Just In
- 49 min ago కొత్తగా మారిన ప్రమాదానికి గురైన కారు - ఫిదా చేస్తున్న వీడియో!
- 51 min ago Fujiyama EV Classic రూ. 79,999 కే క్లాసిక్ ఎలక్ట్రిక్ స్కూటర్.. 120 కి.మీ రేంజ్, బుకింగ్స్ ఓపెన్
- 15 hrs ago రైలు కదిలేముందు జర్క్ ఎందుకు ఇస్తుంది.??.. ఆసక్తికర విషయాలివే.!!
- 18 hrs ago మార్కెట్లో వీటికి తిరుగే లేదు.. కొత్త బైక్ కొనాలనుకుంటే ఈ లిస్ట్ అస్సలు మిస్ అవ్వకండి
Don't Miss
- News ద్రోణి ప్రభావం: ఏపీలోని ఈ జిల్లాలకు వర్ష సూచన; అన్నదాతల ఆందోళన!!
- Finance Stock Market: ఎన్నికల ముందు మార్కెట్లలో అలజడి.. కుప్పకూలిన సెన్సెక్స్-నిఫ్టీ..
- Sports ముంబయి ఇండియన్స్కు కొత్త బౌలర్ వచ్చాడు
- Movies బ్రహ్మముడిని భారీ దెబ్బ కొట్టిన కార్తీక దీపం 2.. వంటలక్క, డాక్టర్ బాబు రీఎంట్రీతో అంతా ఛేంజ్!
- Lifestyle మీ బాయ్ఫ్రెండ్/గర్ల్ఫ్రెండ్లో ఈ మార్పులు ఉంటే మిమ్మల్ని చీట్ చేయడానికి పన్నాగం పడుతున్నారని అర్థం జాగ్రత్త
- Technology గూగుల్ క్రోమ్ భద్రత కోసం సరికొత్త ఫీచర్.. వెబ్సైట్లోకి వెళ్లగానే మాల్వేర్ అటాక్లపై అప్రమత్తం చేస్తుంది!
- Travel హోలీ సందర్భంగా దేశంలోని ఈ ప్రదేశాలను చుట్టేయండి..!
రాయల్ ఎన్ఫీల్డ్ కస్టమర్లకు అదిరిపోయే గుడ్న్యూస్
రాయల్ ఎన్ఫీల్డ్ తమ క్లాసిక్ 350 మోటార్ సైకిల్ కోసం 16 రకాల విభిన్న సైలెన్సర్లను ప్రవేశపెట్టింది. ఈ సైలెన్సర్లు చట్టబద్దమైనవి అంతే కాకుండా భారత ప్రభుత్వం అమలు చేస్తున్న ఉద్గార మరియు శబ్ద కాలుష్య ప్రమాణాలను పాటిస్తాయి. కస్టమర్లు ఈ సైలెన్సర్లను బిఎస్-3 మరియు బిఎస్-4 బైకుల్లో అమర్చుకోవచ్చు.
రాయల్ ఎన్ఫీల్డ్ లాంచ్ చేసిన OEM సైలెన్సర్లను స్టెయిన్లెస్ స్టీల్తో తయారు చేశారు, రాయల్ ఎన్ఫీల్డ్ క్లాసిక్ 350 బైకులో అందించే సాధారణ సైలెన్సర్లతో పోలిస్తే ఇవి 40 శాతం తక్కువ బరువును కలిగి ఉంటాయి. రాయల్ ఎన్ఫీల్డ్ ప్రస్తుతం అందుబాటులో ఉంచిన OEM సైలెన్సర్ల వివరాలు మీ కోసం...
పీషూటర్ ఎండ్ క్యాప్
ఈ సిరీస్లో ఉన్న సైలెన్సర్లు చూడటానికి రెగ్యులర్ సైలెన్సర్ల మాదిరిగానే ఉంటాయి. సైలెన్సర్ చివరలో ఉన్న అదనపు గొట్టం ఎన్నో బైకుల్లో చూస్తుంటాం, యువతకు ఈ తరహా సైలెన్సర్లు అంటే ఎంతో ఇష్టం. ఆల్-బ్లాక్, ఆల్-సిల్వర్ మరియు సిల్వర్ & బ్లాక్ రెండు ఆప్షన్లు ఉన్న కాంబినేషన్లో పీషూటర్ ఎండ్ క్యాప్ సైలెన్సర్లను రూ. 3,600 ధరతో ఎంచుకోవచ్చు.
స్ట్రైట్ కట్ ఎండ్ క్యాప్
సైలెన్సర్ నిజానికి రెండు పైపుల సమూహం, ఒకటి పైభాగంలో ఉంటే, మరొకటి లోపలి భాగంలో చిన్నగా ఉంటుంది.. మండిన వాయువులను తీసుకొచ్చేది ఇదే. స్ట్రైట్ కట్ ఎండ్ క్యాప్ సైలెన్సర్లలో ఎండ్-పైప్ కాస్స లోపలివైపుకు జొప్పించినట్లుగా ఉంటుంది. క్లాసిక్ 350 బైకులకు ఈ సైలన్సర్ చక్కగా, చూడటానికి ఆకర్షణీయంగా ఉంటుంది. ఆల్-బ్లాక్, ఆల్-సైలెన్సర్ అదే విధంగా బ్లాక్ మరియు సిల్వర్ ఆప్షన్లలో లభించే ఈ సైలెన్సర్ ధర 3,450 రూపాయలుగా ఉంది.
స్లాష్ కట్ ఎండ్ క్యాప్ సైలెన్సర్
ఇది చెప్పాలంటే స్ట్రైట్ కట్ ఎండ్ క్యాప్ తరహాలోనే ఉంటుంది, కానీ చివరలో ఒక కోణంలో వాలుగా కట్ చేసినట్లు ఉంటుంది. రాయల్ ఎన్ఫీల్డ్ ప్రవేశపెట్టిన 16 సైలెన్సర్లలో కస్టమర్లు ఎక్కువగా కోరుకునే వెర్షన్ ఇదే కావచ్చు. దీనిని బ్లాక్, సిల్వర్ మరియు బ్లాక్-సిల్వర్ కాంబినేషన్లో ఎంచుకోవచ్చు. దీని ధర రూ. 3,300.
ట్యాపర్ట్ ఎండ్ క్యాప్
దీనిని కూడా స్ట్రైట్ కట్ స్టైల్ నుండి తయారు చేశారు. కానీ చివర్లో బయటి వైపుకు ఉబ్బినటువంటి ఆకారంలో ఉంటుంది. ఇది కూడా ఆల్-బ్లాక్, ఆల్-సిల్వర్ మరియు బ్లాక్-సిల్వర్ కాంబినేషన్లో లభిస్తోంది. దీని ధర 3,450 రూపాయలుగా ఉంది.
టూరింగ్ మిర్రర్స్
రాయల్ ఎన్ఫీల్డ్ 16 సైలెన్సర్లతో పాటు టూరింగ్ చేసే రైడర్ల కోసం వారి జర్నీ మరింత అందంగా ఉంచేందుకు మరికొన్ని ఇతర యాక్ససరీలను పరిచయం చేసింది, అందులో టూరింగ్ మిర్రర్స్ కూడా ఉన్నాయి. ధృడత్వం మరియు సామర్థ్యాన్ని కలిగి ఉండేలా అల్యూమినియంతో ఆకర్షణీయంగా మెషినింగ్ చేశారు. టూరింగ్ మిర్రర్ల జత ధర రూ. 4,000.
సంప్గార్డ్
సంప్ గార్డ్ లేదా ఇంజన్ గార్డ్, ఇంజన్ను ముందువైపున క్రింది భాగంలో దీనిని అమరుస్తారు. ఆఫ్-రోడింగ్ చేసేటప్పుడు రాళ్లు మరియు ఎగుదిగుడు తలాల నుండి ఇంజన్ డ్యామేజ్ కాకుండా కాపాడుతుంది. దీని ధర రూ. 2,650.
హ్యాండ్ గార్డ్ కిట్
ఎక్కువ స్పీడ్ మీద ఉన్నప్పుడు క్రింద పడితే ఎక్కువగా గాయాలయ్యే ప్రదేశాలు చేతులు, చేతి వేళ్లు, మరియు ముంజేతులు. చేతులు ఎప్పుడూ హ్యాండిల్ మీదనే ఉంటాయి కాబట్టి, వీటి రక్షణ కోసం హ్యాండ్ గార్డ్స్ ఎంతో ఉపయోగపడతాయి. హ్యాండ్ గార్డ్స్ క్లచ్, బ్రేక్ మరియు యాక్సిలరేటర్ వంటి లీవర్లను డ్యామేజ్ నుండి రక్షిస్తాయి. వీటి ధర రూ. 2,200.
పైన పేర్కొన్న వాటితో పాటు, రాయల్ ఎన్ఫీల్డ్ క్లాసిక్ 350 మోటార్ సైకిల్ కోసం పలు అదనపు యాక్ససరీలను కూడా పరిచయం చేసింది. ప్యానీయర్ మౌంట్స్, మిలిటరీ ప్యానీయర్స్, సీట్ కవర్లు మరియు హెడ్ లైట్ విజర్లతో పాటు ఇంకా ఎన్నో ఉన్నాయి. వీటికి సంభందించిన పూర్తి వివరాల కోసం, ఇక్కడ క్లిక్ చేయండి
క్లాసిక్ 350 మోటార్ సైకిల్ కొనుగోలు చేసే కొత్త కస్టమర్లకు కోసం రాయల్ ఎన్ఫీల్డ్ ఇటీవల "మేక్ యువర్ ఓన్" ప్రోగాంను ప్రారంభించింది. కస్టమర్లను తమకు నచ్చినట్లుగా అందుబాటులో ఉన్న యాక్ససరీలతో డిజైన్ చేసుకోవచ్చు. ఆ తర్వాత ఫైనల్ రేట్ డిసైడ్ చేస్తారు. ఈ ప్రోగ్రాం ప్రస్తుతం ఢిల్లీ-ఎన్సీఆర్, ముంబాయ్, చెన్నై, బెంగళూరు, పూనే మరియు హైదరాబాద్ వంటి నగరాల్లో అందుబాటులో ఉంది. పూర్తి వివరాల కోసం..
డ్రైవ్స్పార్క్ తెలుగు అభిప్రాయం!
రాయల్ ఎన్ఫీల్డ్ క్లాసిక్ 350 మోటార్ సైకిల్ కొనుగోలు చేయాలని భావిస్తున్న కస్టమర్లకు ఇదొక గుడ్న్యూస్. కొత్తగా ప్రకటించిన యాక్ససరీలతో క్లాసిక్ 350 బైక్ రోడ్డెక్కినపుడు చాలా కొత్తగా, స్టైలిష్గా ఉంటుంది. రాయల్ ఎన్ఫీల్డ్ అత్యధికంగా విక్రయిస్తున్న మోడల్ క్లాసిక్ 350. యువతను ఆకర్షించి, సేల్స్ పెంచుకోవడానికి ఈ నిర్ణయం తీసుకున్నట్లు తెలుస్తోంది.