కొత్త బిఎస్-6 యమహా ఎమ్‌టి 15 మోటర్ సైకిల్ ని చూసారా!

సాధారణంగా వాహనాలన్నీ బిఎస్-6 ఉద్గార నిబంధనలకు అనుగుణంగా తయారవుతున్నాయి. ఇదే రీతిలో యమహా కూడా 2020 ఏప్రిల్ 1 కి ముందే బిఎస్-6 ఉద్గార నిబంధనలకు అనుగుణంగా మోటార్ సైకిల్ తయారుచేయబడింది.

యమహా బిఎస్-6 ఉద్గార నిబంధనలకు అనుగుణంగా ఉండటమే కాకుండా కొత్త కలర్ వేరియంట్లో కూడా ప్రారంభించింది. ఇది కొత్త ఐస్-ఫ్లూ వెర్మిలియన్ రంగులో వస్తుంది. ఈ కలర్ వెహికల్ ధర రూ. 1,39,400 (ఎక్స్-షోరూమ్, ఢిల్లీ). ఇతర వేరియంట్ ధరలు దీనికంటే 500 రూపాయలు తక్కువగా ఉంటాయి. ఇతర వేరియంట్ల ధర 1,38,900 రూపాయలు.

సాధారణంగా బిఎస్-4 వేరియంట్ కంటే బిఎస్-6 యమహా ఎమ్‌టి 15 ధర దాదాపు 4,000 రూపాయలు అధికంగా ఉంటుంది. ప్రస్తుతానికి యమహా కంపెనీ బిఎస్-4 మరియు బిఎస్-6 రెండు వేరియన్లను విక్రయిస్తోంది. ఇండియన్ మార్కెట్లో ఇప్పుడు బిఎస్-4 వెర్షన్ ఉత్పత్తిని యమహా నిలిపివేసింది. ఉన్న స్టాక్ మాత్రం 2020 మార్చ్ 31 వరకు మాత్రమే విక్రయించే అవకాశం ఉంది.

బిఎస్-6 వెర్షన్ యమహా ఎమ్‌టి 15 మోటార్ సైకిల్ 155 సిసి లిక్విడ్-కూల్డ్ సింగిల్ సిలిండర్ ఇంజన్ ని కలిగి ఉంటుంది. ఇది 10,000 ఆర్‌పిఎమ్ వద్ద గరిష్టంగా 18.5 పిఎస్ శక్తిని మరియు 8,500 ఆర్‌పిఎమ్ వద్ద 13.9 ఎన్ఎమ్ గరిష్ట టార్క్ ని ఉత్పత్తి చేస్తుంది. ఇది 6 స్పీడ్ ట్రాన్స్మిషన్ కి జతచేయబడుతుంది.

యమహా ఎమ్‌టి 15 కొత్త రంగు ఎంపికలను కలిగి ఉన్నప్పటికీ ఇంజిన్లో ఎక్కువ మార్పులు జరగలేదు. ఇందులో ఎల్‌ఈడీ హెడ్‌లైట్, యుఎస్‌బి ఛార్జర్, సైడ్-స్టాండ్ ఎంగేజ్‌మెంట్‌లో ఆటోమేటిక్ ఇంజిన్ కట్-ఆఫ్, ఎల్‌ఇడి టైల్లైట్, గేర్‌షిఫ్ట్ ఇండికేటర్‌తో ఎల్‌సిడి ఇన్స్ట్రుమెంట్ క్లస్టర్, సింగిల్-ఛానల్ ఎబిఎస్ వంటి వాటిని నవీనీకరించడం జరిగింది.

డ్రైవ్‌స్పార్క్ తెలుగు అభిప్రాయం!

కొత్త బిఎస్-6 యమహా ఎమ్‌టి 15 మోటర్ సైకిల్ మునుపటి మోడల్ కంటే కొంత అప్డేటెడ్ గా ఉంటుంది. నవీనీకరించిన యమహా ఎమ్‌టి 15 చూడటానికి ఆకర్షణీయంగా మాత్రమే కాకుంగా రైడింగ్ చేయడానికి వాహనదారునికి చాలా అనుకూలంగా ఉంటుంది.