ఇలాంటి కెటిఎమ్ బైక్‌ను ఎప్పుడైనా చూశారా?

తాజాగా ఇన్‌స్టాగ్రామ్‌లో విడుదలైన ఓ పోస్ట్‌లో కస్టమైజ్డ్ కెటిఎమ్ ఆర్‌సి 200 మోటార్‌సైకిల్ ఇప్పుడు ఇంటర్నెట్‌లో హాట్ టాపిక్‌గా మారింది. the_demonspeed అనే అకౌంట్ నుండి కేరళకు చెందిన ఓ కెటిఎమ్ ఆరే‌సి 200 యజమాని, తన మోటార్‌సైకిల్‌లో అనేక మార్పులు చేర్పులు చేసి ఈ మోడల్‌ను మోటోజిపి మెషీన్ లాగా మార్చారు.

జెడ్ వన్ అని పిలువబడే బైక్ కస్టమైజేషన్ కంపెనీ ఈ కెటిఎమ్ ఆర్‌సి 200 మోటార్‌సైకిల్‌కు మంచి వ్రాప్ జాబ్ చేసి, దీనిని చాలా అద్భుతంగా తీర్చిదిద్దారు. బ్లూ అండ్ వైట్ కలర్ బాడీ పెయింట్ స్కీమ్‌తో పాటుగా బైక్‌లో అక్కడక్కడా బ్లాక్ కలర్ ఫినిషింగ్ చేస్తూ అనేక డిజైన్ అంశాలతో దీనిని కస్టమైజ్ చేశారు. కెటిఎమ్ సిగ్నేచర్ కలర్ అయిన ఆరెంజ్, బైక్‌పై అతికొద్ది ప్రాంతాల్లో మాత్రమే కనిపిస్తుంది. ఒక్కమాటలో చెప్పాలంటే, తొలిచూపులో దీనిని కెటిఎమ్ ఆర్‌సి 200 బైక్ అని గుర్తు పట్టడం కష్టంగా ఉంటుంది.

వివిధ మోటర్‌స్పోర్ట్‌లలో స్పాన్సర్‌లుగా ఉన్న ప్రముఖ బ్రాండ్‌లతో ఈ బాడీ ప్యానెళ్లను డిజైన్ చేశారు. ఎల్ఫ్, అక్రపోవిక్, మోటోరెక్స్, ట్రాక్‌స్పెక్ మోటార్‌స్పోర్ట్స్, రెడ్‌బుల్ ఆర్గానిక్స్ కొన్ని ప్రముఖ బ్రాండ్ల స్టిక్కర్లను దీనిపై చూడొచ్చు.

ఈ మోటార్‌సైకిల్‌లో పూణేకి చెందిన ఆటోలాగ్ డిజైన్ నుండి గ్రహించిన కొన్ని ఉత్పత్తులను ఉపయోగించారు. ఇందులో ట్రాక్ స్పెక్ టెయిల్ (రూ.5,500 ధర) మరియు రేస్ బెల్లీ (రూ.4,000 ధర) ఉన్నాయని చిత్రాలను చూస్తుంటే తెలుస్తోంది.

ఇందులోని ఇతర ముఖ్యాంశాలలో క్లియర్ ప్లాస్టిక్‌తో తయారు చేసిన ఫ్రంట్ వైజర్, సింగిల్ సీట్ కాన్ఫిగరేషన్ వంటి మార్పులను చూడొచ్చు.

ఇకపోతే కెటిఎమ్ ఆర్‌సి 200 బైక్ ఇంజన్‌లో ఎలాంటి మార్పులు చేయలేదు. ఈ మోటార్‌సైకిల్‌లో ఉపయోగించిన 199.5 సిసి ఇంజన్‌ గరిష్టంగా 25.1 బిహెచ్‌పి శక్తిని మరియు 19.2 ఎన్ఎమ్ టార్క్‌ను ఉత్పత్తి చేస్తుంది. ఈ ఇంజన్ సిక్స్-స్పీడ్ గేర్‌బాక్స్‌తో జతచేయబడి ఉంటుంది.

ఈ మోటారుసైకిల్ ముందు భాగంలో డబ్ల్యూపి అపెక్స్ 43 సస్పెన్షన్ మరియు వెనుక భాగంలో డబ్ల్యూపి అపెక్స్ మోన్-షాక్ సస్పెన్షన్ ఉంటాయి. బ్రేకింగ్ విషయానికి వస్తే ముందు భాగంలో 300 మి.మీ డిస్క్ బ్రేక్ మరియు వెనుక వైపు 230 మి.మీ డిస్క్ బ్రేక్ ఉంటాయి. ఇందులో స్లిప్పర్ క్లచ్ మరియు డ్యూయల్ ఛానల్ ఏబిఎస్ లను స్టాండర్డ్‌గా ఆఫర్ చేస్తున్నారు.

కెటిఎమ్ ఆర్‌సి 200 మోడల్ ప్రస్తుతం భారత మార్కెట్లో రూ.2.01 లక్షల (ఎక్స్-షోరూమ్) ధరకు విక్రయించబడుతోంది. ఇది ఈ సెగ్మెంట్లోని బజాజ్ పల్సర్ ఆర్ఎస్ 200, హ్యోసంగ్ జిటి250ఆర్, హీరో ఎక్స్‌ట్రీమ్ 200 ఎస్ మరియు సుజుకి జిక్సెర్ ఎస్ఎఫ్250 లతో పోటీపడుతుంది.

ఈ మోడిఫైడ్ కెటిఎమ్ ఆర్‌సి 200 బైక్‌పై డ్రైవ్‌స్పార్క్ అభిప్రాయం.

మార్కెట్లో ఇప్పటికే కొన్ని మోడిఫైడ్ కెటిఎమ్ ఆర్‌సి 200 మోడళ్లు ఉన్నప్పటికీ, మేము చూసిన వాటిలో మాత్రం ఇది చాలా ఉత్తమంగా ఉందని చెప్పవచ్చు. ఎటువంటి గందరగోళం లేకుండా, మంచి రంగు కలయికతో తయారు చేసిన ఈ మోటార్‌సైకిల్ చూడటానికి రేస్ బైక్‌లా అనిపిస్తుంది.

Image Courtesy: the_demonspeed/Instagram