Just In
- 4 hrs ago త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- 6 hrs ago హ్యుందాయ్ ఎక్స్టర్ దిమ్మ తిరిగే మైలేజ్.. ఓనర్ ఫుల్ ఖుష్.. ఫొటోలతో సహా ప్రూఫ్ ఇదిగో.!!
- 8 hrs ago JNCAP క్రాష్ టెస్ట్లో అదరగొట్టిన స్విఫ్ట్.. స్కోర్ ఎంతో తెలుసా?
- 8 hrs ago కొత్త మారుతి స్విఫ్ట్ బుకింగ్ ప్రైస్ ఎంతో తెలుసా? ఇక్కడ చూడండి!
Don't Miss
- News సుమలత దెబ్బకు మాజీ సీఎం హడల్, ఇంతవరకు ప్రచారం చెయ్యలేదు, అసలు మ్యాటర్ !
- Sports IPL 2024: చరిత్ర సృష్టించిన సన్రైజర్స్ హైదరాబాద్!
- Technology Whatsapp File Sharing Feature వాట్సాప్లో కొత్త ఫీచర్.. సులభంగా ఫైల్స్ షేర్ చేసుకోవచ్చు..!
- Lifestyle మీ భార్యతో ఇలా ఎప్పుడైనా ఉన్నారా..? ఆ విషయంలో భర్త తగ్గాల్సిందే..!
- Movies పిఠాపురంలో బెట్టింగుల జోరు.. పవన్ కల్యాణ్పై కాయ్ రాజా కాయ్.. కోట్లలో పందాలు!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
కెటిఎమ్ డ్యూక్ 250 బిఎస్6 విడుదల - ధర, ఫీచర్లు, వివరాలు
ఆస్ట్రియన్ మోటార్సైకిల్ కంపెనీ కెటిఎమ్ ఇండియా తమ కొత్త డ్యూక్ 250 బిఎస్6 మోటార్సైకిల్ను భారత మార్కెట్లో విడుదల చేసింది. దేశీయ విపణిలో కొత్త 2020 కెటిఎమ్ డ్యూక్ 250 బిఎస్6 ధర రూ.2.09 లక్షలు (ఎక్స్-షోరూమ్ ఢిల్లీ)గా ఉంది. ఈ కొత్త 2020 కెటిఎమ్ డ్యూక్ 250లో బిఎస్6 కంప్లైంట్ ఇంజన్ అప్డేట్ మాత్రమే కాకుండా, కంపెనీ ఇందులో అనేక కొత్త ఫీచర్లను కూడా ప్రవేశపెట్టింది.
కొత్త కెటిఎమ్ డ్యూక్ 250 బిఎస్6 ఇప్పుడు ఎల్ఈడి డిఆర్ఎల్లతో పాటు ఎల్ఈడి హెడ్ల్యాంప్స్ను కలిగి ఉంటుంది. ఈ డిజైన్ చూడటానికి డ్యూక్ 390 మాదిరిగా అనిపిస్తుంది. కెటిఎమ్ డ్యూక్ 250ను ఇప్పుడు డ్యూయల్-ఛానల్ ఏబిఎస్తో పాటుగా సూపర్ మోటో మోడ్తో పరిచయం చేశారు. ఈ మోడ్ సాయంతో డ్యూక్ 250 బైక్లోని ఒక బటన్ను నొక్కడం ద్వారా వెనుక చక్రాలపై ఏబిఎస్ను పూర్తిగా స్విచ్ ఆఫ్ చేయవచ్చు.
బిఎస్6 కంప్లైంట్ కెటిఎమ్ డ్యూక్ 250లో చేసిన ఇతర మార్పులను గనిస్తే, ఇందులో కొత్త రెండు పెయింట్ స్కీమ్స్ను ప్రవేశపెట్టారు. అవి - డార్క్ గాల్వానో మరియు సిల్వర్ మెటాలిక్. ఈ రెండు కలర్ ఆప్షన్లు కూడా కొద్దిగా అప్గ్రేడ్ చేయబడిన బాడీ గ్రాఫిక్స్తో లభిస్తాయి. ఇది మోటార్సైకిల్ యొక్క స్పోర్టీ, అగ్రెసివ్ మరియు షార్ప్ డిజైన్ను మరింత పెంచడంలో సహకరిస్తుంది.
కొత్త 2020 కెటిఎమ్ డ్యూక్ 250 మోటార్సైకిల్ ఇప్పుడు అదే 248 సిసి సింగిల్ సిలిండర్ లిక్విడ్-కూల్డ్ ఇంజన్ యొక్క అప్గ్రేడెడ్ బిఎస్6 వెర్షన్తో లభిస్తుంది. ఈ ఇంజన్ ఇప్పుడు 9000 ఆర్పిఎమ్ వద్ద 29.6 బిహెచ్పి శక్తిని మరియు 7500 ఆర్పిఎమ్ వద్ద 24 ఎన్ఎమ్ టార్క్ను ఉత్పత్తి చేస్తుంది. ఇది 6-స్పీడ్ గేర్బాక్స్తో జతచేయబడి ఉంటుంది.
పైన చెప్పుకున్న మార్పులు తప్ప, ఇదివరకటి బిఎస్4 మోడల్లో కనిపించిన అనేక అంశాలు కొత్త కెటిఎమ్ డ్యూక్ 250 బిఎస్6లో కూడా కొనసాగుతాయి. ఈ క్వార్టర్-లీటర్ మోటార్సైకిల్ రెండు చివర్లలో డబ్ల్యూపి సస్పెన్షన్ సెటప్ ఉంటుంది. ముందు భాగంలో 43 మిమీ యూఎస్డి ఫోర్కులు మరియు వెనుక భాగంలో 10-స్టెప్ అడ్జస్టబల్ మోనో-షాక్ సస్పెన్షన్ ఉంటాయి.
ముందు మరియు వెనుక వైపున వరుసగా 320 మిమీ మరియు 230 మిమీ డిస్క్లు ఉంటాయి. ఇవి డ్యూయెల్ ఛానెల్ ఏబిఎస్ను సపోర్ట్ చేస్తాయి. ఇందులో కొత్తగా, అవసరం లేదనుకుంటే వెనుక టైరులోని ఏబిఎస్ను స్విచ్ ఆఫ్ చేసుకునే వెసలుబాటు ఉంటుంది. ఈ మోటార్సైకిల్ బరువు 169 కిలోలు, దీని ఇంధన ట్యాంక్ సామర్థ్యం 13.5 లీటర్లుగా ఉంటుంది.
కొత్త డ్యూక్ 250 బిఎస్6ను మార్కెట్లో విడుదల చేసిన సందర్భంగా, బజాజ్ ఆటో లిమిటెడ్ ప్రెసిడెంట్ (ప్రోబైకింగ్) సుమీత్ నారంగ్ మాట్లాడుతూ, "కెటిఎమ్ 250 డ్యూక్ ప్రీమియం స్పోర్ట్స్ మోటార్సైకిల్ విభాగంలో ఔత్సాహికులకు అందుబాటులో ఉన్న క్వార్టర్-లీటర్ మోటారుసైకిల్. కెటిఎమ్ యొక్క అసమాన రేసింగ్ లెగసీ నుండి ఈ వాహనం ఎంతో ప్రేరణ పొందింది. ఇది హైటెక్ రేస్-రెడీ ఇంజన్ మరియు భాగాలతో రూపుదిద్దుకుంది."
"క్వార్టర్-లీటర్ కెటిఎమ్గా, ఇది బైకింగ్ పనితీరు మరియు అర్బన్ ప్రాక్టికాలిటీల కలయికలో ఉత్తమమైనదాన్ని అందిస్తుంది. కెటిఎమ్ 250 డ్యూక్లో తాజాగా చేసిన అప్డేట్స్ కారణంగా ఇది కోర్ బైకింగ్ ఔత్సాహికులను మరింత ఆకర్షించగలదని ఆశిస్తున్నామ"ని అన్నారు.
ఈ కొత్త బిఎస్6 కంప్లైంట్ కెటిఎమ్ డ్యూక్ 250 బైక్ను కొనాలనుకునే కస్టమర్లు కోసం బుకింగ్స్ ఇప్పుడు ఆన్లైన్లో లేదా భారతదేశంలోని ఏ కెటిఎమ్ డీలర్షిప్నైనా సందర్శించవచ్చు. అతి త్వరలోనే ఈ మోటార్సైకిల్ డెలివరీలు ప్రారంభం కానున్నట్లు సమాచారం.
కెటిఎమ్ డ్యూక్ 250 బిఎస్6 మోటార్సైకిల్ విడుదలపై డ్రైవ్స్పార్క్ అభిప్రాయం.
కొత్త కెటిఎమ్ 250 డ్యూక్ బిఎస్6 మోటార్సైకిల్ ఈ విభాగంలో మంచి సామర్థ్యం కలిగిన క్వార్టర్-లీటర్ మోటార్సైకిళ్లలో అత్యంత ప్రాచుర్యం పొందిన మోడల్. ఇది ఈ విభాగంలో సుజుకి జిక్సెర్ 250 మరియు యమహా ఎఫ్జెడ్-25 వంటి మోడళ్లకు పోటీగా నిలుస్తుంది.