యమహా ఎంటి-15 కంటే రెట్టింపు సేల్స్ తో కెటిఎమ్ డ్యూక్ 125

యమహా ఎంటి-15 సేల్స్ తో పోలిస్తే ఇది దాదాపు రెట్టింపు అమ్మకాలను నమోదు చేసింది, అంటే గత నెలలో యమహా ఎంటి-15 కేవలం 1,400 యూనిట్లు అమ్మకాలను నమోదు చేసింది. ఇది వరుసగా మూడవ నెల డ్యూక్ 125 అమ్మకాలు ఎంటి-15 యొక్క ఫలితాలను అధిగమించడం.

కెటిఎమ్ డ్యూక్ 125 యొక్క మెరుగైన అమ్మకాలకు ప్రధాన కారణం మోటార్ సైకిల్ యొక్క తక్కువ ధర, కొత్త ఫీచర్స్ తో మరింత మెరుగ్గా ఉండడమే. కెటిఎమ్ డ్యూక్ 125 కొత్త ఫీచర్స్ తో వస్తుంది, దీనిలో చాలా భాగాలు డ్యూక్ 200 నుంచి తీసుకొంది.

ఇందులో ఒక పూర్తి-డిజిటల్ ఇనుస్ట్రుమెంట్ క్లస్టర్, ఇన్వర్టెడ్ ఫ్రంట్ ఫోర్క్స్, అడ్జస్టబుల్ మోనో-షాక్ సస్పెన్షన్, రెండు చివర్లలో డిస్క్ బ్రేకులను ఒకే-ఛానల్ ఏబిఎస్ మరియు ఎల్ఈడి టెయిల్ లైట్లు ఉన్నాయి.

అయినప్పటికీ, చాలా వరకు ఇటువంటి ఫీచర్లు యమహా ఎంటి-15 లో కూడా అందుబాటులో ఉన్నాయి, ఇందులో కొన్నిటిని మిస్ చేసారు. ధరల విషయానికి వస్తే, కెటిఎమ్ డ్యూక్ 125 లాంచ్ అయినప్పటినుంచి రెండు సార్లు ధర పెరుగుదలతో ఇప్పుడు రూ.1.29 లక్షల ధరతో ఉంది.

అయితే డ్యూక్ 125 రూ. 1.19 లక్షల ధర తో భారత మార్కెట్లో లాంచ్ అయింది. మరోవైపు యమహా ఎంటి-15 ధర రూ. 1.37 లక్షలు మరియు ఇంకా దాని 125 సిసి కంటే తక్కువ ఫీచర్లు మరియు పరికరాలను అందిస్తుంది.

అయితే, యమహా ఎంటి-15 మరింత శక్తివంతమైన ఇంజన్ ను ఆఫర్ చేస్తుంది, చాలా ఎక్కువ పవర్ అవుట్ పుట్ మరియు టార్క్ గణాంకాలు అందిస్తుంది. ఎంటి-15 లో 155 సిసి సింగిల్ సిలెండర్ లిక్విడ్ కూల్డ్ ఇంజిన్ ద్వారా పవర్ అందించబడింది.

ఇది 19బిహెచ్పి మరియు 14.3 ఎన్ఎమ్ గరిష్ట టార్క్ ను ఉత్పత్తి చేస్తుంది మరియు ఇది ఆరు-స్పీడ్ గేర్ బాక్స్ ను కలిగి ఉంటుంది. కెటిఎమ్ డ్యూక్ 125 అయితే ఒక చిన్న 124 సిసి సింగిల్ సిలిండర్ లిక్విడ్ కూల్డ్ ఇంజన్ ద్వారా ఆధారితమైంది.

ఇది 15బిహెచ్పి మరియు 12 ఎన్ఎమ్ గరిష్ట టార్క్ ను ఉత్పత్తి చేస్తుంది, ఇది ఆరు-స్పీడ్ గేర్ బాక్స్ ను కలిగి ఉంటుంది. డ్యూక్ 125, ఎంటి-15 రెండిటిలో స్లిప్పర్ క్లచ్ అందుబాటులో ఉంది.