మీకు తెలుసా.. ఇండియన్ మార్కెట్లో నిలిపివేయబడనున్న యమహా R3 బైక్

బిఎస్-6 నిబంధనలకు అనుకూలంగా తయారుచేయడానికి నిర్దేశించిన గడువు 2020 ఏప్రిల్ 1. ఏప్రిల్ 1 తరువాత బిఎస్-4 వాహనాలు నిలిపివేయబడతాయి. ఈ నేపథ్యంలో భాగంగా యమహా కంపెనీ తన బ్రాండ్ అయిన బిఎస్-4 ఆర్ 3 మోటార్ సైకిల్ ని నిలిపివేయనుంది.

యమహా యొక్క బిఎస్-4 వెర్షన్ ఆర్3 బైక్ 321 సిసి లిక్విడ్ కూల్డ్ ఇంజిన్ని కలిగి ఉంటుంది. ఈ ఇంజిన్ బిఎస్ 6 ఉద్గార ప్రమాణాలకు అనుగుణంగా నవీనీకరించలేదు. వీటి గడువు మార్చి 31 కి నిర్దేశించడంతో ఈ మోటార్ సైకిల్ భారత మార్కెట్లో అమ్మకానికి అందుబాటులో ఉండే అవకాశం ఉండదు.

ప్రస్తుత యమహా ఆర్ 3 ట్విన్-పాడ్ హెడ్‌ల్యాంప్ కలిగి స్టైలింగ్ మరియు రిలాక్స్డ్ రైడింగ్ పొజిషన్‌ను కలిగి ఉంది. ఆర్ 3 మోటార్ సైకిల్ సుదూర ప్రయాణాలకు చాలా అనుకూలంగా ఉంటుంది. ఇది వాహనదారునికి చాలా అనుకూలమైన రైడింగ్ అనుభూతిని కలిగి ఉంటుంది.

యమహా ఆర్ 3 మోటార్ సైకిల్లో ఉండే 321 సిసి లిక్విడ్-కూల్డ్ ఇంజిన్‌ 10,750 ఆర్‌పిఎమ్ వద్ద 41 బిహెచ్‌పి మరియు 9,000 ఆర్‌పిఎమ్ వద్ద 29.6 ఎన్ఎమ్ గరిష్ట టార్క్ ఉత్పత్తి చేస్తుంది. ఇంజిన్ ఆరు-స్పీడ్ గేర్‌బాక్స్‌తో జతచేయబడుతుంది.

ఆర్3 డైమండ్ ఫ్రేమ్‌ను కలిగి ఉంటుంది. మోటారుసైకిల్‌ యొక్క ముందు భాగంలో టెలిస్కోపిక్ ఫోర్కులు మరియు వెనుక భాగంలో అడ్జస్టబుల్ మోనో-షాక్ సస్పెన్షన్ యూనిట్ ఉంటుంది.

యమహా ఆర్ 3 బైక్ యొక్క బ్రేకింగ్ విధులను గమనించినట్లయితే దీని ముందు భాగంలో 298 ఎంఎం డిస్క్ మరియు వెనుక వైపు 220 ఎంఎం డిస్క్ ఉంటుంది. దీనికి డ్యూయల్-ఛానల్ ఎబిఎస్ మద్దతు కూడా ఉంది. ఆర్3 లో 17 అంగుళాల అల్లాయ్ వీల్స్ రెండు మెట్జెలర్ స్పోర్టెక్ ఎమ్5 టైర్లను కలిగి ఉన్నాయి. యమహా ఆర్3 లో పార్ట్-డిజిటల్ ఇన్స్ట్రుమెంట్ క్లస్టర్ ఉంది, ఇది రైడర్‌కు బేసిక్ ఇన్పర్మేషన్ అందిస్తుంది.

భారతదేశంలో యమహా ఆర్ 3 నిలిపివేయబడటంతో, ఎంట్రీ లెవల్ స్పోర్ట్ బైక్ కోసం చూస్తున్న కొనుగోలుదారులు టివిఎస్ అపాచీ ఆర్ఆర్ 310 మరియు కెటిఎం ఆర్ సి 390 లని ఎంచుకోవడానికి మొగ్గు చూపుతున్నారు.

డ్రైవ్‌‌స్పార్క్ తెలుగు అభిప్రాయం.. !

యమహా ఆర్ 3 భారత మార్కెట్లో మార్చి 31 తరువాత నిలిపివేయనుంది. ఈ యమహా ఆర్3 ఎక్కువమంది వాహనదారులకు ఇష్టమయిన మోటార్ సైకిల్. ఇప్పుడు ఈ విభాగంలో బిఎస్-6 వాహనం అందించకపోవడం వాహనదారులను చాలా నిరాశకు గురిచేసింది.