భారీగా పెరిగిన బిఎస్ 6 బజాజ్ ప్లాటినా 100 & 110 ధరలు : దేనిపై ఎంతో తెలుసా

ధరల పెరుగుదల తరువాత, బజాజ్ ప్లాటినా 100 రిటైల్ ధర రూ. 49,261 కాగా, ప్లాటినా 110 ధర 62,899 రూపాయల (ఎక్స్-షోరూమ్, ఢిల్లీ) వరకు ఉంటుంది.ఈ రెండు మోటార్ సైకిళ్ళు ఒకే వేరియంట్లో మాత్రమే లభిస్తాయి. ఈ రెండు మోటార్ సైకిల్స్ కూడా బిఎస్ 6 ఉద్గార ప్రమాణాలకు అనుకూలంగా అప్‌గ్రేడ్ చేయబడ్డాయి. ప్లాటినా 100 మునుపటికంటే కొంత ఎక్కువ నవీనీకరణలను అందుకుంది. కానీ 110 ఇంజిన్ నవీనీకరణ ఇంజిన్ లో మాత్రమే చేయబడింది. ఈ మోటార్ సైకిల్ లో మిగతా ఎటువంటి మార్పు జరగలేదు.

ప్లాటినా 100 ఎయిర్-కూల్డ్, సింగిల్ సిలిండర్, ఇ-కార్బురేటెడ్ 102 సిసి ఇంజిన్‌ ఉంటుంది. ఇది 7.5 బిహెచ్‌పి శక్తిని మరియు 8.34 ఎన్ఎమ్ టార్క్ ఉత్పత్తి చేస్తుంది మరియు ఇది 4 స్పీడ్ గేర్‌బాక్స్‌తో జతచేయబడి ఉంటుంది.

ఈ మోటార్ సైకిల్ లో బిఎస్ 4 మోడల్ కౌల్‌తో పోలిస్తే కొత్త లేతరంగు విండ్‌స్క్రీన్ కలిగి ఉంటుంది. ఎల్‌ఈడీ డీఆర్‌ఎల్,‌ రిబ్బెడ్-నమూనా సీటును కలిగి ఉంది మరియు మెరుగైన సస్పెన్షన్ సెటప్‌ కూడా కలిగి ఉంటుంది.

ఇవి మాత్రమే కాకుండా 100 సిసి మోటారుసైకిల్ తన బిఎస్ 4 మోటార్ సైకిల్ లో ఉన్న అన్ని ఫీచర్స్ కలిగి ఉంటుంది. ఇందులో ముందు భాగంలో టెలిస్కోపిక్ సస్పెన్షన్ మరియు వెనుక భాగంలో బ్రాండ్ యొక్క ‘ఎస్ఎన్ఎస్' ట్విన్-షాక్ సస్పెన్షన్ సెటప్ ఉన్నాయి. మోటారుసైకిల్‌పై యాంకరింగ్ ముందు భాగంలో 130 మిమీ డ్రమ్ బ్రేక్‌, వెనుకవైపు 110 మిమీ డ్రమ్ బ్రేక్ సెటప్ ఉంటుంది. ఇవి వాహనదారునికి అధిక భద్రతను కల్పిస్తాయి.

బిఎస్ 6 ప్లాటినా 110 మోటారుసైకిల్ అదే 115.45 సిసి సింగిల్ సిలిండర్ ఎయిర్-కూల్డ్ ఇంజిన్ ఉంటుంది. ఇప్పుడు ఇది ఎలక్ట్రానిక్ కార్బ్యురేటర్‌ను కలిగి ఉంది. ఈ ఇంజన్ 7000 ఆర్‌పిఎమ్ వద్ద గరిష్టంగా 8 బిహెచ్‌పి శక్తిని మరియు 5000 ఆర్‌పిఎమ్ వద్ద 9.81 ఎన్ఎమ్ గరిష్ట టార్క్ ఉత్పత్తి చేస్తుంది. ఇది 5-స్పీడ్ ట్రాన్స్మిషన్ కి జతచేయబడి ఉంటుంది.

బిఎస్ 6 ప్లాటినా 110 మోటారుసైకిల్ లో అప్‌డేట్ చేసిన ఇంజిన్ బిఎస్ 4 కంప్లైంట్ కంటే మెరుగైన మైలేజ్ మరియు పనితీరును అందిస్తుందని కంపెనీ ప్రకటించింది. ప్లాటినా 110 హెచ్-గేర్ ముందు భాగంలో టెలిస్కోపిక్ ఫోర్కులు మరియు వెనుక భాగంలో డ్యూయల్-స్ప్రింగ్ సెటప్‌ను కలిగి ఉంది. ముందు భాగంలో 240 మిమీ డిస్క్ మరియు వెనుక వైపున 110 మిమీ డ్రమ్ బ్రేక్ ద్వారా బ్రేకింగ్ నిర్వహించబడుతుంది.

డ్రైవ్‌స్పార్క్ తెలుగుఅభిప్రాయం :

బజాజ్ ప్లాటినా 100 మరియు ప్లాటినా 110 హెచ్-గేర్ దేశంలో అత్యధికంగా అమ్ముడైన బ్రాండ్లలో ఒకటిగా ఉన్నాయి. ఈ రెండు బజాజ్ మోటారు సైకిళ్ళు సరళమైన రూపకల్పనను కలిగి ఉంటాయి. అంతే కాకుండా అతి తక్కువ నిర్వహణకు ఇది ప్రసిద్ధి చెందింది. ఇవి చూడటానికి చాలా ఆకర్షణీయంగా ఉండటంతో పాటు వాహనదారునికి మంచి రైడింగ్ అనుభూతిని కూడా ఇస్తుంది. ఇవి మునుపటికంటే కూడా ఎక్కువ మైలేజ్ కూడా ఇస్తాయి.