర్ఆర్ బైకుల్లో 998సీసీ కెపాసిటి గల లిక్విడ్ కూల్డ్ నాలుగు సిలిండర్ల పెట్రోల్ ఇంజన్ కలదు, 6-స్పీడ్ గేర్‌బాక్స్ అనుసంధానం గల ఇది గరిష్టంగా 197బిహెచ్‌పి పవర్ మరియు 113.4ఎన్ఎమ్ టార్క్ ప్రొడ్యూస్ చేస్తుంది.

కవాసకి జడ్ఎక్స్-10ఆర్ మరియు జడ్ఎక్స్10-ఆర్ఆర్ బైకుల్లో కవాసకి లాంచ్ కంట్రోల్, కవాసకి ట్రాక్షన్ కంట్రోల్, కవాసకి బ్రేకింగ్ కంట్రోల్, క్విక్ షిఫ్టర్, కార్నర్ మేనేజ్‌మెంట్ ఫంక్షన్ మరియు బాష్ ఇనర్షియల్ మెజర్‌మెంట్ యూనిట్ మరియు యాంటీ-లాక్ బ్రేకింగ్ సిస్టమ్ వంటి అత్యాధునిక ఫీచర్లు ఉన్నాయి.

కవాసకి జడ్ఎక్స్-10ఆర్ కేఆర్‌టీ ఎడిషన్‌లో గ్రీన్ కలర్ మరియు పలు బాడీ గ్రాఫిక్స్ ఫినిషింగ్‌లో అదే విధంగా నింజా జడ్ఎక్స్-10ఆర్ఆర్ బ్లాక్ కలర్ స్కీములో కూడా లభ్యమవుతుంది. కవాసకి నింజా జడ్ఎక్స్-10ఆర్ అంతర్జాతీయ మార్కెట్లో మూడు విభిన్న వేరియంట్లు మరియు కలర్ ఆప్షన్‌లలో లభిస్తోంది.

కవాసకి ఇండియా మేనేజింగ్ డైరక్టర్ యుటాకా యమషిట మాట్లాడుతూ, కవాసకి నింజా జడ్ఎక్స్-10ఆర్ మరియు జడ్ఎక్స్-10ఆర్ఆర్ మోటార్ సైకిళ్లను కవాసకి వారసత్వ ఇంజనీరింగ్ నైపుణ్యం మరియు అత్యాధునిక సాంకతిక పరిజ్ఞానం జోడింపుతో రూపొందించాము. ఇండియాలో కొత్తగా ఏర్పాటు చేసిన కవాసకి రీసెర్చ్ అండ్ డెవలప్‌మెంట్ బృందం ఈ రెండు మోడళ్లను పూర్తి స్థాయిలో దేశీయంగా ఉత్పత్తి చేయడంలో కీలకపాత్రను పోషించింది.

డ్రైవ్‌స్పార్క్ తెలుగు అభిప్రాయం!

జపాన్ దిగ్గజం కవాసకి దేశీయ విపణిలోకి ఎట్టకేలకు మేడిన్ ఇండియా కవాసకి నింజా జడ్ఎక్స్-10ఆర్ మరియు జడ్ఎక్స్-10ఆర్ఆర్ మోటార్ సైకిళ్లను లాంచ్ చేసింది. పూర్తి స్థాయిలో దేశీయంగా తయారు చేయడంతో దిగుమతి చేసుకునే మోడళ్ల కంటే వీటి ధర సుమారుగా 6 లక్షల వరకు తగ్గింది.

మేడిన్ ఇండియా కవాసకి నింజా జడ్ఎక్స్ సిరీస్ బైకుల మీద ప్రకటించిన ధరలు జూలై 2018 వరకు మాత్రమే అమల్లో ఉంటాయి. కాబట్టి, నింజా జడ్ఎక్స్ బైకు కొనే ఆలోచనలో ఉన్నట్లయితే... ఏ మాత్రం ఆలస్యం చేయకండి...