Just In
- 10 hrs ago 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- 12 hrs ago మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- 13 hrs ago కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- 15 hrs ago వరదలో చిక్కుకున్న రోల్స్ రాయిస్.. బానెట్పై కూర్చుకున్న వ్యక్తి (వీడియో)
Don't Miss
- Movies Brahmamudi April 25th episode: కావ్య విషయంలో రుద్రాణికి షాకిచ్చిన కనకం.. రెచ్చగొడుతున్న రాహుల్
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
కేటీఎమ్ అడ్వెంచర్ 390 కోసం చూస్తున్నారా..? మీకో గుడ్న్యూస్!
ఇండియాలో ప్రతి ఏటా జరిగే ప్రతిష్టాత్మక మోటార్ సైకిల్ ప్రదర్శన కార్యక్రమం "ఇండియా బైక్ వీక్ 2019"లో కేటీఎమ్ ప్రతినిధులు తమ అడ్వెంచర్ 390 బైకును ఆవిష్కరిస్తున్నట్లు ప్రకటించారు. సాయంత్రం నాలుగున్నర గంటల ప్రాంతంలో జరిగే ఈ కార్యక్రమంలో కేటీఎమ్, బజాజ్ మరియు పలువురు మోటార్ సైకిల్ ఔత్సాహికులు పాల్గొననున్నారు.
స్పోర్ట్ మోటార్ సైకిళ్ల తయారీ సంస్థగా పేరుగాంచిన ఆస్ట్రియన్ దిగ్గజం కేటీఎమ్ 2019 ఐక్మా మోటార్ షో ఈవెంట్లో కేటీఎమ్ అడ్వెంచర్ 390 బైకును తొలిసారిగా అంతర్జాతీయ ఆవిష్కరణ చేసింది. అడ్వెంచర్ 390 బైకులో డ్యూక్ 390 నుండి సేకరించిన 373సీసీ సింగల్ సిలిండర్ లిక్విడ్ కూల్డ్ ఇంజన్ అందిస్తున్నారు.
కేటీఎమ్ అడ్వెంచర్ 390 (ఆఫ్-రోడ్ వెర్షన్), డ్యూక్390 (నేక్ట్-స్ట్రీట్ ఫైటర్ వెర్షన్) మరియు ఆర్సీ390 (స్పోర్ట్-ఫెయిరింగ్ వెర్షన్) మూడు బైకుల్లో కూడా ఒకే 373సీసీ ఇంజన్ ఉంది. వాటి డిజైన్ పరంగా ఒక్కో బైక్ ఒక్కో రకమైన అవసరానికి ఉపయోగపడుతుంది.
అడ్వెంచర్ 390 బైకులోని శక్తివంతమైన ఇంజన్ గరిష్టంగా 43బిహెచ్పి పవర్ మరియు 37ఎన్ఎమ్ టార్క్ ప్రొడ్యూస్ చేస్తుంది. 6-స్పీడ్ గేర్బాక్స్ అనుసంధానం గల ఇందులో స్లిప్పర్ క్లచ్ అసిస్ట్ ఫీచర్ కూడా కలదు. అంతే కాకుండా అడ్వెంచర్ అవసరాలకు అనుగుణంగా అడ్వెంచర్ 390 బైకులో ఇంజన్ను కాస్త ప్రత్యేకంగా ట్యూనింగ్ చేసే అవకాశాలు ఉన్నాయి.
కేటీఎమ్ 390 అడ్వెంచర్ బైకులో ట్రాక్షన్ కంట్రోల్, కార్నరింగ్ ఏబీఎస్ మరియు పలు రకాల ఆఫ్-రోడ్ రైడింగ్ మోడ్స్ ఉన్నాయి. ముందు వైపున 19-అంగుళాల వీల్, డ్యూయల్ పర్పస్ టైర్లు, పొడవాటి వీల్ బేస్, అత్యుత్తమ గ్రౌండ్ క్లియరెన్స్, ఎత్తైన సీటు మరియు అత్యధిక ఫ్యూయల్ ట్యాంక్ కెపాసిటీ వంటి ఎన్నో కీలకమైన అదనపు ఫీచర్లు ఉన్నాయి.
కేటీఎమ్ అడ్వెంచర్ 390 ధరల గురించి ఎలాంటి అధికారిక సమాచారం లభించలేదు. కానీ, దీని ధర రూ. 2.85 లక్షల నుండి రూ. 3.25 లక్షల మధ్య ఎక్స్-షోరూమ్ (ఢిల్లీ)గా ఉండవచ్చు. ఇది మార్కెట్లోకి పూర్తి స్థాయిలో విడుదలైతే విపణిలో ఉన్న రాయల్ ఎన్ఫీల్డ్ హిమాలయన్ మరియు బిఎమ్డబ్ల్యూ జి310జిఎస్ బైకులకు గట్టి పోటీనివ్వనుంది.
కేటీఎమ్ అడ్వెంచర్ 390 మోటార్ సైకిల్ను 2020లో విపణిలోకి విడుదల చేసే అవకాశం ఉంది. దీనికి అదనంగా ఫ్యూచర్లో డ్యూక్ 890 ఆర్ బైకును కూడా తీసుకొచ్చే అవకాశాలు ఉన్నాయి.
డ్రైవ్స్పార్క్ తెలుగు అభిప్రాయం!
కేటీఎమ్ అడ్వెంచర్ 390 మోటార్ సైకిల్ కోసం దేశవ్యాప్తంగా అభిమానులు ఎంతో కాలంగా వెయిట్ చేస్తున్నారు. దీని విడుదల గురించి ఎన్నో రకాల వార్తలొచ్చినప్పటికీ, కేటీఎమ్ అధికారకంగా ఎలాంటి ప్రకటన చేయకుండా నిశ్శబ్దాన్ని పాటించింది. అయితే, కేటీఎమ్ బైకులు మార్కెట్లోకి ఎప్పుడొచ్చినా కూడా సేల్స్ విషయంలో బాగానే రాణిస్తాయి. ఏదేమైనప్పటికీ ఎంతో కాలంగా వేచి ఉన్న కేటీఎమ్ అడ్వెంచర్ 390 బైక్ ప్రేమికులకు ఇదొక గుడ్న్యూస్ అనే చెప్పాలి.