భారత్‌లో అడుగుపెట్టనున్న బిఎమ్‌డబ్ల్యూ ఎస్ 1000 ఎక్స్‌ఆర్ బైక్‌

ఈ నెల 16 న బిఎమ్‌డబ్ల్యూ తన కొత్త మోటొరాడ్ ఎస్ 1000 ఎక్స్‌ఆర్ బైక్‌ను భారత మార్కెట్లో విడుదల చేయనున్నట్లు సమాచారం. కొత్త బిఎమ్‌డబ్ల్యూ ఎస్ 1000 ఎక్స్‌ఆర్ ను గత సంవత్సరం EICMA వద్ద ఆవిష్కరించారు. ఈ బైక్ కొత్త టెక్నాలజీని కలిగి ఉండటమే కాకుండా అనేక ఫీచర్స్ కలిగి ఉంటుంది. 2020 ఎస్ 1000 ఎక్స్‌ఆర్ బైక్ 2 స్టేజెస్ అడ్జస్టబుల్ విండ్‌స్క్రీన్, అప్‌డేటెడ్ బాడీవర్క్ మరియు కొత్త హెడ్‌లైట్లు కలిగి ఉంటుంది.

అంతే కాకుండా మెరుగైన పనితీరు కోసం ఇంజిన్ తిరిగి ట్యూన్ చేయబడింది. ఈ కొత్త బిఎమ్‌డబ్ల్యూ ఎస్ 1000 ఎక్స్‌ఆర్ బైక్‌లో 999 సిసి ఫోర్ సిలిండర్ ఇంజన్ ఉంది. ఈ ఇంజిన్ 11,000 ఆర్‌పిఎమ్ వద్ద 164 బిహెచ్‌పి మరియు 9,250 ఆర్‌పిఎమ్ వద్ద 114 హెచ్‌పి టార్క్ ఉత్పత్తి చేస్తుంది. ఇంజిన్ 6 స్పీడ్ గేర్‌బాక్స్‌తో స్లిప్ అసిస్టెడ్ క్లచ్‌కు జతచేయబడి ఉంటుంది.

ఎస్ 1000 ఎక్స్‌ఆర్ బైక్‌ మునుపటి మోడల్ కంటే 3,000 ఆర్‌పిఎమ్ అధికంగా అందించడానికి ఇంజిన్ ట్యూన్ చేయబడింది. ఈ బైక్ ముందు భాగంలో 45 మిమీ యుఎస్డి ఫోర్క్ మరియు వెనుక భాగంలో మోనో షాక్ అమర్చారు.

ఈ బైక్ యొక్క బ్రేకింగ్ సిస్టం గమనించినట్లయితే దీని ముందు భాగంలో 320 మిమీ ట్విన్ డిస్క్ బ్రేక్ మరియు వెనుక వైపు 265 మిమీ డిస్క్ బ్రేక్ అమర్చారు. ఇది డ్యూయల్-ఛానల్ ఎబిఎస్‌తో కూడా వస్తుంది.

ఇండియన్ ఎక్స్-షోరూమ్ ప్రకారం కొత్త బిఎమ్‌డబ్ల్యూ ఎస్ 1000 ఎక్స్‌ఆర్ ధర రూ. 18 లక్షలు. ఈ బిఎమ్‌డబ్ల్యూ ఎస్ 1000 ఎక్స్‌ఆర్ బైక్ ఈ నెలలో భారత్‌లో లాంచ్ అవుతుంది.

ఈ కొత్త బిఎమ్‌డబ్ల్యూ ఎస్ 1000 ఎక్స్‌ఆర్ బైక్ దేశీయ మార్కెట్లో లాంచ్ అయిన వెంటనే కవాసకి వెర్సిస్ 1000 మరియు డుకాటీ మల్టీస్ట్రాడా 1260 ఎస్ లకు ప్రత్యర్థిగా ఉంటుంది.