టీవీఎస్ నుంచి రానున్న మరో కొత్త బైక్ BS 6 రేడియన్

భారతదేశంలో రాబోయే రెండు నెలల్లో టీవీఎస్ కంపెనీ రేడియన్ బిఎస్ 6 మోటార్‌సైకిల్‌ను విడుదల చేయనుంది. టీవీఎస్ రేడియన్ భారతదేశంలో చాలామంది వినియోగదారులను ఆకర్శించే అవకాశం ఉంటుంది. ఎందుకంటే ఇది వాహనదారునికి చాలా అనుకూలంగా ఉంటుంది.

టీవీఎస్ రేడియన్ బిఎస్ 6 మోటార్‌సైకిల్ పాత మోడళ్లల్లో శక్తినిచ్చే అదే 109.7 సిసి ఇంజన్ కలిగి ఉంటుంది. ఫ్యూయెల్ ఇంజెక్షన్ చేర్చడం వలన బిఎస్ 4 మోడల్ కంటే ఇంధన వ్యవస్థలో 15% మెరుగుదల ఉందని కంపెనీ పేర్కొంది.

నవీకరించబడిన బిఎస్ 6 ఇంజిన్ ఇప్పుడు 7,350 ఆర్‌పిఎమ్ వద్ద 8.08 బిహెచ్‌పి గరిష్ట శక్తిని మరియు 4,500 ఆర్‌పిఎమ్ వద్ద 8.7 ఎన్ఎమ్ పీక్ టార్క్ ఉత్పత్తి చేస్తుంది. ఇంజిన్ నాలుగు-స్పీడ్ గేర్‌బాక్స్‌తో జతచేయబడుతుంది. బిఎస్ 4 వెర్షన్ లో అదే ఇంజిన్ 7,000 rpm వద్ద 8.2 బిహెచ్‌పి మరియు 5,000 ఆర్‌పిఎమ్ వద్ద 8.7 ఎన్ఎమ్ ఉత్పత్తి చేస్తుంది.

బిఎస్ 6 రేడియన్ మోటార్ సైకిల్ రెండు వేరియంట్లలో లభిస్తుంది. ఒకటి స్టాండర్డ్ మరియు రెండవది కమ్యూటర్ బైక్ ఆఫ్ ది ఇయర్ ఎడిషన్ అని పిలువబడే టాప్-స్పెక్ మోడల్. ఇది తరువాతి ప్రయోగ సమయంలో అందుబాటులో ఉన్న పరిమిత ఎడిషన్ మోటార్‌సైకిల్.

టివిఎస్ రేడియన్ బిఎస్ 6 స్టాండర్డ్ వేరియంట్ ఆరు రంగులలో అందించబడుతుంది. అవి పెర్ల్ వైట్, రాయల్ పర్పుల్, గోల్డెన్ బీజ్, మెటల్ బ్లాక్, వోల్కనో రెడ్ మరియు టైటానియం గ్రే. రెండవ మోడల్ అయినా టాప్-ఆఫ్-ది-లైన్ వేరియంట్ రెండు కలర్ స్కీమ్‌లలో అందించబడుతుంది. అవి ఒకటి క్రోమ్ బ్రౌన్ మరియు రెండవది క్రోమ్ బ్లాక్.

రెండు వేరియంట్ల మధ్య మార్పులు రంగులకు మాత్రమే పరిమితం కాదు, కమ్యూటర్ బైక్ ఆఫ్ ది ఇయర్ ఎడిషన్ లో ఫ్రంట్ డిస్క్ బ్రేకులు, ట్యాంక్ ప్యాడ్లు, పెట్రోల్ ట్యాంక్, ప్రీమియం సీట్ డిజైన్, క్రోమ్ రియర్ వ్యూ మిర్రర్స్ వంటివి కూడా ఉంటాయి. ఇవి మాత్రమే కాకుండా, మోటారుసైకిల్‌లో హలోజెన్ హెడ్‌ల్యాంప్‌లు ఇంటిగ్రేటెడ్ ఎల్‌ఈడీ డిఆర్‌ఎల్, ఎల్‌ఈడీ టెయిల్ లాంప్స్ మరియు అదనపు సౌలభ్యం కోసం వెనుక-మౌంటెడ్ లగేజ్ ర్యాక్‌లను కలిగి ఉంటాయి.

రాబోయే బిఎస్ 6 మోడల్‌లో బిఎస్ 4 మోడళ్లలో కనిపించే మెకానికల్స్ కూడా ఉంటాయి. ముందు భాగంలో టెలిస్కోపిక్ ఫోర్కులు మరియు వెనుక భాగంలో డ్యూయల్-షాక్ సెటప్ ఉన్నాయి. ఈ మోటారుసైకిల్‌లో బ్రేకింగ్ వ్యవస్థ రెండు చివర్లలో డ్రమ్ బ్రేక్‌లు నిర్వహిస్తాయి, టాప్-స్పెక్ వేరియంట్‌లో ముందు భాగంలో స్టాండర్డ్ డిస్క్ బ్రేక్ ఉంటుంది. మోటారుసైకిల్ సింక్రొనైజ్డ్ బ్రేకింగ్ టెక్నాలజీని కూడా కలిగి ఉంటుంది.

రాబోయే ఈ బిఎస్ 6 టీవీఎస్ మోటారుసైకిల్ ధరలను కంపెనీ ఇంకా వెల్లడించలేదు. అయితే రేడియన్ బిఎస్ 6 ధరలు రూ. 60,000, (ఎక్స్‌షోరూమ్,ఢిల్లీ) నుంచి ప్రారంభమవుతాయని ఆశించవచ్చు.

డ్రైవ్‌స్పార్క్ తెలుగు అభిప్రాయం.. !

టీవీఎస్ రేడియన్ బిఎస్ 6 బ్రాండ్ మంచి అమ్మకాలను నమోదు చేసింది. ఈ కొత్త బిఎస్ 6 మోటారుసైకిల్ అనేక కొత్త ఫీచర్స్ కలిగి ఉండటమే కాకుండా, మంచి పనితీరు మరియు గొప్ప మైలేజీని కలిగి ఉండటం వల్ల చాలామంది వినియోగదారులను ఆకర్షించే అవకాశం ఉంటుంది. ఈ బిఎస్ 6 మోటార్ సైకిల్ త్వరలో ఇండియన్ మార్కెట్లో విడుదల కానుంది.