నమ్మండి ఇది నిజంగా హీరో స్ప్లెండర్ బైక్, కావాలంటే వీడియో చూడండి

ప్రపంచంలోనే అతిపెద్ద ద్విచక్ర వాహన తయారీదారుగా పేరుగాంచి హీరో మోటోకార్ప్ అత్యంత ప్రజాదరణ పొందింది. ఈ కంపెనీ వాహనదారులకు అందుబాటులో ఉండే విధంగా సరసమైన ధరకే ప్యాసింజెర్ బైక్‌లతో పాటు ప్రీమియం మోటార్‌సైకిళ్లను కూడా ఉత్పత్తి చేస్తుంది.

హీరో మోటోకార్ప్ కంపెనీలో హీరో స్ప్లెండర్ అనేది అందరికీ తెలిసిన బ్రాండ్ యొక్క అత్యంత ప్రజాదరణ పొందిన మోడల్. హీరో కంపెనీ ఈ బైక్ ని రెండు దశాబ్దాలుగా అమ్ముతోంది. ఇది దేశంలోనే అత్యధికంగా అమ్ముడైన మోటారుసైకిల్. మారుతున్న కాలానికి అనుగుణంగా కంపెనీ కూడా ఈ మోటారుసైకిల్‌లో చాలా మార్పులు చేసింది, ఈ కారణంగా ఈ బైక్ ఇప్పటికీ ప్యాసింజెర్ విభాగంలో అత్యంత ప్రజాదరణ పొందిన ప్రాక్టికల్ బైక్.

మీరు ఇప్పటికే హీరో స్ప్లెండర్ యొక్క మోడిఫైడ్ బైకులను గమనించే ఉంటారు. కానీ ఇటీవల ఈ బైక్ యొక్క మోడిఫైడ్ వీడియో ఇంటర్నెట్లో వైరల్ అవుతోంది. ఇది చూడటానికి చాలా భిన్నంగా ఉంటుంది. వాస్తవానికి హీరో స్ప్లెండర్ స్క్రాంబ్లర్ బైక్‌గా మాడిఫైడ్ చేయబడింది.

ఈ వీడియోను ఎబి కస్టమ్స్ అనే యూట్యూబ్ ఛానెల్‌కు అప్‌లోడ్ చేశారు. పాత స్ప్లెండర్ బైక్ ఎలా మాడిఫైడ్ చేయబడి ఆకర్షణీయమైన స్క్రాంబ్లర్ బైక్‌గా రూపాంతరం చెందిందో ఈ వీడియోలో మనం చూడవచ్చు.

మీరు వీడియో ప్రారంభంలో గమనించినట్లయితే బైక్ యొక్క భాగాలు ఓపెన్ చేయబడతాయి. బైక్ యొక్క హెడ్లైట్, సైడ్ ప్యానెల్లు, స్పీడోమీటర్, సీటు ఇందులో ఓపెన్ చేయబడ్డాయి. వీటితో పాటు, బైక్ ముందు మరియు వెనుక మడ్‌గార్డ్‌లు, చైన్ కవర్ మరియు సారీ గార్డులను కూడా తొలగిస్తారు.

బైక్ యొక్క ఈ భాగాలు తొలగించబడిన తరువాత, టైర్‌కు సరిపోయే విధంగా స్వింగార్మ్ కొద్దిగా మాడిఫై చేయబడింది. బైక్ యొక్క స్వింగార్మ్ను మార్చిన తరువాత, సీటును పెంచడానికి ఫ్రేమ్ అమర్చబడుతుంది. బైక్ వెనుక భాగంలో కొత్త సస్పెన్షన్ పొందుతుంది మరియు సీటు తగ్గించబడుతుంది.

ఈ బైక్‌కు కొత్త ఎల్‌ఈడీ హెడ్‌లైట్, చిన్న మడ్‌గార్డ్‌లు, కొత్త హ్యాండిల్ బార్‌లు, డిజిటల్ ఇన్‌స్ట్రుమెంట్ క్లస్టర్ మరియు డిస్క్ బ్రేక్ కూడా లభిస్తాయి. బైక్ యొక్క పాత సైలెన్సర్‌ను కొత్త చిన్న సైలెన్సర్‌తో భర్తీ చేశారు.

బైక్ యొక్క ఫ్యూయెల్ ట్యాంక్ మీద బీఎండబ్ల్యూ లోగో ఉంటుంది. దాని ఫ్యూయెల్ ట్యాంక్, ఫ్రంట్ మడ్గార్డ్లు మరియు సైడ్ ప్యానెల్లు మాట్టే గ్రీన్ పెయింట్ కలిగి ఉంటాయి. బైక్ యొక్క అల్లాయ్ వీల్, ఇంజిన్ మరియు సైలెన్సర్ కూడా బ్లాక్ మాట్టే పెయింట్ చేయబడ్డాయి. బైక్‌ యొక్క మాడిఫికేషన్ కి అయినా మొత్తం ఖర్చు గురించి ఎటువంటి సమాచారం అందుబాటులో లేదు.

Image Courtesy: A B customs