18 వ వార్షికోత్సవాన్ని జరుపుకున్న బజాజ్. ఇప్పుడు విపణిలోకి ప్రవేశపెట్టనున్న బిఎస్ 6 వాహనాలు ఏవంటే..?

18 సంవత్సరాల వార్షికోత్సవాన్ని జరుపుకున్న బజాజ్ టీవీసీ వీడియోను విడుదల చేసింది. ఈ వార్షికోత్సవాన్ని జరువుకున్న సందర్బంగా ఈ నెలలో బిఎస్-6 మోటార్ సైకిల్స్ ని కూడా విడుదల చేయడానికి సిద్ధమౌతోంది. ఈ విధంగా విడుదల చేయబోయే వాటిలో మొదతి ద్విచక్ర వాహనం పల్సర్ ఎన్‌ఎస్ 200 అని భావిస్తున్నారు.

బజాజ్ పల్సర్ ఎన్ఎస్ 200 అనేది 200 సిసి విభాగంలో అత్యధికంగా అమ్ముడవుతున్న మోటారు సైకిళ్ళలో ఒకటి. వీటికి దేశవ్యాప్తంగా చాలా మంది వినియోగదారులు ఉన్నారు. బజాజ్ పల్సర్ ఎన్ఎస్ 200 తన ప్లాట్‌ఫామ్‌ పూణేలోని చకాన్‌లోఉంది. ఇది స్పోర్ట్స్ బైక్ గా కూడా ఉపయోగపడమే కాకుండా, రైడర్లను బాగా ఆకర్షించే విధంగా ఉంటుంది.

ఎన్ఎస్ 200 బైక్ స్టైలింగ్ మరియు ఇంటర్నల్స్ అన్నీ కూడా కొంత నవీకరణలతో 2012 నుండి మార్కెట్లో ఉన్నాయి. ఇప్పుడు అది బిఎస్-6 వెర్షన్లో విడుదల కావడానికి సిద్ధంగా ఉంది. ఇది దాదాపు 2020 ఏప్రిల్ కి ముందే మార్కెట్లోకి వచ్చే సూచనలు ఉన్నాయి.

ప్రస్తుతం ఉన్న బిఎస్-4 ఎన్ఎస్ 200 మరియు దాని స్థానంలో రాబోయే బిఎస్-6 లు కొంత వ్యత్యాసంగా ఉంటాయి. ఇందులో F1 వ్యవస్థ అదనంగా ఉంటుంది. బజాజ్200 బిఎస్-6 వెర్షన్ ఉద్గారాలను మరింత తగ్గించడానికి నవీనీకరించబడి ఉంటుంది. ఇది కఠినమైన రోడ్లలో ప్రయాణించడానికి కూడా అనుగుణంగా తయారు చేయబడి ఉంటుంది.

ప్రస్తుత బిఎస్ 4 ఫార్మాట్‌లో బజాజ్ పల్సర్ ఎన్ఎస్ 200, 199.5 సిసి లిక్విడ్-కూల్డ్ సింగిల్ సిలిండర్ ఇంజిన్‌ను ఉపయోగిస్తుంది. ఇది 23 బిహెచ్‌పి మరియు 18.3 ఎన్ఎమ్ టార్క్ ఉత్పత్తి చేస్తుంది. మరోవైపు పల్సర్ ఆర్ఎస్200 - ఎన్ఎస్200 రెండూ కూడా ఒకే వెర్షన్ ని కలిగి 24బిహెచ్‌పి మరియు 18.6 ఎన్ఎమ్ టార్క్ శక్తిని ఉత్పత్తి చేస్తాయి. ఈ రెండు మోటార్ సైకిళ్ళు 6-స్పీడ్ ట్రాన్స్మిషన్ కి జతచేయబడి ఉంటాయి.

కొత్త ఉద్గార ప్రమాణాలకు అనుగుణంగా రాబోయే ఎన్ఎస్200 తో పాటు పల్సర్ ఆర్ఎస్200 రెండు నవీకరించబడుతున్నాయి. బజాజ్ లో పనిచేస్తున్న ప్రధాన తయారీదారులు ఇప్పటికే తమ ఉత్పత్తులను బిఎస్ 6-కంప్లైంట్ వెర్షన్లలో విడుదల చేయడం ప్రారంభించారు.

పల్సర్ ఎన్ఎస్ 200 మరియు ఆర్ఎస్ 200 యొక్క బిఎస్ 6 శ్రేణి ధరలు వారి బిఎస్ 4 కన్నా ఎక్కువ ధరలను కలిగి ఉండే అవకాశం ఉంది. ఆంటే దాదాపుగా రూ. 5,000 లేదా అంతకంటే ఎక్కువ ధర పెరిగే అవకాశం ఉంది.

బజాజ్ పల్సర్ ఎన్ఎస్ 200 ప్రస్తుత ధర 1.15 లక్షల ఉంది. అదే విధంగా ఆర్ఎస్ 200 ధర 1.40 లక్షల రూపాయలు. కొత్తగా విడుదలయ్యే రెండు మోటార్ సైకిళ్ళు దాదాపు ఒకే యూనిట్ తో వస్తాయి. కొత్త బిఎస్ 6 మోడల్స్ అయిన పల్సర్ ఎన్ఎస్ 200 మరియు ఆర్ఎస్ 200 కెటిఎమ్ డ్యూక్ 200, టివిఎస్ అపాచీ ఆర్టిఆర్ 200 వి 4 మరియు యమహా ఎఫ్జెడ్ 25 లకు ప్రత్యర్థులుగా ఉండబోతున్నాయి.