త్వరలో విడుదల కానున్న అపాచీ ఆర్ఆర్ 310 టీజర్ రిలీజ్ చేసిన టీవీఎస్

టీవీఎస్ కంపెనీ త కొత్త అపాచీ ఆర్ఆర్ 310 బైక్ యొక్క టీజర్ విడుదల చేసినప్పటికీ, దాని అధికారిక విడుదల తేదీని మాత్రం ఇంకా వెల్లడించలేదు. కానీ నివేదికల ప్రకారం ఈ కొత్త టీవీఎస్ బైక్ త్వరలో లాంచ్ అయ్యే అవకాశం ఉందని తెలుస్తుంది. కంపెనీ విడుదల చేసిన టీజర్ ఇక్కడ గమనించవచ్చు. ఈ బైక్ ఇప్పుడు కొన్ని కొత్త అప్డేటెడ్ ఫీచర్లను కలిగి ఉండటంతో పాటు, కొత్త కలర్ ఆప్షన్స్ కలిగి కూడా కలిగి ఉంటుంది.

ఈ అపాచీ ఆర్ఆర్ 310 బైక్‌లో అదే 312 సిసి సింగిల్ సిలిండర్, లిక్విడ్-కూల్డ్ ఇంజన్ ఉన్నాయి. ఈ ఇంజన్ 33.5 బిహెచ్‌పి శక్తి మరియు 27.3 ఎన్ఎమ్ టార్క్ ఉత్పత్తి చేస్తుంది. ఇంజిన్ 6-స్పీడ్ గేర్‌బాక్స్‌తో జతచేయబడుతుంది. ఇది మంచి పనితీరుని అందిస్తుంది.

టీవీఎస్ అపాచీ ఆర్ఆర్ 310 లో టీవీఎస్ స్మార్ట్ టెక్నాలజీ, త్రాటల్-బై-వైర్ మరియు బ్లూటూత్ కనెక్టివిటీ ఫీచర్లు ఉంటాయి. అంతే కాకుండా ఈ అపాచీ ఆర్ఆర్ 310 బైక్‌లో 5 ఇంచెస్ టిఎఫ్‌టి కలర్ ఇన్‌స్ట్రుమెంట్ కన్సోల్ కూడా ఉంది. ఈ బైక్ మిచెలిన్ రోడ్ 5 టైర్లతో వస్తుంది.

అపాచీ ఆర్ఆర్ 310 బైక్‌లో నాలుగు రైడింగ్ మోడ్‌లు ఉన్నాయి. అవి రెయిన్, అర్బన్, స్పోర్ట్ మరియు ట్రాక్ మోడ్లు. ఈ బైక్ కేవలం 2.93 సెకన్లలో గంటకు 60 కి.మీ వరకు వేగవంతం అవుతుంది. అయితే ఇది గంటకు 0 నుండి 100 కిమీ వరకు వేగవంతం కావడానికి 7.17 సెకన్ల సమయం పడుతుంది.

ఈ కొత్త బైక్ మునుపటి బైక్ కంటే అదనపు ఫీచర్స్ కలిగి ఉంటుంది. ఈ బైక్‌లో ఆర్టీ-స్లిప్పర్ క్లచ్, బై-ఎల్‌ఈడీ ట్విన్ ప్రొజెక్టర్ హెడ్‌ల్యాంప్, ఆర్టీ-ఫ్యూయల్ ఇంజెక్షన్ సిస్టమ్ ఉన్నాయి. 2021 టీవీఎస్ అపాచీ ఆర్ఆర్ 310 బైక్ యొక్క సస్పెన్షన్ సెటప్ విషయానికొస్తే, ముందు వైపున యుఎస్డి ఫోర్కులు మరియు వెనుక భాగంలో మోనో-షాక్ సెటప్ ఉన్నాయి.

ఈ కొత్త అపాచీ ఆర్ఆర్ 310 లో సేఫ్టీ ఫీచర్స్ విషయానికి వస్తే, దీని ముందు మరియు వెనుక భాగంలో డిస్క్ బ్రేక్‌లను కలిగి ఉంది. ఇది డ్యూయల్-ఛానల్ ఎబిఎస్ వస్తుంది. టీవీఎస్ అపాచీ ఆర్ఆర్ 310 భారత మార్కెట్లో లాంచ్ అయిన తర్వాత కెటిఎం ఆర్‌సి 390, యమహా ఆర్ 3, కవాసకి నింజా 400 వంటి బైక్‌లకు అవకాశం ఉంటుంది.