విపణిలోకి కవాసకి హెచ్2 సిరీస్ బైకులు: వీటి ధరతో ఆడి, బెంజ్ కార్లే కొనొచ్చు

కవాసకి విడుదల చేసిన 2019 నింజా హెచ్2 సిరీస్ బైకుల్లో అత్యంత శక్తివంతమైన 998సీసీ కెపాసిటి గల నాలుగు సిలిండర్ల లిక్విడ్ కూల్డ్ పెట్రోల్ పెట్రోల్ ఇంజన్ కలదు. ఇది ఏకంగా 227బిహెచ్‌పి పవర్ మరియు 141.7ఎన్ఎమ్ టార్క్ ప్రొడ్యూస్ చేస్తుంది.

గతంలో ఉన్నటువంటి హెచ్2 సిరీస్ బైకుల కంటే 2019 మోడళ్లలో ఉన్న ఇంజన్ 20బిహెచ్‌పి పవర్ ఎక్కువగా ఇస్తుంది. అయితే, 2019 కవాసకి నింజా హెచ్2 బైకులో స్మార్ట్ ఫోన్ కనెక్టివిటి గల టిఎఫ్‌టి కలర్ ఇంస్ట్రుమెంట్ క్లస్టర్ వచ్చింది. రైడర్ ఈ డిస్ల్పే ద్వారా జీపీఎస్ న్యావిగేషన్‌తో పాటు బైకు గురించి మొత్తం సమాచారాన్ని పొందవచ్చు.

2019 వెర్షన్ కవాసకి నింజా హెచ్2 బైకులో బ్రెంబో స్టైలెమా మోనోబ్లాక్ కాలిపర్లు వచ్చాయి. ఈ కాలిపర్లలోని పిస్టన్ మరియు బ్రేక్ ప్యాడ్స్ చిన్నగా ఉండటంతో అంతర్గతంగా ఉన్న స్పేస్ తగ్గి మెరుగైన మరియు పటిష్టమైన బ్రేకింగ్ సాధ్యమవుతుంది.

అంతే కాకుండా 2019 కవాసకి నింజా హెచ్2 బైకులో ఎక్కువ కాలం మన్నికొచ్చే స్పెషల్ పెయింట్ స్కీమ్ వచ్చింది. ఒక వేళ ఏవైనా గీతలు పడితే, దానంతట అదే గీతలను మాయం చేసుకుంటుంది. హెచ్2 బైకులో ఇరువైపులా బ్రిడ్జ్‌స్టోన్ ఆర్ఎస్11 స్పోర్ట్ టైర్లు వచ్చాయి. వీటితో పాటు ఎల్ఈడీ హెడ్‌ల్యాంప్, టెయిల్ లైట్, టర్న్ సిగ్నల్స్, పొజిషన్ ల్యాంప్స్ మరియు లైసెన్స్ ప్లేట్ ల్యాంప్ వచ్చింది.

2019 కవాసకి నింజా హెచ్2ఆర్ బైకులో కూడా బ్రెంబో స్టైలెమా మోనోబ్లాక్ కాలిపర్స్ వచ్చాయి. బైకు బాడీ మీద పడే గీతలను రిపేరీ చేసుకునే పెయింట్ స్కీమ్, సూపర్‌ఛార్జ్‌డ్ చిహ్నం వంటివి ఇందులో అదనంగా వచ్చాయి. అయితే, మూడు బైకులను కూడా కంప్లిట్లీ బిల్ట్ యూనిట్లుగా దిగుమతి చేసుకుని విక్రయించనుంది.

కవాసకి నింజా హెచ్2 సిరీస్ మ్యానుఫ్యాక్చరింగ్ ఇయర్ 2019 మోడళ్ల మీద సెప్టెంబర్ 1, 2018 నుండి ఆక్టోబర్ 31, 2018 మధ్య కాలంలో కవాసకి బుకింగ్స్ స్వీకరిస్తుంది మరియు వీటి డెలివరీ 2019లో చేపట్టనుంది.

డ్రైవ్‌స్పార్క్ తెలుగు అభిప్రాయం!

కవాసకి ఇండియా పలు మార్పులు చేర్పులతో 2019 వెర్షన్ నింజా హెచ్2, హెచ్2 కార్బన్ మరియు హెచ్2ఆర్ బైకును దేశీయంగా ప్రవేశపెట్టింది. మునుపటి ఇంజన్ కంటే ఎక్కువ పవర్ ఉత్పత్తి చేసే ఇంజన్ మరియు బైక్ ఎక్ట్సీరియర్‌లో ఏర్పడే గీతలను దానంతట అదే రిపేరీ చేసుకునే ఫీచర్లు అత్యంత కీలకమైన మార్పులుగా చెప్పుకోవచ్చు.