యమహా అభిమానులకు గుడ్‌న్యూస్: అమేజాన్ సైట్‌లో అఫీషియల్ యాక్ససరీస్

యమహా భారతదేశంలో విక్రయించే వివిధ రైడింగ్ గేర్‌లను కూడా అమేజాన్ జాబితాలో చేర్చింది. వీటిని వినియోగదారులు మరియు అభిమానులు వారి ఇంటి వద్ద నుండే సౌకర్యవంతంగా ఆన్‌లైన్‌లో కొనుగోలు చేయవచ్చు. ఆర్డర్ చేసిన ఉత్పత్తులు అమెజాన్ ఇండియా ద్వారా సులభంగా మరియు సౌకర్యవంతంగా కస్టమరే ఇంటి వద్దకే డెలివరీ చేయబడతాయి.

యమహా మోటారుసైకిల్ శ్రేణికి సంబంధించిన యాక్ససరీస్ జాబితాలో బైక్ కవర్, సీట్ కవర్, ట్యాంక్ ప్యాడ్, సీట్ కవర్, స్టిక్కర్ కిట్ మొదలైనవి ఉన్నాయి. మరోవైపు, స్కూటర్ శ్రేణికి ఉపకరణాలలో కూల్ మెష్ సీట్ కవర్లు, స్టాండర్డ్ సీట్ కవర్ మరియు రెండు రకాల ఫ్లోర్ మ్యాట్ మొదలైనవి ఉన్నాయి.

దుస్తులు విభాగానికి వస్తే, యమహా భారత మార్కెట్లో విక్రయించే సమగ్రమైన రైడింగ్ గేర్‌లను అమేజాన్ ద్వారా అందుబాటులోకి తెచ్చింది. ఇందులో 14 రకాల హెల్మెట్లు కూడా ఉన్నాయి. వీటిలో ఫుల్ ఫేస్ మరియు హాఫ్ ఫేస్ హెల్మెట్ మోడళ్లు ఉన్నాయి.

ఇతర రైడింగ్ గేర్ లైనప్‌లో డ్యూయెల్ కలర్ స్కీమ్‌లలో రైడింగ్ జాకెట్లు, రైడింగ్ గ్లౌవ్, బ్రాండ్ యొక్క సిగ్నేచర్ బ్లూ కలర్ స్కీమ్‌తో యమహా క్యాప్, టీ-షర్ట్ మరియు పోలో షర్ట్‌లు మొదలైనవి ఉన్నాయి. ఇవన్నీ వివిధ పరిమాణాలలో సైజుల వారీగా లభిస్తాయి.

ఈ సందర్భంగా యమహా మోటార్ ఇండియా గ్రూప్ కంపెనీల ఛైర్మన్ మోటోఫుమి శితారా మాట్లాడుతూ, "భారత మార్కెట్లో మా ఆన్‌లైన్ ఉనికిని బలోపేతం చేయడానికి మేము నిరంతరం కృషి చేస్తున్నాము మరియు ఆ దిశగా మా అభిమానులకు మరింత చేరువయ్యే లక్ష్యంలా భాగంగా అమేజాన్‌లో ఆన్‌లైన్ వ్యాపారాన్ని ప్రారంభించాము. ఇటీవలే మేము "వెహికల్ ఆన్‌లైన్ సేల్స్"ను కూడా ప్రారంభించాము, ఇది ఆన్‌లైన్ ద్విచక్ర వాహనాల కొనుగోలు ప్రక్రియను సులభతరం చేస్తుంది" అని అన్నారు.

"వినియోగదారుల కోసం యమహా ఇప్పుడు ఆకర్షణీయమైన రైడింగ్ దుస్తులు మరియు యాక్ససరీలను ఆన్‌లైన్‌లో అందుబాటులో ఉంచడం ద్వారా, యమహా బ్రాండ్‌తో ఇంకా ఎటువంటి సంబంధాలు లేని కస్టమర్లను సైతం చేరుకోగలుగుతుంది. తద్వారా బ్రాండ్ పరిమాణం మరింత విస్తరించి, ఎక్కువ కస్టమర్లను యమహా బ్రాండ్‌కు చేరువయ్యేలా చేస్తుందని" ఆయన చెప్పారు.

అమేజాన్‌లో యమహా యాక్ససరీస్ విక్రయంపై డ్రైవ్‌స్పార్క్ అభిప్రాయం.

భారతదేశంలోని అతిపెద్ద ఆన్‌లైన్ కంపెనీల్లో ఒకటైన అమేజాన్‌తో యమహా చేతులు కలపడం నిజంగా విశేషం. యమహా అందించే రైడింగ్ గేర్లు మరియు దుస్తులు కొనుగోలు చేయడానికి కస్టమర్లు ఇకపై యమహా షోరూమ్‌ల చుట్టూ తిరగాల్సిన అవసరం లేదు. ప్రస్తుత పరిస్థితుల్లో కస్టమర్లు నేరుగా తమ ఇంటి వద్ద కూర్చునే ఆన్‌లైన్‌లో తమకు నచ్చిన యమహా యాక్ససరీలను కొనుగోలు చేయవచ్చు.