హోండా ఫోర్జా 350 ప్రీమియం మ్యాక్సీ-స్కూటర్ భారత్‌లో అడుగుపెట్టనుందా?

హోండా ఫోర్జా మాక్సి-స్కూటర్ మునుపటి తరం ఫోర్జా 300 తో పోలిస్తే కొన్ని చిన్న మెరుగుదలలతో వస్తుంది. ఈ మాక్సి-స్కూటర్ డ్యూయల్ ఎల్‌ఇడి హెడ్‌లైట్లు మరియు డిఆర్‌ఎల్‌లతో భారీ ఫ్రంట్ ఎండ్‌ను కలిగి ఉంది. ఇది 150 మిమీ అల్లాయ్ వీల్స్, క్యూబి హోల్ లోపల యుఎస్బి ఛార్జింగ్, రైడర్ కోసం ఫుట్‌రెస్ట్, మరియు రైడర్‌కు అనుకూలంగా ఉండే సీటు మరియు ఎలెక్ట్రికల్ అడ్జస్టబుల్ విండ్‌స్క్రీన్‌ను కూడా పొందుతుంది.

మాక్సి-స్కూటర్ లోని ఇతర ఫీచర్స్ గమనించినట్లయితే ఇందులో డిజిటల్ అనలాగ్ ఇన్స్ట్రుమెంట్ కన్సోల్, కీలెస్ ఇగ్నిషన్, అల్లాయ్ రియర్ గ్రాబ్ రైల్, ఎల్ఈడి టెయిల్ లాంప్, ఎల్ఇడి ఇండికేటర్స్ వంటివి. టూరింగ్ స్పెక్ 2020 హోండా ఫోర్జా 350 టాప్ బాక్స్ తో స్టాండర్డ్ గా వస్తుంది. దీని పొడవైన సీటు కింద ఎక్కువ స్థలాన్ని కలిగి ఉంటుంది, ఇక్కడ రెండు హెల్మెట్లను ఉంచడానికి చాలా అనుకూలంగా ఉంటుంది.

హోండా ఫోర్జా 350 స్కూటర్ 329.6 సిసి సింగిల్ సిలిండర్ ఇంజిన్‌తో పనిచేస్తుంది. మాక్సి-స్కూటర్ కోసం శక్తి గణాంకాలను హోండా ఇంకా వెల్లడించలేదు.

కానీ మునుపటి హోండా ఫోర్జా 300 స్కూటర్ 24 బిహెచ్‌పి శక్తిని మరియు 27.2 ఎన్ఎమ్ పీక్ టార్క్‌ను ఉత్పత్తి చేసింది. కాబట్టి కొత్త ఫోర్జా 350 కొంచెం శక్తివంతంగా ఉంటుందని ఆశించవచ్చు. కొత్త మాక్సి-స్కూటర్‌లోని గేర్‌బాక్స్ హోండా సెలెక్టబుల్ టార్క్ కంట్రోల్ (హెచ్‌ఎస్‌టిసి) సిస్టమ్‌తో సివిటి ట్రాన్స్‌మిషన్ అవుతుంది.

ఈ స్కూటర్లో బ్రేకింగ్ సిస్టం గమనించినట్లయితే ఇందులో రెండు చివర్లలోని డిస్క్ బ్రేక్‌లు మరియు డ్యూయల్-ఛానల్ ఎబిఎస్ సిస్టమ్ ద్వారా నిర్వహించబడతాయి. వెనుక భాగంలో టెలిస్కోపిక్ ఫ్రంట్ ఫోర్కులు మరియు ట్విన్ అడ్జస్టబుల్ షాక్ అబ్జార్బర్స్ ఉన్నాయి.

ప్రస్తుతం ఈ మ్యాక్సీ స్కూటర్ థాయిలాండ్ మార్కెట్లో మాత్రమే విక్రయించబడుతుంది మరియు భారతదేశంలో దాని ప్రయోగం గురించి కంపెనీ ఎటువంటి సమాచారం వెల్లడించలేదు.

డ్రైవ్‌స్పార్క్ అభిప్రాయం :

హోండా మునుపటి తరం ఫోర్జా 300 ను భారత మార్కెట్లో విడుదల చేసింది, కానీ దీనికి ఎక్కువ స్పందన రాలేదు. దానిని దృష్టిలో ఉంచుకుని కంపెనీ ఫోర్జా 350 ను భారతదేశంలో విడుదల చేస్తుందో లేదో ఇంకా తెలియదు. కాబట్టి మన దేశంలో ఈ స్కూటర్ లాంచ్ అవుతుందో లేదో కొంత కాలం వేచి చూడాలి.