సుజుకి కటన ఈ ఏడాది ఇండియాకి రానట్టే.. ఎందుకో తెలుసా..!

సుజుకి 1981 లో మొదటి సారిగా కటన బైక్ ని ప్రవేశపెట్టింది. దీని ఉత్పత్తి దాదాపు 2006 వరకు కొనసాగింది. కానీ ఈ సంవత్సరం కటన ఇండియాకి రావడం లేదు. ఎందుకంటే 2020 ఆటో ఎక్స్‌పో సందర్భంగా, సుజుకి మొదటిసారిగా తమ దేశీయ మోటార్‌సైకిళ్ల మొత్తం బిఎస్ 6 లైనప్‌ను ప్రదర్శించింది. కానీ సుజుకి కటన ఇక్కడ ప్రదర్శించలేదు.

సాధారణంగా ఎక్స్‌పోలో మోటార్‌సైకిల్‌ను ప్రదర్శించడం అంటే, త్వరలోనే ఈ ఉత్పత్తిని ప్రారంభించాలని కంపెనీ యోచిస్తోంది. కానీ కటన విషయంలో అలా జరగలేదు. ఆటోకార్ ఇండియా సుజుకి మోటార్ సైకిల్ ఇండియా మేనేజింగ్ డైరెక్టర్ "కొయిచిరో హిరావ్" మరియు సుజుకి మోటార్ సైకిల్ ఇండియా వైస్ ప్రెసిడెంట్ "దేవాశిష్ హండా" 2020 కి ఈ మోటారుసైకిల్ భారతదేశానికీ తీసుకురాలేమని ప్రకటించారు.

ఈ సుజుకి కటన మోటార్ సైకిల్ ఇండియాకి రాకపోవడానికి ప్రధాన కారణం బిఎస్-6 కంప్లైంట్ కాదు. ప్రస్తుతం దీనిని కాలుష్య నివారణలకు అనుగుణంగా నవీనకరించదలచారు. తరువాత కస్టమర్ల ఆసక్తిని గమనించి దీనిని మార్కెట్లో విడుదల చేయడానికి సంకల్పించారు.

కస్టమర్ ఆసక్తిని దృష్టిలో ఉంచుకుని ఈ మోటారుసైకిల్‌ను అప్‌డేట్ చేయడానికి కంపెనీకి కూడా సమయం అవసరమని హిరావ్ పేర్కొన్నారు. అన్ని అంశాలను పరిగణనలోకి తీసుకుంటే, 2021 లో సుజుకి కటన భారతదేశంలో ప్రారంభించవచ్చని తెలిపారు.

సుజుకి కటన బైక్ లో ఫీచర్స్ ని గమనించినట్లయితే దీని ముందు భాగంలో ఆల్ ఎల్ఇడి దీర్ఘచతురస్రాకార హెడ్‌ల్యాంప్ లభిస్తుంది, ఇది పాత మోడల్ రూపాన్ని అనుసరిస్తుంది. సుజుకి కటనలో ఏర్పాటు చేసిన సస్పెన్షన్ పూర్తిగా అడ్జస్టబుల్ కెవైబి 43 మిమీ యుఎస్డీ ఫోర్క్ మరియు ప్రీలోడ్ మరియు రీబౌండ్ డంపింగ్ కోసం అడ్జస్టబుల్ లింక్ టైప్ మోనోషాక్ యూనిట్ కలిగి ఉంటుంది. బ్రేకింగ్ విధులను బ్రెంబో రేడియల్ కాలిపర్లు నిర్వహిస్తాయి.

సుజుకి కటన అదే 999 సిసి లిక్విడ్-కూల్డ్ ఇంజిన్‌తో పనిచేస్తుంది. ఇది జిఎస్‌ఎక్స్-ఎస్ 1000 ఎఫ్‌కు శక్తినిస్తుంది. ఇది 10,000 ఆర్పిఎమ్ వద్ద 150 బిహెచ్‌పి మరియు 9,500 ఆర్పిఎమ్ వద్ద 108 ఎన్ఎమ్ పీక్ టార్క్ ని ఉత్పత్తి చేస్తుంది. ఇవే కాకుండా స్లిప్పర్-క్లచ్, త్రి లెవెల్ ట్రాక్షన్ కంట్రోల్ సిస్టమ్ మరియు డ్యూయల్-ఛానల్ ఎబిఎస్ వంటివి ఉన్నాయి.

డ్రైవ్‌స్పార్క్ తెలుగు అభిప్రాయం!

సుజుకి కటన మోటార్ సైకిల్ చూడటానికి అద్భుతంగా కనిపించడమే కాకుండా దాని మునుపటి మోడల్ ను అనుసరిస్తుంది. ఇది భారతదేశంలో ప్రారంభించిన తరువాత మార్కెట్లో మంచి ఆదరణ ఉంటుందని యాజమాన్యం ఆశిస్తుంది.