భారత్‌లో కొత్త 2021 బెనెల్లీ ఇంపీరియల్ 400 లాంచ్ : ధర & వివరాలు

కంపెనీ విడుదల చేసిన ఈ కొత్త బైక్ యొక్క ధర తగ్గడానికి ప్రధానంగా రెండు కారణాలే కారణమని కంపెనీ పేర్కొంది. అవి డాలర్‌కు వ్యతిరేకంగా రూపాయిని బలోపేతం చేయడం మరియు భారతదేశంలో అనేక భాగాల తయారీ కొత్త బైక్ ధరను తగ్గటానికి కారణమని కంపెనీ తెలిపింది.

ప్రస్తుతం ఈ కొత్త బెనెల్లీ ఇంపీరియల్ 400 ధర తగ్గడం వల్ల ఎక్కువమంది వినియోగదారులను ఆకర్షించే అవకాశం ఉంది, తద్వారా భారత మార్కెట్లో అమ్మకాలను పెంచడానికి సహాయపడుతుందని బెనెల్లి ఇండియా ఆశిస్తోంది.

బెనెల్లి ఇంపీరియల్ 400 ఇప్పుడు 2 సంవత్సరాల అపరిమిత కిలోమీటర్ల మ్యానుఫ్యాక్చర్ వారంటీతో ప్రామాణికంగా వస్తుంది. దేశీయ మార్కెట్లో అమ్మకాలు తర్వాత సర్వేష్ష్ లో భాగంగా బెనెల్లి తన వినియోగదారులకు 24x7 రోడ్‌సైడ్ అసిస్టెన్స్ ను కూడా అందిస్తుంది.

బెనెల్లి ఇంపీరియల్ 400 బైక్ లో చెప్పుకోదగ్గ అప్డేట్స్ లేనప్పటికీ, ఈ మోటారుసైకిల్ అదే లేటెస్ట్ రెట్రో డిజైన్‌ను ముందుకు తీసుకువెళుతుంది. ఇందులో రౌండ్ హెడ్‌ల్యాంప్‌లు, టియర్-డ్రాప్ షేప్ ఫ్యూయెల్ ట్యాంక్, స్పోక్ వీల్స్ వంటివి ఉన్నాయి.

2021 బెనెల్లి ఇంపీరియల్ 400 కూడా అదే బిఎస్ 6 కంప్లైంట్ 374 సిసి సింగిల్ సిలిండర్ ఎయిర్-కూల్డ్ ఇంజిన్‌తో పనిచేస్తుంది. ఇది 6000 ఆర్‌పిఎమ్ వద్ద 19 బిహెచ్‌పి మరియు 3500 ఆర్‌పిఎమ్ వద్ద 29 ఎన్ఎమ్ పీక్ టార్క్ ఉత్పత్తి చేస్తుంది. ఇది 5-స్పీడ్ గేర్‌బాక్స్‌తో జత చేయబడింది.

మోటారుసైకిల్ యొక్క స్టీల్ ట్యూబ్స్ మరియు ప్లేట్స్ తో డబుల్ డయల్ చాసిసి కలిగి ఉంది. మోటారుసైకిల్‌ యొక్క సస్పెన్షన్ విషయానికి వస్తే ఈ బైక్ ముందు భాగంలో 41 మిమీ టెలిస్కోపిక్ ఫోర్కులు మరియు వెనుకవైపు డ్యూయల్ షాక్ అబ్జార్బర్స్ ద్వారా అడ్జస్టబుల్ ప్రీలోడ్ ఉంటుంది.

ఇక ఈ కొత్త బైక్ యొక్క బ్రేకింగ్ విషయానికి వస్తే, దీని ముందు భాగంలో 300 మిమీ డిస్క్ మరియు వెనుక వైపున 240 మిమీ డిస్క్ చేత నిర్వహించబడుతుంది. అంతే కాకుండా ఇందులో స్టాండర్డ్ డ్యూయెల్ ఛానల్ ఏబీఎస్ మద్దతు కూడా లభిస్తుంది. మోటారుసైకిల్ 19 ఇంచెస్ మరియు 18 ఇంచెస్ స్పోక్డ్ రిమ్స్‌లో నడుస్తుంది. వీటిని 100/90 ముందు మరియు 130/80 వెనుక టైర్ ప్రొఫైల్‌లతో చుట్టారు.

కొత్త బెనెల్లీ మోటారుసైకిల్ 12 లీటర్ ఫ్యూయెల్ ట్యాంక్ కలిగి ఉంటుంది. ఇది ఒక లీటర్ పెట్రోల్ తో దాదాపు 32 కి.మీ మైలేజ్ అందిస్తుంది. ఈ కొత్త మోటారుసైకిల్ బరువు 204 కిలోలు. ఇంపీరియల్ 400 కూడా 780 మిమీ సీట్ల ఎత్తు మరియు 165 మిమీ గ్రౌండ్ క్లియరెన్స్‌ కలిగి ఉంటుంది.

బెనెల్లి ఇంపీరియల్ 400 చూడటానికి దాని మునుపటి మోడల్‌లాగా ఉంటుంది. అయితే ఈ కొత్త బైక్ ఇప్పుడు మరింత సరసమైన ధర‌తో లభిస్తుంది. బెనెల్లి ఇంపీరియల్ 400 భారత మార్కెట్లో రాయల్ ఎన్‌ఫీల్డ్ మీటీయార్ 350, హోండా హైనెస్ సిబి 350 మరియు జావా వంటి వాటికీ ప్రత్యర్థిగా ఉంటుంది.