ఆగస్ట్ నెలలో ఆగని హీరో మోటోకార్ప్ జోరు

భారత మార్కెట్లో కోవిడ్ మహమ్మారికి ముందు అమ్మకాల వాల్యూమ్‌లను అధిగమించగలిగామని కంపెనీ ప్రకటించింది. హీరో మోటోకార్ప్ నెలవారీ అమ్మకాల విషయానికొస్తే, కంపెనీ 13 శాతం వృద్ధిని నమోదు చేసింది. జూలై 2020లో కంపెనీ 5,14,509 యూనిట్ల అమ్మకాలను నమోదు చేసింది.

ఆగస్ట్ నెల మొత్తం అమ్మకాలలో, 5,44,658 యూనిట్లు మోటార్‌సైకిళ్ళు, మిగిలిన 39,798 యూనిట్లు స్కూటర్లుగా ఉన్నాయి. అలాగే, మొత్తం వాల్యూమ్‌లో ఎగుమతి అమ్మకాలు 15,782 యూనిట్లుగా ఉన్నట్లు కంపెనీ పేర్కొంది. దేశీయ అమ్మకాలు పెరిగినప్పటికీ, ఎగుమతి అమ్మకాలు మాత్రం క్షీణించాయి. హీరో మోటోకార్ప్ ఆగస్టులో 19,403 యూనిట్లను ఎగుమతి చేసింది.

హీరో మోటోకార్ప్ పేర్కొన్న సమాచారం ప్రకారం, వారి ఉత్పత్తులకు ఎక్కువ డిమాండ్ గ్రామీణ మరియు సెమీ అర్బన్ కేంద్రాల నుండి వస్తోంది. రాబోయే నెలల్లో, ముఖ్యంగా పండుగ సీజన్ రావడంతో ఈ డిమాండ్ మరింత పెరుగుతుందని హీరో మోటోకార్ప్ ఆశిస్తోంది. కస్టమర్ విశ్వాసాన్ని పెంచడం, ఆకర్షనీయమైన ఆఫర్లను అదించడం ద్వారా ఇధి సాధ్యమవుతుందని కంపెనీ భావిస్తోంది.

హీరో మోటోకార్ప్ ఇప్పుడు తమ ఉత్పత్తి ప్లాంట్లలో దాదాపు 100 శాతం సామర్థ్యంతో నిర్వహిస్తున్నట్లు కంపెనీ ప్రకటించింది. హీరో మోటోకార్ప్ ఇటీవలే భారత మార్కెట్లో ఎక్స్‌ట్రీమ్ 160 ఆర్ మోటార్‌సైకిల్‌ను విడుదల చేసింది. కొత్త హీరో ఎక్స్‌ట్రీమ్ 160 ఆర్ ప్రారంభ ధర రూ.99,950, ఎక్స్‌షోరూమ్, ఢిల్లీగా ఉంది.

హీరో ఎక్స్‌ట్రీమ్ 160 ఆర్ రెండు వేరియంట్లలో లభిస్తుంది. అవి: డ్రమ్ మరియు డిస్క్ బ్రేక్. రెండు వేరియంట్లలోనూ ఒకేరకమైన 163సిసి ఎయిర్-కూల్డ్ సింగిల్ సిలిండర్ ఇంజన్‌ను ఉపయోగించారు. ఈ ఇంజన్ గరిష్టంగా 15 బిహెచ్‌పి శక్తిని మరియు 14 ఎన్ఎమ్ టార్క్‌ని ఉత్పత్తి చేస్తుంది. ఇది 5-స్పీడ్ గేర్‌బాక్స్‌తో జతచేయబడి ఉంటుంది.

హీరో మోటోకార్ప్ ఆగస్ట్ సేల్స్‌పై డ్రైవ్‌స్పార్క్ అభిప్రాయం.

హీరో మోటోకార్ప్ ఆగస్టు 2020 నెలలో తన ప్రీ-కోవిడ్ అమ్మకాల వాల్యూమ్ స్థాయిలను అధిగమించగలిగింది. రాబోయే నెలల్లో కూడా ఇదే సానుకూల ధోరణిని ముందుకు తీసుకెళ్లడం పట్ల కంపెనీ ఇప్పుడు మరింత ఆశాజనకంగా ఉంది.