భారత్‌లో విడుదల కానున్న ఆప్రిలియా ఎస్ఎక్స్ఆర్ 160 స్కూటర్

ఈ ఏడాది నవంబర్‌లో ఎస్‌ఎక్స్ఆర్ 160 మ్యాక్సీ స్కూటర్‌ను భారత మార్కెట్లో విడుదల చేయనున్నట్లు కంపెనీ తెలిపింది. వాస్తవానికి ఈ మాక్సీ స్కూటర్‌ను ఈ ఏడాది అగస్ట్-సెప్టెంబర్ మధ్యలో ఎప్పుడైనా విడుదల చేయాల్సి ఉంది. అయితే, దేశంలో కొనసాగుతున్న కోవిడ్-19 మహమ్మారి కారణంగా, ఆప్రిలియా ఎస్ఎక్స్ఆర్ 160 స్కూటర్ విడుదల జాప్యమైందని కంపెనీ పేర్కొంది.

ఈ స్కూటర్‌ను మొదటిసారిగా 2020 ఆటో ఎక్స్‌పోలో ప్రదర్శనకు ఉంచారు. అప్పటి నుండి ఈ మోడల్‌పై మార్కెట్‌లో భారీ అంచనాలు నెలకొని ఉన్నాయి. ఎస్ఎక్స్ఆర్ 160తో పాటుగా ఎస్ఎక్స్ఆర్ 125 స్కూటర్‌ను కూడా భారత మార్కెట్లో ప్రవేశపెట్టనున్నట్లు ఆప్రిలియా వెల్లడించింది. అయితే, ఎస్ఎక్స్ఆర్ 125 వచ్చే ఏడాది ప్రారంభంలో విడుదలయ్యే అవకాశం ఉంది.

ఈ రెండు స్కూటర్లు చూడటానికి డిజైన్ పరంగా ఒకేలా అనిపిస్తాయి. స్కూటర్ ముందు భాగంలో ఇంటిగ్రేటెడ్ ఎల్‌ఈడి డిఆర్‌ఎల్‌లతో కూడిన ఆప్రిలియా బ్రాండ్ సిగ్నేచర్ ట్రిపుల్ హెడ్‌ల్యాంప్ సెటప్ ఉంటుంది. ఇంకా భారీ ఫ్రంట్ ఆప్రాన్, పెద్ద వైజర్, ఎల్‌ఈడి టెయిల్ లైట్స్, అల్లాయ్స్ వీల్స్, మజిక్యులర్ ఎగ్జాస్ట్ వంటి ఫీచర్లతో ఇవి సరికొత్త మరియు ఆధునిక రూపాన్ని కలిగి ఉంటాయి.

ఈ స్కూటర్లలోని ఇతర ఫీచర్లలో పూర్తి డిజిటల్ ఇన్‌స్ట్రుమెంట్ క్లస్టర్, రైడర్ మరియు పిలియన్ రైడర్ కోసం విశాలమైన సీట్లు, ఫ్రంట్ ఆప్రాన్‌కు ఇరువైపులా గ్లౌవ్‌బాక్స్, యుఎస్‌బి ఛార్జర్‌ మరియు లైటింగ్‌తో కూడిన పెద్ద అండర్-సీట్ స్టోరేజ్ మొదలైనవి ఉన్నాయి.

ఇంజన్ విషానికి వస్తే, ఆప్రిలియా ఎస్ఎక్స్ఆర్ 160 బిఎస్6 160 సిసి సింగిల్ సిలిండర్ ఫ్యూయెల్-ఇంజెక్ట్ ఇంజన్‌ను ఉపయోగించనున్నారు. ఈ పవర్‌ఫుల్ ఇంజన్ గరిష్టంగా 7600 ఆర్‌పిఎమ్ వద్ద 10.8 బిహెచ్‌పి శక్తిని మరియు 6000 ఆర్‌పిఎమ్ వద్ద 11.6 ఎన్ఎమ్ టార్క్‌ని ఉత్పత్తి చేస్తుంది.

ఇకపోతే, ఆప్రిలియా ఎస్ఎక్స్ఆర్ 125 స్కూటర్‌లో బిఎస్6 125 సిసి సింగిల్-సిలిండర్ ఫ్యూయెల్-ఇంజెక్ట్ ఇంజన్‌ను ఉపయోగించే అవకాశం ఉంది. ఈ ఇంజన్ గరిష్టంగా 7250 ఆర్‌పిఎమ్ వద్ద 9.5 బిహెచ్‌పి శక్తిని మరియు 6250 ఆర్‌పిఎమ్ వద్ద 9.9 ఎన్ఎమ్ టార్క్‌ను ఉత్పత్తి చేస్తుంది.

అంతే కాకుండా, ఈ రెండు స్కూటర్లలో ముందు భాగంలో టెలిస్కోపిక్ ఫోర్కులు మరియు వెనుక భాగంలో ట్విన్-షాక్ అబ్జార్బర్ సెటప్ ఉంటాయి. బ్రేకింగ్ విషయానికి వస్తే, ముందు భాగంలో డిస్క్ బ్రేక్ మరియు వెనుక భాగంలో డ్రమ్ బ్రేక్ ఉంటాయి. ఇవి రెండూ సింగిల్-ఛానల్ ఏబిఎస్‌ను సపోర్ట్ చేస్తాయి.

ఆప్రిలియా పవర్‌ఫుల్ స్కూటర్లపై డ్రైవ్‌స్పార్క్ అభిప్రాయం.

ఆప్రిలియా నుండి రానున్న ఎస్ఎక్స్ఆర్ 125 మరియు ఎస్ఎక్స్ఆర్ 160 స్కూటర్ల ఈ విభాగంలో ప్రధానంగా సుజుకి బర్గ్‌మ్యాన్‌కు పోటీగా నిలుస్తాయి. ఈ కొత్త మ్యాక్సీ స్కూటర్లు ట్రెడిషనల్ స్కూటర్ల కంటే మెరుగైన ప్రాక్టికాలిటీని అందిస్తాయి. రెగ్యులర్ స్కూటర్ల కంటే ఇవి మరింత కంఫర్ట్‌గా ఉండే అవకాశం ఉంది.