కస్టమర్ల కోసం కొత్త టెస్ట్ రైడ్ క్యాంపైన్‌ను ప్రారంభించిన యమహా - బహుమతులు

"టెస్ట్ రైడ్ మై యమహా" అని పిలువబడే ఈ క్యాంపైన్ కొత్త రైడర్లకు మరింత వ్యక్తిగతీకరించిన అనుభవాన్ని అందించేందుకు సహాయపడుతుంది. ఈ క్యాంపైన్‌లో భాగంగా, యమహా స్కూటర్లను కలిగిన ప్రస్తుత కస్టమర్లు, తమ స్కూటర్‌ని టెస్ట్ రైడ్ కోసం ఉపయోగించవచ్చు.

ఇలా సదరు కస్టమర్లు తమ మిత్రులు, సహోద్యోగులు, ఇరుగు పొరుగు వారు మొదైలన వారికి తమ స్వంత యమహా స్కూటర్ సాయంతో టెస్ట్ డ్రైవ్ సదుపాయాన్ని అందించవచ్చు. ఇలా చేసినందుకు గాను ప్రస్తుత యమహా స్కూటర్లను కలిగి ఉన్న కస్టమర్లకు కంపెనీ ప్రత్యేక బహుమతులను అందజేయనుంది.

యమహా ఫాసినో 125 ఎఫ్‌ఐ, రే జెడ్ఆర్ 125 ఎఫ్‌ఐ మరియు స్ట్రీట్ ర్యాలీ 125 ఎఫ్‌ఐ స్కూటర్లను కలిగి ఉన్న యమహా కస్టమర్లు తమ స్కూటర్లను టెస్ట్ రైడ్ ప్రచారం కోసం ఉపయోగించవచ్చని కంపెనీ పేర్కొంది. తమ స్కూటర్ ద్వారా 20 టెస్ట్ రైడ్‌లు పూర్తి చేసిన వినియోగదారులకు యమహా టాలెంట్ బ్యాగ్‌తో రివార్డ్ చేస్తుంది.

అదే, ఇలా 50 టెస్ట్ రైడ్‌లు నిర్వహించిన కస్టమర్లకు ఈ ప్రోగ్రాం కింద ఓ యమహా టీ షర్టును అందిస్తుంది. కస్టమర్లు ఇంకా ముందుకెళ్లి 1000 టెస్ట్ రైడ్‌లను ఆఫర్ చేసినట్లయితే, వారికి సరికొత్త ఫాసినో 125 ఎఫ్‌ఐ స్కూటర్‌ను గెలుచుకునేందుకు గాను లక్కీ డ్రాలో ప్రవేశించడానికి అవకాశం కల్పిస్తుంది.

కస్టమర్లు తన స్కూటర్ ద్వారా టెస్ట్ రైడ్‌లను ఆఫర్ చేసిన తర్వాత అందుకు సంబంధించిన ఫొటోలు మరియు వివరాలను బ్రాండ్ యొక్క అధికారిక వెబ్‌సైట్‌లో అప్‌లోడ్ చేసిన తర్వాత ధృవీకరించబడతాయి.

కంపెనీ పేర్కొన్న సమాచారం ప్రకారం, ఈ ప్రత్యేక ప్రచారం యొక్క మొత్తం లక్ష్యం ఏంటంటే, ప్రస్తుత యమహా కస్టమర్లతో మరింత బలమైన సంబంధాలను ఏర్పరచుకోవడమే. అంతేకాకుండా, కంపెనీ అందిస్తున్న 125సిసి స్కూటర్ మోడళ్లలోని అధునాతన భద్రతా ఫీచర్లు మరియు సాంకేతికతలపై వారి కుటుంబం మరియు స్నేహితులలో అవగాహన కల్పించడానికి కూడా ఇది సహాయపడుతుంది.

టెస్ట్ రైడ్ మై యమహా క్యాంపైన్ దేశంలోని యమహా స్కూటర్ కొనుగోలుదారులకు టచ్ అండ్ ఫీల్‌తో పాటు వ్యక్తిగతీకరించిన రైడింగ్ అనుభవాన్ని అందిస్తుందని కంపెనీ పేర్కొంది. టెస్ట్ రైడ్ అందించేటప్పుడు ప్రస్తుత వినియోగదారులు యమహా స్కూటర్లలోని అధునాతన టెక్నాలజీలను మరియు భద్రతా ఫీచర్ల గురించి తమ సహచరులకు వివరించవచ్చు.

లేటెస్ట్ యమహా స్కూటర్లలో "స్టాప్ / స్టార్ట్ సిస్టమ్", "స్మార్ట్ మోటార్ జనరేటర్ (ఎస్ఎమ్‌జి) మరియు "సైడ్ స్టాండ్ ఇంజిన్ కట్-ఆఫ్ స్విచ్" మొదలైన అధునాతన సాంకేతిక మరియు సేఫ్టీ ఫీచర్లు ఉన్నాయి. ప్రస్తుతం యమహా భారత మార్కెట్లో ఫాసినో 125 ఎఫ్‌ఐ, రే జెడ్ఆర్ 125 ఎఫ్‌ఐ మరియు స్ట్రీట్ ర్యాలీ 125 ఎఫ్‌ఐ స్కూటర్లను అందిస్తోంది.

ఈ స్కూటర్లన్నీ ఒకే రకమైన 125సిసి ఎయిర్-కూల్డ్, ఎస్ఓహెచ్‌సి ఇంజన్‌ను కలిగి ఉంటాయి. ఈ ఇంజన్ 6500 ఆర్‌పిఎమ్ వద్ద గరిష్టంగా 8 బిహచ్‌పి పవర్‌ను మరియు 5000 ఆర్‌పిఎమ్ వద్ద 9.7 ఎన్ఎమ్ టార్క్ ఉత్పత్తి చేస్తుంది. మెరుగైన ఇంధన సామర్థ్యం కోసం అన్ని స్కూటర్లు బ్రాండ్ యొక్క స్టాప్ / స్టార్ట్ సిస్టమ్‌ను కలిగి ఉంటాయి.

ఈ స్కూటర్లలోని ఇతర ఫీచర్లలో యూనిఫైడ్ బ్రేకింగ్ సిస్టమ్ (యుబిఎస్), మల్టీఫంక్షన్ కీ, హాలోజన్ హెడ్‌ల్యాంప్, సైడ్ స్టాండ్ ఇంజన్ కటాఫ్, ట్యూబ్‌లెస్ టైర్లు మొదలైన ఫీచర్లు ఉన్నాయి. కాగా, యమహా రేజెడ్ఆర్ 125 స్ట్రీట్ ర్యాలీ స్కూటర్ మోడల్‌లో పూర్తి డిజిటల్ ఇన్‌స్ట్రుమెంట్ కన్సోల్, ఎల్‌ఇడి పొజిషన్ లాంప్స్ మరియు నకల్ గార్డ్స్ మొదలైన ఫీచర్లు లభిస్తాయి.