రెండవసారి యమహా ఆర్15 వి3.0 మోటార్‌సైకిల్ ధర పెంపు - వివరాలు

దీంతో యమహా అందిస్తున్న ఈ ఎంట్రీ లెవల్ స్పోర్ట్స్ బైక్ ధర వరుసగా రెండోసారి పెరిగినట్లు అయ్యింది. తాజా పెంపుతో యమహా వైజెడ్ఎఫ్-ఆర్15 వి3.0 మూడు కలర్ ఆప్షన్ల ధరలు రూ.2,100 మేర పెరిగాయి.

ధర పెరుగుదల తర్వాత ప్రస్తుతం మార్కెట్లో యమహా వైజెడ్ఎఫ్-ఆర్15 వి3.0 థండర్ గ్రే, రేసింగ్ బ్లూ మరియు డార్క్ నైట్ కలర్ ఆప్షన్ల ధరలు వరుసగా రూ.1.47 లక్షలు, రూ.1.49 లక్షలు, రూ.1.50 లక్షలు (అన్ని ధరలు ఎక్స్-షోరూమ్ ఢిల్లీ)గా ఉన్నాయి. దేశంలో కొనసాగుతున్న కోవిడ్-19 మహమ్మారి మరియు ఇటీవలి లాక్‌డౌన్ కారణంగా ఏర్పడ్డ నష్టాలను పూడ్చుకునేందుకు కంపెనీ ధరలను పెంచినట్లు తెలుస్తోంది.

యమహా వైజెడ్ఎఫ్-ఆర్15 వి3.0 బిఎస్4 మోడళ్లలో ఉపయోగించిన అదే ఇంజన్‌ను బిఎస్6కి అప్‌గ్రేడ్ చేసి కొత్త మోడల్‌లో ఉపయోగించారు. ఇందులోని 155 సిసి లిక్విడ్-కూల్డ్, సింగిల్ సిలిండర్ ఇంజన్ గరిష్టంగా 18.3 బిహెచ్‌పి శక్తిని మరియు 14.1 ఎన్ఎమ్ టార్క్‌ని ఉత్పత్తి చేస్తుంది. ఈ ఇంజన్ స్లిప్-అసిస్ట్ క్లచ్‌తో 6-స్పీడ్ గేర్‌బాక్స్‌తో జతచేయబడి ఉంటుంది.

ఇందులో కన్వెన్షనల్ టర్న్ ఇండికేటర్స్, ఎల్‌ఈడి హెడ్‌ల్యాంప్స్ మరియు టెయిల్ ల్యాంప్స్, ఇన్‌స్ట్రుమెంట్ క్లస్టర్ కోసం పూర్తి-డిజిటల్ ఎల్‌సిడి డిస్‌ప్లే, స్ప్లిట్-స్టైల్ స్టెప్-అప్ సీట్ వంటి ఫీచర్లు ఉన్నాయి. బిఎస్6 మోడల్‌లో చేసిన కొత్త మార్పుల విషయానికి వస్తే, ఇందులో కొత్త రేడియల్ టైర్లు, డ్యూయల్ హార్న్ మరియు సైడ్-స్టాండ్ యాక్టివేటెడ్ ఇంజన్ కట్-ఆఫ్ వంటి ఫీచర్లను అదనంగా లభిస్తాయి.

సస్పెన్షన్ విషయానికి వస్తే, ముందు భాగంలో ట్రెడిషనల్ టెలిస్కోపిక్ ఫోర్క్ మరియు వెనుక భాగంలో మోనో-షాక్ సస్పెన్షన్ సెటప్ ఉంటాయి. ఇక బ్రేకింగ్ విషయానికి వస్తే, ముందు వైపు 282 మిమీ డిస్క్ మరియు వెనుక వైపు 220 మిమీ డిస్క్ బ్రేక్స్ ఉంటాయి. ఇవి రెండూ డ్యూయల్-ఛానల్ ఎబిఎస్‌ను సపోర్ట్ చేస్తాయి.

యమహా వైజెడ్ఎఫ్-ఆర్15 వి3.0 భారత మార్కెట్లోని ఈ సెగ్మెంట్లో కెటిఎమ్ ఆర్‌సి200, సుజుకి జిక్సెర్ ఎస్ఎఫ్ వంటి మోడళ్లకు పోటీగా నిలుస్తుంది. ఈ రెండు మోడళ్లతో పోల్చుకుంటే, ఈ జపనీస్ యమహా వైజెడ్ఎఫ్-ఆర్15 వి3.0 మరింత అగ్రెసివ్‌గా కనిపిస్తుంది, సరసమైన ధరలో పూర్తిస్థాయి స్పోర్ట్స్ వెర్షన్ మోటార్‌సైకిల్ కోసం వెతుకుతున్న యువ తరం కొనుగోలుదారులను ఇది చక్కగా సంతృప్తి పరుస్తుంది.

యమహా వైజెడ్ఎఫ్-ఆర్15 వి3.0 ధర పెంపుపై డ్రైవ్‌స్పార్క్ అభిప్రాయం.

యమహా వైజెడ్ఎఫ్-ఆర్15 వి3.0 భారత మార్కెట్లో లభిస్తున్న అత్యంత సరసమైన ఎంట్రీ లెవల్ స్పోర్ట్స్ బైకులలో ఒకటిగా నిలుస్తుంది. బైక్ మొత్తం ధరను పరిగణలోకి తీసుకుంటే, పెరిగిన ధర స్వల్పమే అనిపిస్తుంది. ఈ మోటార్‌సైకిల్ ఈ విభాగంలో ఉత్తమమైన పవర్ ఫిగర్స్‌ను కలిగి ఉంది.