2W ఎక్సేంజ్ ప్రోగ్రామ్ కోసం క్రెడ్ఆర్‌తో చేతులు కలిపిన ఏథర్ ఎనర్జీ

క్రెడ్ఆర్ పాత పెట్రోల్ ద్విచక్ర వాహనాల కోసం తక్షణమే ధర కోట్ చేస్తుంది, ఇలా కోట్ చేసిన ధర కొత్త ఏథర్ ఎలక్ట్రిక్ స్కూటర్ కొనుగోలుకు అయ్యే మొత్తం ధర నుంచి తగ్గించుకోవచ్చు. ఈ భాగస్వామ్యంలో భాగంగా వాహన యజమానులు తమ పాత ద్విచక్ర వాహనాలను త్వరగా మరియు సులువుగా ట్రేడ్-ఇన్ చేసి ఎప్పటికప్పుడు అభివృద్ధి చెందుతున్న ఎలక్ట్రిక్ స్కూటర్‌లను ఎంచుకునే సౌలభ్యం ఉంటుంది.

ఈ భాగస్వామ్యంపై ఏథర్ ఎనర్జీ చీఫ్ బిజినెస్ ఆఫీసర్ రవ్నీత్ సింగ్ ఫోకెలా మాట్లాడుతూ, "2018 లో ప్రారంభించినప్పటి నుండి, మేము మా వాహనాల కోసం కొత్త మరియు వినూత్న యాజమాన్య విధానాల కోసం నిరంతరం వెతుకుతున్నాము, ఆ దిశలో భాగంగానే ఈ కొత్త ఒప్పందాన్ని కుదుర్చుకున్నాం. ఈ ఎక్సేంజ్ స్కీమ్ ద్వారా వాహన యజమానులు చాలా సులువుగా, త్వరగా తమ పాత వాహనాలను మార్పిడి చేసుకొని కొత్త ఎలక్ట్రిక్ వాహనాన్ని పొందవచ్చు. క్రెడ్ఆర్ సెకండ్ హ్యాండ్ ద్విచక్ర వాహనాల విభాగంలో గొప్పగా పని చేస్తోంది మరియు చాలా పోటీ రేట్లు అందిస్తోంది, మొత్తం కొనుగోలు అనుభవాన్ని పారదర్శకంగా మరియు తేలికగా చేస్తుందని" అన్నారు.

ఈ ఎక్సేంజ్ ఆఫర్ ద్వారా కొత్త ఎలక్ట్రిక్ స్కూటర్ పొందాలనుకునే కస్టమర్లు ముందుగా తమ పాత ద్విచక్ర వాహనాలను భౌతిక తనిఖీ కోసం ఏథర్ స్పేస్‌కు తీసుకురావాలి, ఇక్కడ క్రెడ్ఆర్ ఆధారిత అప్లికేషన్ ద్వారా తక్షణ ప్రైస్ కోట్ / ఎస్టిమేషన్‌ను వేస్తారు. ఇంకా, క్రెడ్ఆర్ అవసరమైన డాక్యుమెంట్లు, వెహికల్ హెల్త్‌ను ధృవీకరిస్తుంది. ఇలా కోట్ చేసిన మొత్తాన్ని ఏథర్ స్కూటర్ల తుది ధర నుండి తగ్గించడం జరుగుతుంది. ప్రస్తుతం, ఈ కార్యక్రమం బెంగళూరు, చెన్నైలకు మాత్రమే వర్తిస్తుంది. రానున్న రోజుల్లో దేశంలోని మరిన్ని ప్రాంతాల్లో ఈ సేవలను ప్రారంభించాలని కంపెనీ భావిస్తోంది.

క్రెడ్ఆర్ చీఫ్ స్ట్రాటజీ ఆఫీసర్ శశిధర్ నందిగాం మాట్లాడుతూ.. "మేము గత 5 సంవత్సరాలలో 3 లక్షలకు పైగా సెకండ్ హ్యాండ్ ద్విచక్ర వాహనాల లావాదేవీలు చేసాము మరియు ఈ సమయంలో వాడిన ద్విచక్ర వాహనాల మార్కెట్‌ను మాకంటే ఎక్కువగా మరెవ్వరూ అర్థం చేసుకోలేదు. 20 లక్షలకు పైగా డేటా పాయింట్లు, ప్రైసింగ్ ఇంటెలిజెన్స్‌తో మేము ఏదైనా ద్విచక్ర వాహన విక్రేతకు ఉత్తమమైన విలువను అందిస్తాము.

అన్ని ప్రముఖ 2W తయారీదారులతో కలిసి పనిచేసిన తరువాత, మేము ఇప్పుడు కొత్తగా ఎలక్ట్రిక్ వాహనాల తయారీదారులతో కూడా అదే విధంగా పనిచేయనున్నాము. చాలా మంది వినియోగదారులు ఇప్పుడు ఎలక్ట్రిక్ వాహనాలన వైపుకు మళ్లుతున్నారు. ఈ పరిస్థితుల్లో ఈ ఒప్పందం మంచి ఫలితాలను అందిస్తుందని ఆశిస్తున్నామ"ని అన్నారు.

క్రెడ్ఆర్‌తో ఏథర్ ఒప్పందంపై డ్రైవ్‌స్పార్క్ అభిప్రాయం.

ఈ కార్యక్రమం ద్వారా, వినియోగదారులు తమ పాత ద్విచక్ర వాహనాన్ని సులువుగా వదిలించుకొని త్వరితగతిన ఏథర్ ఎలక్ట్రిక్ స్కూటర్‌ను కొనుగోలు చేయగలరు. ప్రస్తుతం మార్కెట్లో లభిస్తున్న ఎలక్ట్రిక్ వాహనాల్లో ఏథర్ అత్యుత్తమ ఎలక్ట్రిక్ స్కూటర్, కాబట్టి కస్టమర్లకు ఈ స్కీమ్ బెస్ట్ ఆప్షన్ అనేది మా అభిప్రాయం.