Just In
- 4 min ago ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- 2 hrs ago కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- 5 hrs ago 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- 7 hrs ago కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
Don't Miss
- Sports సూర్య సిగ్గుపడాలి.. క్రీడాస్ఫూర్తిని మరిచి నీఛమైన పని!
- News చిలుకూరు బాలాజీ ఆలయానికి గరుడ ప్రసాదం కోసం భక్తుల రష్.. అసలేమిటీ గరుడ ప్రసాదం?
- Movies Tenent Review: మర్డర్ మిస్టరీ మెప్పించిందా? సత్యం రాజేష్కు హిట్ పడిందా? టెనెంట్ రివ్యూ
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
- Technology ఎయిర్ కండిషనర్ AC ను కొనుగోలు చేయాలని ప్లాన్ చేస్తున్నారా... అయితే ఇవి తెలుసుకోండి..!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
రాయల్ ఎన్ఫీల్డ్ క్లాసిక్, బుల్లెట్ 350 మరియు ఇఎస్ బైకుల్లో ఏబిఎస్
రాయల్ ఎన్ఫీల్డ్ ఇండియన్ మార్కెట్లో అత్యధికంగా విక్రయిస్తున్న బైకుల్లో ఎక్కువగా 350 సిరీస్ బైకులే ఉన్నాయి. క్లాసిక్ 350, బుల్లెట్ 350 మరియు బుల్లెట్ ఇస్ వంటి మోడళ్లకు మంచి డిమాండ్ ఉంది మరియు గరిష్ట వి
రాయల్ ఎన్ఫీల్డ్ ఇండియన్ మార్కెట్లో అత్యధికంగా విక్రయిస్తున్న బైకుల్లో ఎక్కువగా 350 సిరీస్ బైకులే ఉన్నాయి. క్లాసిక్ 350, బుల్లెట్ 350 మరియు బుల్లెట్ ఇస్ వంటి మోడళ్లకు మంచి డిమాండ్ ఉంది మరియు గరిష్ట విక్రయాలు చేపడుతున్న మోడళ్లు కూడా ఇవే.
కానీ, వీటిలో అత్యంత కీలకమైన యాంటీ-లాక్ బ్రేకింగ్ సిస్టమ్ లేకపోవడంతో... ఈ బైకులు అంత సురక్షితమైనవి కావు అనే దురభిప్రాయం ఉంది. ఏబిఎస్ లేకపోవడంతోనే రాయల్ ఎన్ఫీల్డ్ బైకులను వద్దనుకుంటున్న కస్టమర్లు ఎందరో... అయితే, ఇక మీదట ప్రతి రాయల్ ఎన్ఫీల్డ్ కస్టమర్ మా బైకులో కూడా ఏబిఎస్ ఉంది బాసూ అని గర్వంగా చెప్పుకోవచ్చు.
అవును, తాజాగా అందిన సమాచారం మేరకు, రాయల్ ఎన్ఫీల్డ్ తమ అన్ని బైకుల్లో కూడా యాంటీ-లాక్ బ్రేకింగ్ సిస్టమ్ ప్రవేశపెడుతున్నట్లు తెలిసింది. ఏబిఎస్ టెక్నాలజీ మరియు నూతన కలర్ ఆప్షన్లు వచ్చిన సరికొత్త క్లాసిక్ శ్రేణి బైకుల ఫోటోలు రహస్యంగా లీక్ అయ్యాయి.
ఈ కొత్త తరం రాయల్ ఎన్ఫీల్డ్ బైకులను ఆగష్టు 28, 2018 న విపణిలోకి విడుదల చేసేందుకు సన్నాహాలు ప్రారంభించింది. రహస్యంగా లీకైన ఫోటోల ద్వారా ఏబిఎస్ టెక్నాలజీ మరియు నూతన మ్యాట్ పెయింట్ స్కీమ్ గుర్తించవచ్చు.
ఈ బైకుల్లో ఎలాంటి క్రోమ్ సొబగులు రావడం లేదు, అయితే హెడ్ ల్యాంప్ బెజెల్ మరియు ఎగ్జాస్ట్ మఫ్లర్ వంటివి బ్లాక్ కలర్ ఫినిషింగ్లో రానున్నాయి. వీటి ఫ్యూయల్ ట్యాంక్ మీద ప్రత్యేక నెంబరింగ్ రానుంది. 49 నెంబరును ఆకుపచ్చ బ్యాగ్రౌండ్లో తెలుపు మరియు కాషాయం రంగుల్లో అందించారు.
అంతర్జాతీయ విపణిలో ఉన్న రాయల్ ఎన్ఫీల్డ్ బైకుల్లో ఇప్పటికే ఏబిఎస్ టెక్నాలజీ అందించింది కాబట్టి, చెన్నైకి చెందిన రాయల్ ఎన్ఫీల్డ్కు ఇండియన్ మార్కెట్లో తయారయ్యే బైకుల్లో ఏబిఎస్ అందివ్వడం పెద్ద సమస్యేమీ కాకపోవచ్చు.
ప్రస్తుతానికి, రాయల్ ఎన్ఫీల్డ్ ఇండియా లైనప్లో క్వాసిక్ 350 అత్యధికంగా అమ్ముడవుతోంది. సగటున దీని నెలవారీ విక్రయాలు ఏకంగా 35,000 యూనిట్లుగా ఉన్నాయి. ఇప్పుడ ఇందులో పరిచయం చేస్తే క్లాసిక్ శ్రేణి బైకుల సేల్స్ మరింత పెరగుతాయనడంలో ఎలాంటి ఆతిశయోక్తి లేదు.
సరికొత్త రాయల్ ఎన్ఫీల్డ్ క్లాసిక్ ఏబిఎస్ బైకుల్లో అదే మునుపటి 346సీసీ సామర్థ్యం గల గాలితో చల్లబడే సింగల్ సిలిండర్ పెట్రోల్ ఇంజన్ కలదు. 5-స్పీడ్ గేర్బాక్స్ అనుసంధానం గల ఇది గరిష్టంగా 19.8బిహెచ్పి పవర్ మరియు 28ఎన్ఎమ్ టార్క్ ప్రొడ్యూస్ చేస్తుంది.
క్లాసిక్ శ్రేణి బైకుల్లో మెరుగైన భద్రత మరియు పటిష్టమైన బ్రేకింగ్ పనితీరు కోసం రియర్ డిస్క్ బ్రేక్ మరియు డ్యూయల్ ఛానల్ యాంటీ-లాక్ బ్రేకింగ్ అందించే అవకాశం ఉంది. ఏబిఎస్ టెక్నాలజీ ఉన్న వేరియంట్ల ధరల సాధారణ వేరియంట్లతో పోల్చుకుంటే సుమారుగా రూ. 10,000 నుండి రూ. 12,000 వరకు అధికంగా ఉండే అవకాశం ఉంది.
తెలుగు అభిప్రాయం!
రాయల్ ఎన్ఫీల్డ్ తమ అన్ని మోటార్ సైకిళ్లలో ఏబిఎస్ పరిచయం చేయడం మంచి పరిణామం అని చెప్పవచ్చు. ఏప్రిల్ 2019 నుండి దేశీయంగా లభించే దాదాపు అన్ని మోటార్ సైకిళ్లలో ఏబిఎస్ తప్పనిసరిగా ఇవ్వాలని కేంద్రం సూచించింది. ఇందుకు అనుగుణంగా అన్ని టూ వీలర్ల తయారీ సంస్థలు తమ బైకుల్లో ఏబిఎస్ ప్రవేశపెట్టేందుకు ఇప్పటి నుండే కసరత్తులు ప్రారంభించాయి అందులో రాయల్ ఎన్ఫీల్డ్ ఒకటి.