ఏవియేటర్ & గ్రాజియా ఉత్పత్తులను నిలిపివేసిన హోండా, ఎందుకో తెలుసా.. ?

హొండా మోటార్ సైకిల్స్ తమ ఉత్పత్తులైన ఏవియేటర్ మరియు గ్రాజియా స్కూటర్లను బిఎస్ 6 ఉద్గార ప్రమాణాలకు అనుకూలంగా తయారు చేయలేదు. భారత ప్రభుత్వ నిబంధనల ప్రకారం 2020 ఏప్రిల్ 1 నుంచి బిఎస్ 4 వాహనాల అమ్మకాలను నిషేధించాలని ప్రకటించింది.ఈ కారణంగా హొండా ఈ రెండు వాహనాలను అధికారిక జాబితా నుంచి తొలగించినట్లు ప్రకటించింది.

హోండా ఏవియేటర్ 109.19 సిసి సింగిల్ సిలిండర్ ఇంజన్ కలిగి ఉంటుంది. ఇది 8 బ్రేక్ హార్స్‌పవర్ మరియు 8.77 ఎన్ఎమ్ టార్క్ ఉత్పత్తి చేస్తుంది.

ఈ స్కూటర్‌లో ఎల్‌ఈడీ హెడ్‌ల్యాంప్స్, ఫోర్ ఇన్ వన్ లాకింగ్ సిస్టమ్, 20 లీటర్ అండర్ సీట్ స్టోరేజ్, యుబిఎస్ ఛార్జింగ్ పోర్ట్, అల్లాయ్ వీల్స్, టెలిస్కోపిక్ ఫ్రంట్ ఫోర్క్స్ మరియు కాంబి-బ్రేక్ సిస్టమ్ కలిగి ఉంటుంది.ఇండియన్ మార్కెట్లో దీని ధర రూ. 59,180.

హోండా రెడవ మోడల్ అయిన హోండా గ్రాజియా మరింత ప్రీమియం సమర్పణ. ఇది 124.9 సిసి సింగిల్ సిలిండర్ ఇంజన్ ద్వారా శక్తినిస్తుంది, ఇది 8.52 బ్రేక్ హార్స్‌పవర్ మరియు 10.54 ఎన్ఎమ్ టార్క్ ఉత్పత్తి చేస్తుంది. దీని ధర రూ. 63,269. ఈ స్కూటర్‌లో పుల్లీ డిజిటల్ ఇన్‌స్ట్రుమెంట్ క్లస్టర్, ముందు భాగంలో గ్లోవ్ బాక్స్, సీట్ స్టోరేజ్ కింద 18 లీటర్, ఫోర్ ఇన్ వన్ లాకింగ్ సిస్టమ్ ఉన్నాయి.

రెండు స్కూటర్ మోడళ్లను కంపెనీ తన వెబ్‌సైట్ నుండి తొలగించినప్పటికీ, పరిశ్రమలో చాలా మంది ఈ స్కూటర్లకు బిఎస్ 6 అప్‌గ్రేడ్‌లు లభిస్తాయని మరియు అమ్మకానికి కూడా జాబితాలో చేర్చబడతాయని ఆశిస్తున్నారు.

దేశవ్యాప్తంగా ప్రస్తుత లాక్ డౌన్ వల్ల తయారీదారులు ఉత్పత్తులను నిలిపివేయవలసి వచ్చింది. అందువల్ల ఈ రెండు స్కూటర్లకు బిఎస్ 6 నవీకరణలను ఆలస్యం చేసింది. హోండా ఏవియేటర్ మరియు గ్రాజియా మోడళ్లను ఎప్పుడు అప్‌గ్రేడ్ చేస్తుంది మరియు విడుదల చేస్తుంది అనే దానిపై కంపెనీ ఖచ్చితమైన సమాచారం లేదు.

డ్రైవ్‌స్పార్క్ తెలుగు అభిప్రాయం.. !

భారత ప్రభుత్వ నిబంధనల ప్రకారం సంస్థ బిఎస్ 4 మోడళ్లను విక్రయించదు మరియు వారి వెబ్‌సైట్ నుండి ఈ స్కూటర్లను తొలగిస్తుంది. రెండు స్కూటర్లు చివరికి బిఎస్ 6 నవీకరణలను అందుకుంటాయని మేము భావిస్తున్నాము. ఎట్టకేలకు ఈ వాహనాలను బిఎస్ 6 వెర్షన్లో నవీనీకరించినట్లైతే వీటి గురించి మరింత సమాచారం మీ ముందుకు తీసుకు వస్తాము.