భారీగా తగ్గిన హ్యార్లీ డేవిడ్‌సన్ స్ట్రీట్ 750 ధర - వివరాలు

తాజా తగ్గింపు తర్వాత ఇప్పుడు హ్యార్లీ డేవిడ్‌సన్ స్ట్రీట్ 750 అర్బన్ క్రూయిజర్ మోటార్‌సైకిల్ ధర ర .4.69 లక్షలు (ఎక్స్-షోరూమ్, ఢిల్లీ)గా ఉంది. ప్రస్తుతం హ్యార్లీ డేవిడ్‌సన్ మోటార్‌సైకిల్ ఐదు కలర్ ఆప్షన్లలో లభిస్తుంది. అవి - వివిడ్ బ్లాక్, పెర్ఫార్మెన్స్ ఆరెంజ్, బ్లాక్ డెనిమ్, వివిడ్ బ్లాక్ డీలక్స్ మరియు బార్రాకుడా సిల్వర్ డీలక్స్.

వివిడ్ బ్లాక్ కాకుండా, మిగిలిన అన్ని కలర్ ఆప్షన్లకు కస్టమర్లు రూ.12,000 అదనంగా చెల్లించాల్సి ఉంటుంది. దీని ఫలితంగా, మిగిలిన నాలుగు కలర్ ఆప్షన్ మోడళ్ల ధర రూ.4.81 లక్షలుగా (ఎక్స్-షోరూమ్ ఢిల్లీ)గా ఉంటుంది.

హ్యార్లీ డేవిడ్‌సన్ స్ట్రీట్ 750 బిఎస్6 కంప్లైంట్ మోటార్‌సైకిల్‌లో ఉపయోగించిన 749 సిసి, వి-ట్విన్, లిక్విడ్-కూల్డ్ ఇంజన్ 3,750 ఆర్‌పిఎమ్ వద్ద 60 ఎన్ఎమ్ గరిష్ట టార్క్‌ను ఉత్పత్తి చేస్తుంది మరియు ఇది సిక్స్-స్పీడ్ గేర్‌బాక్స్‌తో జతచేయబడి ఉంటుంది.

ఈ మోటార్‌సైకిల్‌లో ఫార్వర్డ్-సెట్ ఫుట్‌పెగ్స్, అప్-రైట్ హ్యాండిల్‌బార్, మంచి కుషన్ కలిగిన రైడర్ సీటు, టియర్-డ్రాప్ ఆకారంలో ఉండే ఇంధన ట్యాంక్ ఉంటుంది. ఇది సిటీ రైడ్‌కే కాకుండా సుదూర ప్రయాణాలకు కూడా అనువుణంగా ఉంటుంది.

ఈ క్రూయిజర్ మోటార్‌సైకిల్‌ ముందు భాగంలో టెలిస్కోపిక్ ఫోర్కులు మరియు వెనుక భాగంలో ట్విన్ షాక్ సస్పెన్షన్ సెటప్ ఉంటాయి. బ్రేకింగ్ విషయానికి వస్తే, రెండు చివర్లలో డిస్క్ బ్రేక్‌లు ఉంటాయి, ఇవి డ్యూయల్-ఛానల్ ఏబిఎస్‌ను సపోర్ట్ చేస్తాయి.

హ్యార్లీ డేవిడ్‌సన్ స్ట్రీట్ 750 అనేది అమెరికన్ మోటారుసైకిల్ తయారీదారు నుండి భారతదేశంలో ప్రవేశపెట్టబడిన ఎంట్రీ లెవల్ క్రూయిజర్ మోటారుసైకిల్. ఇది భారత మార్కెట్లో కవాసాకి వల్కాన్ ఎస్ మోడల్‌కు నేరుగా పోటీ ఇస్తుంది.

హ్యార్లీ డేవిడ్‌సన్‌కు సంబంధించిన ఇతర వార్తలను గమనిస్తే, కంపెనీకి ఆఫర్ చేస్తున్న ఎంట్రీ లెవల్ మోటార్‌సైకిళ్లు స్ట్రీట్ 750 మరియు స్ట్రీట్ రాడ్‌లను దేశవ్యాప్తంగా ఉన్న సాయుధ దళాల సిబ్బంది కోసం కేటాయించిన క్యాంటీన్ స్టోర్ విభాగాల (సిఎస్‌డి) ద్వారా ప్రత్యేక ధరలకు విక్రయిస్తున్నారు.

హ్యార్లీ డేవిడ్‌సన్ స్ట్రీట్ 750 ధర తగ్గింపుపై డ్రైవ్‌స్పార్క్ అభిప్రాయం.

ఇటీవలి కాలంలో, చాలా మంది తయారీదారులు వివిధ కారణాల వల్ల వారి వాహనాల ధరలను పెంచడం మనం గమనించాము. అయితే, హ్యార్లీ డేవిడ్‌సన్ మాత్రం అందరినీ ఆశ్చర్యాన్నికి గురి చేస్తూ, తమ ప్రీమియం మోటార్‌సైకిల్‌ ధరను తగ్గించడం విశేషం. హ్యార్లీ డేవిడ్‌సన్ స్ట్రీట్ 750 రెగ్యులర్‌గా డ్రైవ్ చేయటానికి లేదా సరదాగా అప్పుడప్పుడూ వారాంతాల్లో కూడా సుదీర్ఘ ప్రయాణాల కోసం వినియోగించేందుకు అనువుగా ఉంటుంది.