ఎంప్లాయిస్ 50% వేతనాన్ని తగ్గించిన బజాజ్ ఆటో, ఎందుకో తెలుసా !

ఈ నేపథ్యంలో బజాజ్ ఆటో ఔరంగాబాద్‌లోని వాలూజ్ తయారీ కర్మాగారంలో ఉత్పత్తిని నిలిపివేసింది. కరోనా లాక్ డౌన్ సమయంలో, తమ ఔరంగాబాద్ తయారీ కర్మాగారంలో పనిచేసే కార్మికుల యొక్క వేతనాలను 50% తగ్గిస్తున్నట్లు కంపెనీ ప్రకటించింది. కార్మికుల ఇన్‌ఫెక్షన్ నేపథ్యంలో తయారీ కర్మాగారాన్ని మూసివేయాలని ఉద్యోగ సంఘాలు సంస్థను కోరాయి.

అంతే కాకుండా బజాజ్ ఆటో కంపెనీ ఔరంగాబాద్‌లో కరోనా కేసుల సంఖ్యను తగ్గించడానికి స్థానిక పరిపాలన జూలై 10 నుండి జూలై 18 వరకు ఔరంగాబాద్‌లో పూర్తి లాక్-డౌన్‌ అమలు చేయబడింది.

లాక్ డౌన్ కి సంబంధించి స్థానిక పరిపాలన నుండి కంపెనీకి ఇంకా నోటిఫికేషన్ రాలేదని బజాజ్ కంపెనీ వారు తెలిపారు. జూలై 8 మరియు 9 తేదీలలో మరియు లాక్ డౌన్ తర్వాత మొదటి రోజు కంపెనీకి వచ్చిన ఉద్యోగులకు మాత్రమే వేతనంలో 50% లభిస్తుందని కంపెనీ తెలిపింది.

దీనికి సంబంధించిన నివేదికల ప్రకారం, బజాజ్ ఆటో యొక్క డివిజనల్ మేనేజర్ అనిల్ మోహితే ఇప్పటికే ఔరంగాబాద్ యూనిట్‌లోని కార్మికులకు వేతనాన్ని సగానికి తగ్గించడం గురించి నోటీసు కూడా జారీ చేశారు. స్థానిక పరిపాలన లాక్ డౌన్ ప్రకటించి యూనిట్ ని మూసివేస్తే ఉద్యోగులకు 50% వేతనం మాత్రమే చెల్లించబడుతుంది.

బజాజ్ ఆటో యొక్క ట్రేడ్ యూనియన్ ప్రకారం, ఈ సంవత్సరం ఇప్పటివరకు 403 మంది ఉద్యోగులు కరోనావైరస్ బారిన పడ్డారు మరియు 7 మంది ఉద్యోగులు మరణించారు తెలిసింది.

కరోనా బాధితులకు చికిత్స మరియు సంరక్షణ ఖర్చులను కంపెనీ భరించాలని ఎంప్లాయీస్ యూనియన్ సంస్థ మేనేజ్మెంట్ కి లేఖ రాసింది. అంతే కాకుండా తయారీ కర్మాగారం సమీపంలో కోవిడ్ -19 కేంద్రాన్ని ప్రారంభించాలని డిమాండ్ చేస్తోంది.