మీకు తెలుసా.. ఈ బాలీవుడ్ యాక్టర్ బైక్ ధర రూ. 18 లక్షలు

బాలీవుడ్ నటుడైన విద్యుత్ జమ్వాల్ బ్రిటీష్ బ్రాండ్ అయిన ట్రయంఫ్ రాకెట్ 3 ఆర్ మోటార్ సైకిల్ ని ఇటీవల కాలంలో కొనుగోలు చేసాడు.అంతే కాకుండా ఈ మోటార్ సైకిల్ ని డెలివరీ చేస్తున్న ఫోటోలను ఇంస్టాగ్రామ్ లో షేర్ చేసాడు. తానూ నటించబోయే ఒక మూవీలో ఈ బైక్ ఉపయోగిస్తున్నట్లు కూడా తెలిపాడు.

బ్రిటీష్ ప్రీమియం అయిన ఈ మోటార్‌సైకిల్‌ను గత ఏడాది డిసెంబరులో గోవాలో లాంచ్ చేశారు. మొదటి బ్యాచ్ జనవరిలో ఢిల్లీ, పూణే, చండీగర్, ముంబై, హైదరాబాద్, అహ్మదాబాద్, బెంగళూరు మరియు కొచ్చిలలో డెలివరీ చేయబడింది.

ట్రయంఫ్ మోటార్ సైకిల్స్ ఇండియా జనరల్ మేనేజర్ షూబ్ ఫారూక్ మాటాడుతూ రాకెట్ 3 ఆర్ యొక్క డెలివరీలను ప్రారంభించినందుకు మేము సంతోషిస్తున్నాము. ఈ మోటార్ సైకిల్స్ కి దేశంలో మంచి స్పందన వచ్చింది. ఇండియాలో ఇప్పుడు రాకెట్ 3 ఆర్ యొక్క మొదటి బ్యాచ్ అమ్ముడైపోయింది. అంతే కాకుండా తర్వాత డెలివరీలు కూడా నిర్దిష్టమైన సమయంలో అందించడానికి కృషి చేస్తాము అన్నారు.

కొత్త 2020 ట్రయంఫ్ రాకెట్ 3 ఆర్ 2500 సిసి త్రీ సిలిండర్ ఇంజన్ తో పనిచేస్తుంది. ఇది 6000 ఆర్పిఎమ్ వద్ద 165 బిహెచ్‌పి మరియు 4000 ఆర్పిఎమ్ వద్ద 221ఎన్ఎమ్ పీక్ టార్క్ ని ఉత్పత్తి చేస్తుంది.

ఇండియన్ మార్కెట్లో రాకెట్ 3 ఆర్ రెండు కలర్ వేరియంట్స్ లో లభిస్తుంది. అవి కొరోసి రెడ్ మరియు ఫాంటమ్ బ్లాక్. వీటి ధర ఇండియన్ మార్కెట్లో రూ. 18 లక్షలు (ఎక్స్-షోరూమ్).

ట్రయంఫ్ రాకెట్ 3 ఆర్ లో ఎల్‌ఈడీ హెడ్‌ల్యాంప్‌లు, డీఆర్‌ఎల్‌లు, టైల్లైట్స్, టార్క్-అసిస్టెడ్ క్లచ్, హీటెడ్ గ్రిప్స్, ఎక్స్‌టెండెడ్ ఫ్లై స్క్రీన్, అడ్జస్టబుల్ ఫుట్‌పెగ్‌లు మరియు హోస్ట్ లు ఉన్నాయి.