'వి ఫర్ ఉమెన్' బైక్ బ్రిగేడ్‌ను ప్రారంభించిన బెంగళూరు పోలీసులు!

బెంగళూరు నగరాన్ని మహిళలకు మరియు పిల్లలకు సురక్షితమైన ప్రదేశంగా మార్చాలనే లక్ష్యంతో బెంగళూరు పోలీసులు 'వి ఫర్ ఉమెన్' అనే మహిళా పోలీసు మోటారుసైకిల్ బ్రిగేడ్‌ను ఏర్పాటు చేశారు.

'వి ఫర్ ఉమెన్'లో భాగంగా ఇప్పటికి 15 మంది లేడీ సబ్-ఇన్స్పెక్టర్లకు శిక్షణ ఇవ్వడమే కాకుండా మోటారుసైకిలిస్టుల బృందాన్ని పెంచుకుంటున్నారు. పోలీస్ మహిళను ఉదాహరణలుగా చూపించి ఇతర మహిళలను కూడా ప్రేరేపించాలని ఆశిస్తున్నామని పోలిస్ ప్రధాన కార్యాలయ జరిగిన కార్యక్రమంలో డిప్యూటీ కమిషనర్ దివ్య సారా థామస్ పేర్కొన్నారు.

బైక్ రైడింగ్ చేయడానికి ఆసక్తి ఉన్న మహిళా పోలీసులను గుర్తించి వారిని వివిధ పరిస్థితులలో వారి యొక్క రైడింగ్ నైపుణ్యాలను మెరుగుపరచటానికి శిక్షణ ఇవ్వడం జరిగింది. ఈ విధంగా శిక్షణ ఇవ్వడం వల్ల కొన్ని ప్రమాదకరమైన పరిస్థితులలో బయటపడటానికి అనుకూలంగా ఉంటుంది.

బైక్ రైడింగ్లు మరింత విస్తరించినట్లైతే పోలీసులు పెట్రోలింగ్ విధులను నిర్వహించడానికి కూడా ఉపయోగ పడుతుంది. ఈ విధంగా మహిళా పోలీసులు కూడా పెట్రోలింగ్ నిర్వహించడం ద్వారా ఇక్కడ స్త్రీ, పురుష లింగ బేధం తొలగిపోతుంది అని థామస్ పేర్కొన్నారు.

'వి ఫర్ ఉమెన్' లో భాగంగా రెండు దశల్లో శిక్షణ పొందిన మహిళా పోలీసులు హిమాలయన్, ఇంటర్‌సెప్టర్ 650, క్లాసిక్ 350 వంటి బుల్లెట్ వంటి మోడళ్లను కూడా రైడింగ్ చేయడం నేర్చుకున్నారు.

మహిళా రైడర్లు నగర సాయుధ రిజర్వ్ ప్రధాన కార్యాలయం నుండి నంది హిల్స్ వెళ్లేందుకు సిటీ పోలీసు కమిషనర్ భాస్కర్ రావు ఫ్లాగ్ ఊపి మహిళా పోలీసులతో కలిసి బుల్లెట్‌లో ప్రయాణించడం జరిగింది. మహిళా పోలీసులకు బైక్ రైడింగ్లు నేర్చుకోవడం వల్ల అధికార నిర్వహణ మాత్రమే కాకుండా అత్యవసర పరిస్థితులలో కూడా చాలా ఉపయోగపడుతుంది.

Source: Bangalurucity/Twitter